Table of Content
بچے کی پیدائش وہ موقع ہوتا ہے جس کے بعد اکثر خواتین موٹی اور بھدی ہو جاتی ہیں ۔ ان کا پیٹ لٹک جاتا ہے ۔ جو کہ واپس پہلے جیسی حالت میں نہیں آتا ۔ اور جسم پر چڑھی ہوئی چربی کی تہیں ہمیشہ کے لیۓ جسم کے مختلف حصوں پر جم جاتی ہیں
یہی وجہ ہے کہ اکثر بڑی بوڑھی خواتین عورتوں کو ایک نظر میں دیکھتے ہی بتا دیتی ہیں ۔کہ یہ کتنے بچے پیدا کر چکی ہے ۔ کیوں کہ ہر بچے کی پیدائش کے بعد اس عورت کے جسم کی ساخت بگڑتی جاتی ہے جس کو واضح طور پر دیکھا جا سکتا ہے
بچے کی پیدائش کے بعد دوبارہ اسمارٹ ہونے کے طریقے
عام طور پر خواتین یہ سمجھتی ہیں کہ بچے کی پیدائش کے بعد ان کی زندگی ختم ہوگئی ہے ۔ اور وہ اپنا خیال رکھنا بالکل چھوڑ دیتی ہیں ۔ یہ طرز عمل قطعی غلط ہے ۔بلکہ بچے کی پیدائش کے بعد دوبارہ سے خود کو اسمارٹ بنانے کے لیۓ پوری پلاننگ کرنے کی ضرورت ہے ۔ ماہرین کی رہنمائی کے مطابق ان کچھ باتوں پر عمل کر کے بچے کی پیدائش کے بعد ۔نہ صرف لٹکے ہوۓ پیٹ کو واپس اصلی حالت میں لایا جا سکتا ہے ۔بلکہ وزن بھی کم کیا جا سکتا ہے
سونے کے کمرے کا درجہ حرارت کم رکھیں
اکثر خواتین بچے کی پیدائش کے بعد نیند کی کمی کا شکار ہو جاتی ہیں۔ جو کہ ان کے وزن میں اضافے کی ایک بڑی وجہ ہوتی ہے ۔ مگر ماہرین کے مطابق ایک اچھی اور پر سکون نیند خواتین کی جلد اور وزن پر بہت مثبت اثرات مرتب کرتے ہیں
ایک اچھی نیند کے لیۓ چند باتوں پر عمل کریں
کمرے میں سونے سے پہلے اندھیرا کر دیں اس سے بچہ بھی اندھیرے میں سکون سے سونے کی عادت ڈال سکتا ہے
کمرے کو بہت زیادہ گرم نہ کریں کیوں کہ اس سے نیند بار بار ٹوٹتی ہے۔ اس وجہ سےکوشش کریں کہ کمرے کا درجہ حرارت کسی بھی صورت 19 ڈگری سینی گریڈ سے زیادہ نہ ہو ۔اگر سردی لگے تو اس کے لیۓ اوڑھنے کی چادر یا کمبل کا استعمال بھی کیا جا سکتا ہے
سونے سے دو گھنٹے پہلے کھانا کھا لیں ۔ کھانے کے فورا بعد سو جانا وزن میں مذید اضافہ کرتا ہے اس کے ساتھ ساتھ چربی کے پگھلنے کے عمل میں بھی رکاوٹ ڈالتا ہے
اس حوالے سے مذید معلومات کے لیۓ یہاں کلک کریں
سونے سے قبل پیٹ پر کریم لگانا
ڈھلکے ہوۓ پیٹ کو بچے کی پیدائش کے بعد واپس پہلی جیسی حالت میں لانے کے لیۓ ڈاکٹر ایسی کریم لگانے کا مشورہ دیتے ہیں جو جلد کو واپس پہلی حالت میں لا سکے ۔ اس کے لیۓ ڈاکٹر ریٹی نائڈ کریم لگانے کا مشورہ دیتے ہیں ۔جس میں وٹامن اے کی موجود گی بھی ضروری ہے جو کہ نۓ خلیوں کے بننے میں مددگار ہو سکتی ہے۔
