بارشوں کے موسم میں کریلا کھانا صحت کے لیۓ کیسے مفید ؟جانیں

کریلا بارش کے لیے ایک بہترین غذا ہے۔ کہا جاتا ہے کہ کریلا اور کڑوی سبزیاں اور جڑی بوٹیاں جیسے نیم، میتھی کے بیج کھانے سے، انفیکشن کو روکنے اور قوت مدافعت بڑھانے میں مدد مل سکتی ہے۔ بارش کے موسم میں کریلا کھانوں کے ساتھ ساتھ دوائیوں میں بھی استعمال ہوتا ہے۔

کریلا قوت مدافعت بڑھاتا ہے۔ برسات کے موسم میں عام طور پر انفیکشن کے زیادہ ہونے کے امکانات ہوتے ہیں ۔ کڑوے ذائقے کی وجہ سے یہ انفیکشن کو کم کرتا ہے اور میٹابولزم کو متوازن کرتا ہے۔

کریلا ، غذائیت سے بھرپور

کریلا وٹامن اور منرلز کا بھرپور ذریعہ ہے۔ اس میں آئرن، میگنیشیم، پوٹاشیم اور وٹامنز اے اور سی پایا جاتا ہے۔ اس میں پالک سے دوگنا کیلشیم اور بروکولی جیسا  بیٹا کیروٹین ہوتا ہے۔ کریلے میں مختلف اینٹی آکسیڈنٹس اور اینٹی انفلامیٹری مرکبات موجود ہوتے ہیں۔

یہ خراب کولیسٹرول کی سطح کو کم کرنے میں بھی مدد کرتا ہے، اس طرح دل کی بیماری اور فالج کا خطرہ کم ہوتا ہے۔یہ مدافعتی نظام کو مضبوط بناتا ہے، سانس کی صحت کو بہتر بناتا ہے، جلد کی صحت کو بڑھاتا ہے اور عمر بڑھنے کے اثرات کے خلاف خصوصیات رکھتا ہے۔

کریلے کے استعمال

جیسا کہ کریلا کے نام سے ہی پتہ چلتا ہے، اس کی ایک خصوصیت اس کا کڑوا ذائقہ ہے، لیکن اگر یہ پکا ہوا ہو اور پکانے کا عمل درست ہو، تو یہ ہمارے لذیذ ترین کھانوں میں سے ایک ہے۔ کریلے کو چھیلنے کے بعد اگر اس کو نمکین پانی میں دو گھنٹے بھگو کر رکھ دیا جائے تو اس کی کڑواہٹ کم ہو جاتی ہے۔ کریلے کا جوس ایک معجزاتی صحت بخش مشروب سمجھا جاتا ہے خاص طور پر اس کا رس ذیابیطس والوں کے لیے بہترین سمجھا جاتا ہے۔

اگر آپ اس موضوع پر کسی بھی قابل ڈاکٹر کی راہنمائی حاصل کرنا چاہتے ہیں تو ابھی مرہم ڈاٹ پی کے وزٹ کریں  یا ایپ ڈاؤن لوڈ کریں اور 16000 سے زائد تصدیق شدہ ڈاکٹروں کی رہنمائی حاصل کریں یا اس نمبر03111222398 پر کال کریں

کریلے کے فوائد

کریلا برسات کے موسم میں کھانے کی تجویزدی جاتی ہے کیونکہ اس میں معدنیات، وٹامن سی اور اینٹی آکسیڈنٹس کی مقدار زیادہ ہوتی ہے، یہ سب جسم کو موسمی بیماریوں سے بچانے کے لیے ضروری ہیں کریلے میں موجود کڑواہٹ بھوک کو بڑھاتی ہے اور اس کا پوٹاشیم ڈائیورٹک اثر رکھتا ہے اس لیے یہ جسم کی اندرونی حرارت کو کم کرتا ہے۔ یہ موسم برسات کے لیے بہترین سبزی ہے۔ اس کے کچھ فوائد درج ذیل ہیں۔

وزن کم کرنے میں معاون

کڑوے ذائقے کی وجہ ہے کہ بہت سے لوگ اسے پسند نہیں کرتے۔ لیکن اگر آپ واقعی کچھ وزن کم کرنا چاہتے ہیں یا اپنی صحت کو بہتر بنانا چاہتے ہیں تو اپنی روزمرہ کی خوراک میں اس غذائیت سے بھرپور سبزی کو شامل کرنا آپ کے جسم کے لیے حیرت انگیز کام کر سکتا ہے۔ یہ خیال کیا جاتا ہے کہ کریلے کا جوس پینا، جو کہ ذیابیطس کے مریضوں کے لیے ایک ضروری ٹانک بھی ہے یہ آپ کے پیٹ کی چربی جلانے اور تیزی سے وزن کم کرنے میں مدد گار ہے۔

