ہر کوئی ادرک کے فوائد کو مصالحے کے طور پر جانتا ہے، لیکن کتنے لوگ ادرک کا قہوہ کے صحت کے فوائد جانتے ہیں؟ ادرک کی جڑ قدیم سالوں سے ذائقہ دار پکوانوں کے طور پر استعمال کی جاتی ہے۔ جب اسے قہوہ یا چائے کے ساتھ ملایا گیا تو ذائقوں اور صحت کے فوائد میں اضافہ ہوتا گیا۔
اس میں وٹامن سی، معدنیات اور میگنیشیم ہوتے ہیں۔ لیموں، شہد وغیرہ شامل کرکے غذائیت کی سطح میں اضافہ کیا جاسکتا ہے۔ اس مضمون میں ہم اس کے قہوہ اور اس کی فائدے کے بارے میں بات کریں گے۔ امید ہے کہ چائے نہ پینے والے اس کی چائے یا قہوہ سے محبت ہو جائے گی کیونکہ جب ان کو اس کے بے شمار فائدوں کا معلوم ہوگا تو اس کے استعمال سے گریز نہیں کریں گے۔مزید معلومات کے لیے آپ مرہم پہ ڈاکٹر سے رجوع کریں یا پھر 03111222398 پہ کال کریں۔
ادرک کا قہوہ کی تاریخ کیا ہے؟
ادرک کی چائے یا قہوہ کی ایک طویل تاریخ تقریبا 5000 سال پہلے چین سے شروع ہوئی ہے، جہاں اسے روایتی طور پر صحت کے ٹانک کے طور پر استعمال کیا جاتا تھا۔ ادرک کو بہت بعد میں یورپ میں متعارف کرایا گیا تھا، اصل اس کو کچن میں پکوان میں مصالحے کے طور پر استعمال کیا جاتا تھا۔اب یہ دنیا کے تقریبا تمام ممالک میں مقبول ہوچکا ہے۔ یہ مشروب بہت تازگی بخش اور وٹامنز اور توانائی سے بھرپور ہے۔
ادرک کا قہوہ کے صحت کے 6 بہت اہم فوائد کیا ہیں؟
ادرک غذائی اجزاء اور حیاتیاتی مرکبات سے بھرا ہوا ہوتا ہے جو آپ کے جسم اور دماغ کے لئے طاقتور فوائد رکھتے ہیں۔
ہاضمہ کی تکلیف کو کم کرنے میں مدد کر سکتا ہے۔
بہت سے لوگوں کو غذا کو جذب کرنے کے لئے ہاضمے کے مسائل ہوتے ہیں۔ گیسٹرک ایک اور مسئلہ ہے جو کچھ غذائیں لینے سے آپ کو روکتا ہے۔ ادرک کا قہوہ پیٹ کے مسائل سے فوری راحت فراہم کرسکتا ہے۔ بھاری کھانا کھانے کے بعد اس کا قہوہ پئیں۔ یہ آپ کے کھانے کو ہضم کرے گا اور کاربونیٹڈ مشروبات کی بجائے اس کا قہوہ پینا اچھی عادت ہے۔
ادرک کا قہوہ شاید ہاضمہ کے مسائل کو سکون دینے کے لئے سب سے زیادہ مشہور ہے، اور خاص طور پر متلی کو کم کرنے میں مدد کرنے کے لیے بہت اہم ہے۔ ایک مطالعے سے یہاں تک پتہ چلتا ہے کہ یہ کچھ ادویات کی طرح ہی مؤثر ہوسکتا ہے۔
سوزش کو کم کرنے میں مدد کرتا ہے۔
ادرک میں سوزش کو کم کرنے کی خصوصیات موجود ہوتی ہیں۔ مطالعے سے پتہ چلتا ہے کہ یہ جوڑوں اور پٹھوں کے درد کا علاج کرتا ہے۔ لہذا جوڑوں کے درد کے مسائل والے لوگ اس کے قہوے کو گھریلو علاج کے طور پر بھی لے سکتے ہیں۔ یہاں تک کہ مریض سر درد کے دوران ایک کپ گرم قہوہ لے سکتا ہے۔ یہ سر درد، جسم کے درد وغیرہ کو کم کرنے میں بھی مدد کرتا ہے۔
بلڈ پریشر کو کم کرنے میں مدد کر سکتا ہے۔
