باقاعدگی سے ورزش جلد کی خوبصورتی بڑھاسکتی ہے

جلد کی خوبصورتی سبھی چاہتے ہیں۔ تروتازہ نظر آنے والی جلد کیلئے صرف جلد کی دیکھ بھال ہی ضروری نہیں بلکہ یہ درحقیقت ایک صحتمند طرز زندگی کی بدولت ممکن ہوسکتی ہے۔ مثال کے طور پر متوازن خوراک، ذہن کو تناؤ سے پاک رکھنا اور ورزش کا معمول اس میں شامل ہے۔

ورزش کی جلد کے لئے اہمیت۔

عام طور پر ورزش یا جسمانی سرگرمی کو دل کی صحت کے لئے اور وزن برقرار رکھنے کے لئے اہم سمجھا جاتا ہے۔ جبکہ درحقیقت، باقاعدہ جسمانی سرگرمی جلد کی صحت اور ظاہری شکل پر بھی اثر انداز ہوتی ہے۔دل کے مسائل کے متعلق ماہر امراض قلب سے مشورے حاصل کریں۔

لیسلی بومن، ایم ڈی، میامی میں ماہر امراض جلد اور دی اسکن ٹائپ سولوشن، کی مصنفہ کہتی ہیں، ورزش کا ایک فوری اثر “جلد میں خون کے اور لمف کے بہاؤ میں اضافہ کرنا ہے، جس سے آنکھوں کی سوجن کم ہوتی ہے”۔

لہذا ماہرین کے مطابق، کہ اگر آپ کو جلد کے حوالے سے کوئی بڑا مسئلہ نہیں ہے تو ورزش آپکی جلد کو نکھارے گی۔ (درحقیقت، امریکی نیشنل روزاسیا سوسائٹی کے مطابق، ورزش ایکزیما جیسی بیماری کی علامات کو خراب کر سکتی ہے)۔ علاوہ ازیں، جلد پر عمر بڑھنے کے اثرات کو روکنے میں ورزش کے بے شمار فوائد موجود ہیں۔

ورزش سیلولر سطح پر جلد میں تبدیلیاں پیدا کر سکتی ہے۔

جلد کے ہر سیل میں مائٹوکونڈریا ہوتا ہے، (جسے سیل کے انجن کے طور پر جانا جاتا ہے)۔ ” یہ اے ٹی پی نامی کیمیکل بناتے ہیں، جو سیل کے تمام افعال کو ایندھن دیتا ہے (جریدے نیچر کے مطابق اے ٹی پی سے مراد ہے، اڈینوسین 5′-ٹرائی فاسفیٹ)۔

ڈاکٹر بومن کہتی ہیں کہ “اسکن کو پہنچنے والے نقصان کو ٹھیک کرنے اور جلد کو جوان رکھنے والے اجزاء کو بنانے کےلیئے اے ٹی پی، کی ضرورت ہوتی ہے، جیسے کولیجن اور ہائیلورونک ایسڈ”۔

تاہم، عمر کے ساتھ، مائٹوکونڈریا کم اے ٹی پی بنانا شروع کر دیتا ہے، بومن کے مطابق : “مائٹوکونڈریا کی تعداد میں اضافہ کرنے یا ان کی کم عمری کی صلاحیتوں کو بحال کرنے کے لیے ابھی تک کوئی دوائیں یا علاج دریافت نہیں ہوا۔”اگر آپ کو جلد سے متعلق کوئی مشورہ درکار ہے یا کوئی شکایت ہے تو ہمارے ماہر ڈرماٹولوجسٹ سے ابھی رابطہ کریں۔

ورزش واحد ایسی چیز ہے جو اس سلسلے میں مددگار ثابت ہو سکتی ہے۔ ڈاکٹر بومن اینئیول ریویو آف فزیالوجی کے فروری 2019 میں شائع شدہ ایک مقالے کا حوالہ دیتی ہیں کہ ورزش پٹھوں کے اندر مائٹوکونڈریل تبدیلیوں کو پلٹ سکتی ہے۔

مارچ 2018 میں جریدے ایجنگ سیل میں شائع ہونیوالی تحقیق میں بوڑھے اور مستقل سائیکل سوار مرد اور خواتین  کے پٹھوں کے خلیات کے مشاہدے سے پتہ چلا کہ انکے پٹھوں میں کم عمر شخص کی طرح کی خصوصیات اور کام کرنے کی صلاحیت ہوتی ہے۔

ایجنگ سیل کی اگست 2015 کی کراس سیکشنل اسٹڈی نے ایکٹیو لوگوں اور “کاوچ پوٹیٹو” کے درمیان جلد کی صحت مندی کا موازنہ کیا۔ انہیں معلوم ہوا کہ “عمر رسیدہ کھلاڑیوں کی اسکن بڑی عمر کے آرام پسند لوگوں کی نسبت زیادہ صحت مند ہوتی ہے”۔