ایک تحقیق میں بتایا گیا کہ کریلے کا عرق انسانی چربی کے خلیات کو متحرک کرنےمیں مدد کرتا ہے اور نئے چربی کے خلیات کی تشکیل اور نشوونما میں بھی رکاوٹ ہے۔ تحقیق میں مزید بتایا گیا کہ کریلا موٹاپے کے علاج کے لیے قدرتی ایجنٹ کے طور پر جانا جاتا ہے۔موٹاپے سے نجات حاصل کرنے کے لیۓ صحت بخش غذائی چارٹ ماہر ڈائیٹیشن سے رابطہ کر کےیہاں سے حاصل کریں۔

ذیابیطس کے مریضوں کے لیے بہت اچھا ہے

کریلے میں پولی پیپٹائڈ، انسولین جیسا مرکب اور چارنٹین ہوتا ہے، جو ذیابیطس کے لیۓ خصوصیات رکھتا ہے۔ یہ اجزاء خون میں شکر کی سطح کو کم کرنے میں تیزی سے مدد کرتے ہیں۔ یہ میٹابولزم کو ریگولیٹ کرکے اور جسم میں استعمال ہونے والی چینی سے انسولین کی سطح میں اضافہ اور کمی کو روکنے میں بھی مدد کرتا ہے۔ کریلا ہائپوگلیسیمک ایجنٹ کے طور پر کام کرتا ہے۔ یہ گھلنے والے فائبر کا بھرپور ذریعہ ہے۔ اس سلسلے میں مزید معلومات حاصل کرنے کے لیۓ بہترین اور مستند ڈائبٹالوجسٹ سے مشاورت یہاں سے کریں۔

ہاضمہ بہتر کرتا ہے

اینٹی آکسیڈنٹ سے بھرپور کریلے کا جوس پینا انزائمز کی پیداوار کو متحرک کرتا ہے جو ہاضمے کوبہتر بناتے ہیں۔ یہ تجویز کیا جاتا ہے کہ شہد کریلے کے جوس میں ملا کر پینے سے ہاضمہ کے افعال کو تیزی سے بڑھا سکتا ہے۔ کریلے میں موجود غذائی ریشے نظام ہاضمہ کو صحت مند رکھنے میں مدد دیتے ہیں۔

کریلا کھانے کے بعد آپ کبھی بھی بھاری پن، پھولا ہوا پیٹ یا تیزابیت محسوس نہیں کریں گے۔ اس لیۓ یہ برسات جیسے بھاری موسم کی بہترین غذا ہے۔ ہاضمے سے متعلق کسی بھی قسم کی پریشانی کی صورت میں  پیشہ ور اور ماہر امراض معدہ کے انتخاب کے لیۓ یہاں کلک کریں۔

کینسر سے بچاتا ہے

کریلے کا جوس کینسر کی کچھ اقسام کو روکنے میں مددگار ثابت ہوتا ہے۔ ایک تحقیق کے مطابق، کڑوے کریلے کا رس لبلبے کے کینسر کے خلیوں کی گلوکوز کو میٹابولائز کرنے کی صلاحیت کو محدود کرتا ہے اور اس طرح خلیات کے توانائی کے ذخائر کو کم کر دیتا ہے اورآخر کار انہیں ختم کر دیتا ہے۔ اس کے علاوہ کریلے کا عرق مؤثر طریقے سے چھاتی کے کینسر کا علاج کر سکتا ہے۔

دمہ کا علاج کرتا ہے

کریلے کا جوس پینے سے پھیپھڑوں اور سانس کی نالی میں جمع ہونے والے بلغم کو دور کرکےمستقل رہنے والی کھانسی اور سانس لینے کی دشواریوں کو دور کرنے میں مدد ملتی ہے۔ اس لیے کریلے کا رس پھیپھڑوں کے انفیکشن اور دمہ کے لیے موثر علاج ثابت ہو سکتا ہے۔ دمہ کے علاج کے لیۓ مستند ماہرین سے رجوع یہاں سے کریں۔

جلد کے لیے بہترین

چونکہ کریلا نظام کے اندر سے خون کو صاف کرتا ہے، اس لیے اس کا رس پینے سے قبل از وقت بڑھاپے کو روکنے میں مدد مل سکتی ہے۔ کریلے کا جوس پینے سے جلد کی اوپری سطح سے باریک لکیروں کو دور کرنے میں بھی مدد مل سکتی ہے۔ اس لیے کریلا کا جوس ایک بہترین ڈٹاکسیفائر اور جلد کو صاف کرنے والا بناتا ہے۔ جلدکی کسی بھی بیماری کی صورت میں جلد کے ماہر ڈاکٹر سے مشاورت ضروری ہےاس سلسلے میں یہاں سے رابطہ کر سکتے ہیں۔

یہ کریلے کی صحت بخش خصوصیات میں سے صرف چند ایک ہیں۔ اس کا جوس پئیں، اس کی سبزی بنائیں، یا کسی کرسپی اسنیکس میں اس کا مزہ لیں۔

مرہم ایپ کو ڈاؤن لوڈ کرنے کے لیۓ یہاں کلک کریں

Android	IOS