خشکی کو سکری بھی کہا جاتا ہے اس بیماری میں سر کی جلد پر چھوٹے چھوٹے سفید رنگ کے چھلکے پیدا ہو جاتے ہین اور اکثر یا کندھوں پر بکھرے نظر آتے ہیں جو کہ بدنما لگتے ہیں مختلف علامات کے لحاظ سے خشکی سکری کو مندرجہ ذیل قسموں میں تقسیم کیا جاتا ہے
سکیلی سیبوریا
ویکسی سیبوریا
ایلیس سیبوریا
پٹی ری آسس
آئیں ان بیماریوں کی تفصیل جانتے ہیں
سکیلی سیبوریا
خشکی کی اس قسم میں بہت سے چھوٹے چھوٹے سفید رنگ کے چھلکے سر کی جلر پر نظر آتے ہیں جن کو اگر ہٹایا جائے تو ان کے نیچیے جلد انتہائی خشک نظر آتی ہے جس کی وجہ سے آپ کی جلد پر خشکی آتے ہی بالوں کے گرنے کا عمل شروع ہوجاتا ہے
ویکسی سیبوریا
اس بیماری میں سر کی جلد جگہ جگہ سے نرم اور پیلے رنگ کی موم سے ڈھکی ہوئی نظر آتی ہے یہ گنجے پن کی ابتدائی علامتوں میں سے ایک ہوتا ہے اس بیماری میں خشکی سر کی جلد پر موم کی صورت میں جم جاتی ہے جو بالوں کے لیئے نقصان دہ ثابت ہوتا ہے
ایلیس سیبوریا
یہ بیماری بچوں میں عام ہوتی ہے اس میں سر کی جلد چکنی محسوس ہوتی ہے بچے اپنی سر کی صفائ خود نہیں رکھ سکتے لہذا ماؤں کو چاہیئے کہ ان کی سر جلد کو نقصان سے بچانے کے لیئے بہتر اقدام کریں
پٹی ری آسس
بیماری کی یہ قسم جس میں سر کی جلد کے ابھرے ہوئے حصے سے الگ ہو کر گرنے لگتے ہیں اس کے مختلف مراحل ہوتے ہیں جو سر میں ٹکڑیوں کی شکل میں ظاہر ہوتے ہیں اور ان مراحل کے دوران سر میں سخت کھجلی ہوتی ہے پھر متاثرہ حصے چکنے ہو جاتے
ہیں اور بال گرنا شروع ہوجاتے ہیں
خشکی کی وجوہات
اس بیماری کا علاج کرنے سے پہلے اس بیماری کی وجوہات جاننا بہت ضروری ہے تاکہ احتیاط کرکے بیماری کو روکا جاسکے
ادویات کا استعمال خشکی پیدا کرتا ہے
جب کوئی شخص بیمار ہوتا ہے تو بہت زیادہ دوائیاں استعمال کرنے سے سر میں خشکی نظر آنے لگتی ہے
اعصابی تناؤ خشکی کا سبب
ہر وہ شخص جو اعصابی تناؤ اور ذہنی الجھاؤ کا شکار ہوگا اس بیماری میں ضرور مبتلا ہوگا
خوراک کا عمل دخل
جسمانی صحت اور خوراک کا بھی بڑا اہم کردار ہے جب خوراک ٹھیک طور پر ہضم نہ ہو تو جسم اپنی کثافتیں خشکی کی شکل میں خارج کرنا شروع کردیتا ہے جس کی وجہ سے پورے جسم میں یہ بیماری نمودار ہوجاتی ہے
خشکی دور کرنے کے طریقے
خشکی کے علاج کے بہت سے گھریلو ٹوٹکے ہیں جن کا استعمال اگر ہم اپنی روز مرّہ کی زندگی میں شامل کردیں تو ہماری سر کی جلد صحت مند رہے گی اور بال خشک بھی نہیں ہوں گے
اچھی اور متوازن غذا کے ساتھ ساتھ اگر آپ یہ طریقے آزمائیں گے تو بالوں کی خشکی کی کمی میں نمایاں فرق دیکھیں گے بلکہ مکمل خاتمہ بھی ہوسکتا ہے
یہ بیماری آپ کے سر کی جلد اور بالوں کو خشک کردیتی ہے آئیں چند ٹوٹکوں کا ذکر کریں
زیتون کا تیل
خشکی دور کرنے کے لیئے تولیہ کو گرم کرکے اپنے سرپر لپیٹیں تاکہ جلد کے مسام کھل جائیں اس کے بعد نیم گرم زیتون کا تیل سر کی جلد پر انگلیوں سے لگائیں اور جذب کرنے کی کوشش کریں پھر ہر بل شیمپو سے بالوں کو اچھی طرح دھولیں
لیموں کا تیل
خشکی کے علاج کے لیئے کسی بھی عام شیمپو میں
وٹامن ای کے کیپسولز 2 عدد
روز میری آئل 10قطرے
10 قطرے(oil essential) لیموں کا تیل
اس شیمپو کو 10 منٹ سر پر لگا کر ہلکا مساج کریںپھر 10 منٹ لگا کر چھوڑدیں اس کے بعد نیم گرم پانی سے سر دھولیں
خشکی کا علاج دہی سے
خشکی دور کرنے کے لیئے دہی میں تھوڑا سا میٹھا تیل ڈال کر سر دھو نے سے آدھا گھنٹہ قبل اچھی طرح لگائیں پھر کسی اچھے شیمپو سے نیم گرم پانی سے سر کو دھولیں
ناریل کا تیل
اس بیماری کو ختم کرنے کے لیئے نہانے سے پہلے
ناریل کا تیل 5 کھانے کے چمچ
لیموں آدھا لیموں کا رس
اچھی طرح مکس کرکے سر میں ایک گھنٹہ لگا کر اچھی طرح مساج کریں پھر کسی بھی اچھے شیمپو سے سر دھولیں
خشکی کا علاج سرد موسم میں
اکثر لوگ سرد موسم میں زیادہ خشکی کا شکار ہوتے ہیں سردیوں کا موسم سب کو پسند ہوتا ہے مگر ساتھ ہی بہت ساری خشکی بھی لیکر آتا ہے سردیوں کا موسم آتے ہی آپ کا دل میوے کھانے گرم مشروبات پینے کو کرتا ہے جس کی وجہ سے خشکی آپ کے سر پہ نمودار ہوجاتی ہے
سردیوں کا موسم آتے ہی اکثر لوگ سارا دن میں پانی کا کم استعمال کرتے ہیں جو کہ انتہائی خشکی کا سبب بنتا ہیےسرد موسم میں جسم کے ساتھ ساتھ سر کی جلد بھی متاثر ہوتی ہے اس بیماری سے چھٹکارہ پانے کے لیئے نہایت آزمودہ ٹوٹکہ ہے
دہی ا یک چمچ
سرسوں کا تیل ایک چمچ
انڈہ ایک عدد
چینی ایک چمچ
ان سب چیزوں کو اچھی طرح مکس کرکے سر پہ 2 گھنٹے کے لیئے لگائیں اس کے بعد کسی بھی اچھے شیمپو سے دھولیں