مارک ٹارنوپولسکی، ایم ڈی، پی ایچ ڈی، مطالعہ کے شریک مصنف اور میک ماسٹر یونیورسٹی میڈیکل سینٹر ہیملٹن، اونٹاریو، کینیڈا میں نیورومسکلر اینڈ نیورومیٹابولک کلینک کے ڈائریکٹر کہتے ہیں کہ خاص طور پر، ڈرمس (جلد کی دوسری تہہ) موٹی ہوتی ہے۔ انکے مطابق، جلد کا پتلا ہونا، جھریوں کا باعث ہے۔ مدافعتی نظام میں شامل، آئی ایل۔ 15 نامی مادہ ورزش کے دوران خارج ہوتا ہے۔ اسمیں اضافہ “ایک ایسا عنصر ہے جو اسکن کی صحت میں مدد کرتا ہے۔”

 ورزش نیند بہتر کر کے اور تناؤ کم کرکے جلد کی عمر پر اثرانداز ہوتی ہے۔

اچھی ورزش کے بعد ٹریڈ مل سے اترنے پر جو خوشی ہوتی ہے یہ ممکنہ طور پر اینڈورفنز جو خوشی محسوس کرنے والے ہارمونز ہیں،جو اس کی وجہ سے ہوتی ہے۔ اور یہ اینڈروفنز جلد کے لئے بھی اچھے ہوتے ہیں۔ ” اسکن کے خلیوں میں اینڈورفن ریسپٹرز، جلد کے خلیوں کو مفید انداز میں متاثر کرتے ہیں۔” ہارورڈ ہیلتھ کے مطابق، ورزش تناؤ کے اثرات اور تناؤ کے ہارمون کورٹیسول اور ایڈرینالین کی سطح کو کم کرتی ہے۔

جون 2014 کی ایک تحقیق کے مطابق، “حالیہ تحقیق نے اسکن کو فوری طور پر تناؤ کو محسوس کرنے والی اور تناؤ کے ردعمل کا ہدف ہونے کی نشاندہی کی ہے۔”  تناؤ کو جلدی مسائل جیسے سورائسس، ایٹوپک ڈرماٹائٹس کی علامات اور ایکنی بریک آوٹ کا ایکٹو قرار دینے کے ساتھ ساتھ اسے اسکن بیرئر جو جلن اور الرجین کو دور رکھتا ہے اس میں رکاوٹ ڈالنے کا ذمہ دار پایا گیا ہے۔

بومن کے مطابق، “تناؤ کے ردعمل کے طور پر، جسم کورٹیسول جاری کرتا ہے، جس کے نتیجے میں خون میں شکر کی سطح بڑھ جاتی ہے۔ بلڈ شوگر میں اضافہ گلائیکیشن کا سبب بنتا ہے، ایک ایسا عمل جس میں شوگر کولیجن جیسے پروٹین سے جڑ جاتی ہے اور اسے نقصان پہنچاتی ہے۔ اس سے اسکن کی عمر بڑھ جاتی ہے”۔

یہاں یہ قابل غور ہے کہ ورزش کرنیوالے لوگوں کو بہتر نیند آتی ہے۔ نیشنل سلیپ فاؤنڈیشن کے مطابق، کافی نیند لینا (بالغوں کے لیے ایک رات میں سات سے نو گھنٹے)، تناؤ پر قابو پانے کے لیے بہترین تکنیک ہے۔ بین الاقوامی جرنل آف انوائرمینٹل ریسرچ اینڈ پبلک ہیلتھ کی تحقیق کے مطابق  پرسکون رہنے سے آپکی رنگت کو فائدہ ہوتا ہے۔

جلد کی صحت کو بہتر بنانے کے لیے ورزش کی بہترین اقسام۔

بومن کہتی ہیں کہ اسکے دو طریقے ہیں۔ جب آپ مائٹوکونڈریل فنکشن کو بڑھا کر سیلولر سطح پر اپنی اسکن کو تبدیل کرنا چاہتے ہیں تو وزن اور برداشت کی ٹریننگ آپ کیلئے بہترین ہو سکتی ہے۔ ایسی ورزش کا انتخاب کریں جو تناؤ دور کرنے اور بہترین نیند میں مدد دیتی ہے۔ اکثر یوگا کا انتخاب کیا جاتا ہے، حقیقتا یوگا تناؤ سے لڑ سکتا ہے حالانکہ بومن کے مطابق اس بات کا کوئی ثبوت نہیں ہے کہ زین کی مشق اسکن کو بہتر بنانے میں خاص طور پر اچھی ہے۔

تاہم یاد رہے کہ بہترین ورزش وہ ہے جس سے آپ لطف اندوز ہوں۔ درحقیقت بات کسی مخصوص ورزش کی نہیں ہے بلکہ ورزش کے معمول کی ہے۔ ورزش کوئی بھی ہو باقاعدگی سے کرنا ہی فائدہ مند ہو سکتا ہے۔

مرہم ایپ ڈاؤن لوڈ کرنے کیلئے یہاں کلک کریں۔

Android	IOS