پچیس سال کی عمر تک پہنچنے کے بعد خواتین کی عمر کا یہ وہ دور ہوتا ہے ۔جب کہ ان کا شباب یا جوانی پر عمر کے اثرات نمودار ہونا شروع ہو جاتے ہیں ۔ خواتین کی عمر کا یہ وقت ایک جانب تو جوانی کا عروج ہوتا ہے ۔دوسری جانب ان کے شباب کے ڈھلنے کی پہلی سیڑھی بھی ہوتی ہے ۔
اس وقت میں اپنی صحت کا خیال رکھنے والی خواتین، اپنی شخصیت کا زیادہ دیر تک جازب نظر اور خوبصورت بنانے میں کامیاب ہو جاتی ہیں ۔ مگر اس وقت کی لاپرواہی ان کے چہرے اور جسم کو وقت سے پہلے بوڑھا کر دینے کا سبب بھی بن سکتی ہیں ۔
پچیس سال کی عمر تک پہنچنے پر کیۓ جانے والے ضروری اقدامات
اس وقت میں کچھ ایسے اقدامات کرنے بہت ضروری ہوتے ہیں۔ جو کہ خواتین کی صحت ، جلد اور خوبصورتی کو برقرار رکھنے میں بہت معاون ثابت ہو سکتے ہیں ۔
خود کو نہ بدلیں
اکثر خواتین پچیس سال کی عمر کو پہنچنے کے بعد اس ڈر کا شکار ہو جاتی ہیں۔ کہ ان کی جوانی ڈھلنا شروع ہو گئی ہےاس وجہ سے وہ اپنی جلد کے لیۓ کچھ ایکسٹرا حساس ہو جاتی ہیں۔ اور نئی نئي کریم وغیرہ کا استعمال شروع کر دیتی ہیں ۔ مگر یہ چیز ان کو فائدہ دینے کے بجاۓ زیادہ نقصان پہنچانے کا باعث ہو سکتی ہے
آپ جیسی ہیں ویسی ہی رہیں اور خود کو بدلنے کی کوشش نہ کریں ۔ بلکہ خود کو ویسا ہی رکھیں جیسے آج سے پانچ سال پہلے تھیں ۔ آپ کی یہ سوچ آپ کو دیر تک جوان رکھنے میں مددگار ثابت ہو گی ۔
پانی اور نمی کا خاص خیال رکھیں
جلد پر عمر کے سب سے پہلے اثرات خشکی کی صورت میں ظاہر ہوتے ہیں ۔جن سے بچنے کے لیۓ سب سے پہلے جلد کی نمی کو بر قرار رکھنے کا اہتمام کریں ۔ اس کے لیۓ پانی کا استعمال خاص طور پر بڑھا دیں ۔
جلد کے لیۓ موسچرائزر کے استعمال کا خصوصی اہتمام کریں ۔ ہر وقت اپنے بیگ میں ایک اچھا موسچرائزر ضرور رکھیں جس کو بوقت ضرورت استعمال کریں ۔ کیون کہ خشک جلد پر جھریاں جلدی نمودار ہو جاتی ہیں
چہرے کو بار بار نہ چھوئیں
بیرونی آلودگی کے اثرات کو اپنے چہرے اور آنکھوں تک منتقل کرنے کا ذریعہ کوئی اور نہیں بلکہ ہمارے اپنے ہاتھ ہوتے ہیں ۔ پچیس سال کی عمر تک پہنچنے کے بعد جسم کا میٹا بولزم پہلے جیسا نہیں رہتا ہے ۔ اس سبب ہمارے ہاتھوں سے جو جراثيم بار بار چہرے کو چھونے کے سبب ہماری جلد تک منتقل ہوتے ہیں ۔ان کی ریکوری سست ہو جاتی ہے اس وجہ سے جلد کو نقصان پہنچانے کا باعث بن سکتی ہے ۔