یہ 2017 کی ایک تحقیق سے پتہ چلا ہے کہ جو لوگ روزانہ ادرک کا استعمال کرتے ہیں ان میں ہائپر ٹینشن کا خطرہ کم ہوتا ہے۔ لیکن اگر آپ کو ہائی بلڈ پریشر ہے تو اس کے قہوہ کا استعمال مفید ہوسکتا ہے۔
وزن میں کمی میں مدد کر سکتا ہے۔
جب وزن اور موٹاپے کی بات آتی ہے تو ادرک کے فوائد کے بارے میں کچھ مطالعے ہوئے ہیں۔ جو تحقیق کے جائزے سے ثابت کرتے ہیں کہ ادرک بھوک پر قابو پانے اور تھرموجینیسیس (گرمی کی پیداوار) میں اضافے سمیت بہت سے مختلف میکانزم کے ذریعے موٹاپے کو کم کرنے میں مدد کر سکتا ہے۔ اس کے لیے ادرک کا قہوہ مخصوص نہیں ہے، لیکن متوازن غذا کے حصے کے طور پر اس کو شامل کرنا فائدہ مند ہوسکتا ہے۔
سر درد اور مائگرین کو دور کرنے میں مدد کرسکتا ہے۔
ادرک اور اس کے درد سے نجات دلانے والی خصوصیات کے بارے میں کافی حد تک تحقیق کی گئی ہے، جس میں سر درد اور مائیگرین کے ساتھ رہنے والوں کے لئے اس کا بہت حد تک فائدہ بھی شامل ہے۔ لہذا ادرک کا قہوہ پینے سے سر درد کو روکنے اور دور کرنے دونوں میں بھی مدد مل سکتی ہے۔
قوت مدافعت کے نظام کو بہتر بنانے میں مدد کرسکتا ہے۔
ادرک کا قہوہ یا چائے کھانسی اور فلو میں مؤثر ثابت ہوتے ہیں ۔ یہ انسانی جسم کے قوت مدافعت کے نظام کو بڑھاتا ہے۔ جو کسی بھی جراثیم اور وائرس کے خلاف مدد کرسکتا ہے۔ فلو یا بھاری کھانسی کے دوران اس کا قہوہ کثرت سے پئیں۔ یہ سانس کے مسئلے کو بھی حل کرے گا اور پھیپھڑوں سے کھانسی کو دور کرے گا۔ شہد ادرک کا قہوہ سردی کے لئے بہترین ہے۔
کیا ادرک کا قہوہ یا چائے ہر ایک کے لئے موزوں ہے؟
ادرک کا ذائقہ مخصوص ہوتا ہے اور اس لئے، ہر ایک کو پسند نہیں آتا ہے،اور ہر کسی کی چائے کا کپ بھی نہیں ہوسکتا ہے۔کچھ لوگوں کو اس کو پینے سے منفی اثرات کا سامنا کرنا پڑ سکتا ہے، جیسے سوجن یا سینے میں جلن، اور اس کی دیگر بیماریوں میں بلڈ پریشر کم کرنے کے اثرات کی وجہ سے، اسے کم بلڈ پریشر والے افراد یا بلڈ پریشر کی کسی بھی دوا کے ساتھ اعتدال میں رہ کر استعمال کرنا چاہئے۔
آپ اپنی غذا میں ادرک کا قہوہ یا چائے کو کیسے شامل کرسکتے ہیں؟
اس کو دن کے کسی بھی وقت پیا جاسکتا ہے۔ یہ صبح کے وقت سب سے پہلے پک می اپ کے طور پر اچھی طرح کام کرسکتا ہے، لیکن آپ اس کو کھانے کے بعد ہاضمہ کرنےکے لیے بھی پی سکتے ہیں۔آپ اس قہوہ میں تازہ لیموں یا شہد شامل کرسکتے ہیں، یا مختلف ذائقہ دار ٹی بیگ خرید سکتے ہیں، جیسے لیموں اور ادرک یا ادرک سبز چائے والے ہوتے ہیں۔
اگر آپ باقاعدگی سے کوئی دوا لیتے ہیں تو ادرک کے سپلیمنٹس کا استعمال شروع کرنے سے پہلے اپنے ڈاکٹر سے ضرور بات کریں۔ ڈاکٹر خون پتلا کرنے والی دواؤں کے ساتھ ذیابیطس اور ہائی بلڈ پریشر کی ادویات کے ساتھ استعمال کرنے کے طریقے کا صحیح مشورہ دے گا۔
مرہم کی ایپ ڈاؤن لوڈ کرنے کے لیے یہاں پہ کلک کریں۔
| Android | IOS |
|---|---|
 |
 |