دن بھر میں کم از کم بیس منٹ تک تیز واک کریں
بچے کی پیدائش کے بعد اگر آپ دوبارہ پہلی جیسی اسمارٹنس حاصل کرنےکی خواہشمند ہیں۔ تو اس کے لیۓ آپ کو لازمی طور پر خود کو ایکٹو کرنا پڑےگا۔ دن بھر میں کم از کم بیس منٹ تک تیز تیز واک کرنے کی عادت اپنانی ہو گی ۔
اس کی وجہ سے ایک جانب تو جسم کا میٹا بولزم تیز ہو گا۔ اور خلیات میں آکسیجن کی ترسیل بہتر ہو گی ۔دوسری جانب جلد کی چمک دمک میں اضافہ ہو گا ۔ اور وزن بھی کم ہو گا
بادام کے تیل سے مساج
جلد کو ٹائٹ کرنے والی کریم کے مساج کےساتھ ساتھ بادام کے تیل کا مساج بھی ڈھلکے پیٹ کو ٹھیک کرنے میں بہت مددگار ثابت ہوتا ہے
اس کے لیۓ کمر کے بل سیدھا لیٹ جائيں۔ اور دونوں ہاتھوں پر بادام کا تیل لگا لیں اس کے بعد ہاتھوں کی ہتھیلی کو پورے پیٹ پر گھڑی کی سوئيوں کی سمت میں دائرے میں حرکت دیں۔ اس کے بعد پیٹ کو نیچے سے اوپر کی جانب اٹھاتے ہوۓ مساج کریں ۔ مساج کا یہ عمل روزانہ کم از کم بیس منٹ تک کریں
پیٹ پر بیلٹ لگائيں
پیٹ کو دوبارہ پہلی حالت میں لانے کے لیۓ اس کو بیلٹ یا کسی بھی اور چیز سے سختی سے ہر روز 30 سے 90 منٹ تک سختی سے باندھ لیں۔ اس کو باندھنے سے پہلے اس کے اوپر جلد کو ٹائٹ کرنے والی کریم بھی لگائی جا سکتی ہے
کولیسٹرول اور کارٹی سول پر چیک رکھیں
اگر آپ کے خون میں کولیسٹرول کی شرح زیادہ ہے۔ تو پھر آپ اس بات کے لیۓ تیار ہو جائیں کہ ڈھلکے پیٹ کو کم کرنے کی آپ کی تمام کوششیں ناکام ہونے والی ہیں ۔کیوں کہ بڑھا ہوا کولیسٹرول پیٹ کی چربی کے پگھلنے مین ایک بڑی رکاوٹ بن جاۓ گا
اس کے ساتھ ساتھ ذہنی ٹیسنشن کے سبب بڑھنے والا ہارمون کارٹی سول بھی جلد کو کمزور کر دیتا ہے جس کی وجہ سے پیٹ کی جلد ڈھلک جاتی ہے اس لیۓ اس کے لیول پر نظر رکھنا بھی ضروری ہے
بچے کی پیدائش کے فورا بعد اسمارٹ بننے کی خواہش میں اکثر خواتین سخت ترین ڈائٹنگ کرنا شروع کر دیتی ہیں لیکن یہ کسی بھی صورت مناسب نہیں ہے ۔ کیوں کہ اس وقت ماں کو پروٹین کی ضرورت ہوتی ہے ۔ البتہ چکنے کھانوں سے پرہیز کریں
کسی بھی قسم کی دشواری کی صورت میں ماہر ڈاکٹروں سے مشورے کے لیۓ مرہم ڈاٹ پی کےکی ایپ ڈاون لوڈ کریں یا پھر 03111222398 پر رابطہ کریں
Ambreen Sethi
Latest posts by Ambreen Sethi (see all)
- موزے اتارنے پر پیروں پر نشان کے 4 بڑے اور خطرناک اسباب - June 25, 2021
- لسی کے8 بڑے فوائد جو گرمی بھگاۓ - June 24, 2021
- مونگ کی دال کےجلد کے لیۓ 5 بڑے فوائد - June 24, 2021