اس وجہ سے بار بار اپنے ہاتھوں سے اپنی آنکھوں اور چـہرے کو چھونے میں احتیاط برتیں ۔ منہ دھونے کے بعد بھی چہرے کو انتہائي ہلکے ہاتھوں سے خشک کریں اس کو زيادہ رگڑنے سے پرہیز کریں
سورج کی شعاعوں سے احتیاط
پچیس سال کی عمر کے بعد جلد کی سورج کی الٹراوائلٹ شعاعوں سے محفوظ رکھنےکی استعداد میں کمی واقع ہو جاتی ہے۔ جس کی وجہ سے سورج کی شعاعیں جلد کو زیادہ نقصان پہنچاتی ہیں ۔اس وجہ سے پچیس سال کی عمر کے بعد کی خواتین کو خاص طور پر سورج کی شعاعوں کا سامنا کرنے میں احتیاط برتنی چاہیۓ۔ اور خاص طور پر سورج کا سامنا کرنے سے قبل اچھا سن بلاک استعمال کرنا چاہیۓ
روزانہ کلینزنگ کریں
اگر آپ کسی ایسے ماحول میں رہتی ہیں جہاں کی فضا میں آلودگی موجود ہے ۔تو یاد رکھیں کہ آپ کی بڑھتی عمر کے اثرات کو دگنا کرنے کا ایک سب سے بڑا سبب یہ بھی ہے ۔اس وجہ سے جلد کی صفائی کرنےکی عادت کو اپنا لیں تاکہ ان کو روکا جا سکے ۔ رات سونے سے قبل کلینزنگ کو اپنی پچیس سال کی تکمیل کے ساتھ ہی اپنی عادت میں شامل کر لیں
اس حوالے سے مذید معلومات کے لیۓ یہاں کلک کریں
اچھی کوالٹی کے میک اپ کے سامان کا استعمال
کم عمری میں جلد پر کسی بھی قسم کا لگایا جانے والا میک اپ زیادہ برے اثرات مرتب نہیں کرتا ہے۔ مگر پچیس سال کی عمر کے بعد جلد کی حسیاسیت میں اضافہ ہو جاتا ہے ۔اس وجہ سے اب سے میک اپ کے سامان کی خریداری میں خصوصی احتیاط کو اپنائيں
مسکراہٹ جلد کے لیۓ بہترین
مسکراہٹ چہرے کے مسلز کے لیۓ ایک ٹانک کا کام کرتی ہے ۔اس سے ایک جانب تو جلد کی ورزش ہوتی ہے دوران خون بہتر ہوتا ہے ۔جب کہ جھریاں بننے کا عمل بھی سست ہو جاتا ہے ۔اس وجہ سے مسکرانے کی عادت اپنائيں
بالوں کا خیال رکھیں
ایک خوبصورت شخصیت کے لیۓ صحت مند بال ضروری ہوتے ہیں ۔ پچیس سال کی عمر کے بعد بالوں کی جڑوں میں موجود گلینڈ چکنائی کم پیدا کرنے لگتے ہیں جس سے بال روکھے اور بےرونق ہونے لگتے ہیں ۔ اس وجہ سے بالوں کو غذائیت فراہم کرنے کے لیۓ خصوصی توجہ کی ضرورت ہوتی ہے اس وجہ سے اب بالوں کی دیکھ بھال پہلے سے زیادہ کرنی ضروری ہوتی ہے
ان تمام اقدامات کے ساتھ ساتھ اگر کسی بھی قسم کا طبی مسلہ ہو تو اس عمر کے بعد ا س کے خود سے ٹھیک ہونے کا انتظار نہ کریں اور اس کے حوالے سے ڈاکٹر سے رجوع کریں ۔ آن لائن ڈاکٹر سے مشورے کےلیۓ مرہم ڈاٹ پی کے کی ایپ ڈاون لوڈ کریں یا پھر 03111222398 پر رابطہ کریں