بلیو بیریز کے فوائد:ذیابیطس کےلیے حیرت انگیز طور پہ مفید

بلیو بیریز خون میں شکر کو کنٹرول کرنے میں مددگار ہوتی ہیں اور یہ ذیابیطس یا پری ذیابیطس والے لوگوں کے لئے بہترین ہوتی ہیں۔ بلیو بیری میں فائبر ہوتا ہے، جو ہاضمہ کو بہتر بناتا ہے اور وزن کنٹرول میں مدد فراہم کرتا ہے۔ یہ آپ کو زیادہ لگنے والی بھوک سے روکتی ہے اور آپ کو صحت مند رکھنے میں مدد فراہم کرتی ہے۔

بلیو بیری میں موجود وٹامن اور اینٹی آکسیڈنٹس دل اور ہڈیوں کے لئے بھی بہترین ہیں۔ یہ مختلف صحت کے لحاظ سے بھی فائدہ مند ہیں اور یہ ضروری ہے کہ ہر شخص ڈاکٹر کی ہدایت کے مطابق استعمال کرے۔ مزید معلومات حاصل کرنے کے لیے آپ مرہم کی سائٹ پہ غذائی ماہرین سے رابطہ کرسکتے ہیں یا 03111222398 پہ کال پہ کنسلٹیشن بھی حاصل کرسکتے ہیں۔

بلیو بیریز اور ذیابیطس

 امریکن ذیابیطس ایسوسی ایشن نے بلیو بیریز کو ذیابیطس کے مریضوں کے لیے  سپر فوڈ قرار دیا ہے، بلیو بیریز وٹامنز، اینٹی آکسیڈینٹس، معدنیات اور فائبر سے بھری ہوتی ہیں جو مجموعی صحت کو فروغ دیتے ہیں۔ یہ تمام چیزیں بیماری کو روکنے اور شوگر کو کنٹرول کرنے میں بھی مدد کرسکتی ہیں۔

بلیو بیریز کے صحت سے بھرپور فوائد

ذیابیطس والے لوگوں کے لئے، بلیو بیریز گلوکوز پروسیسنگ، وزن میں کمی، اور انسولین کی حساسیت میں مدد کر سکتی ہے۔ ذیابیطس کے لیے بلیو بیری کے فوائد کے بارے میں مزید جاننے کے لیے پڑھیں۔

وٹامن کے

بلیو بیریز میں موجود وٹامن کے ہڈیوں کی صحت کو بہتر بنا سکتا ہے اور فریکچر ہونے سے بھی روک سکتا ہے۔ وٹامن کے آپ کے جسم میں کیلشیم جذب کرنے میں مدد کرتا ہے، اور بوڑھے بالغوں میں انسولین کے خلاف مزاحمت کو بھی کم کر سکتا ہے۔

وٹامن سی

وٹامن سی کا کام اینٹی آکسیڈینٹ ٹشووں کی مرمت کرنا اور دوبارہ نشوونما میں مدد کرنا ہے، یہ وٹامن مدافعتی نظام کو بڑھاتا ہے، اور ذیابیطس کے شکار لوگوں میں بلڈ شوگر اور لپڈس کو کم کر سکتا ہے، جس کا مطلب ہے کہ یہ ذیابیطس کی پیچیدگیوں کو روکنے میں مدد کر سکتا ہے۔

آسٹیوپروسس کو روکتی

بلیو بیریز میں موجود وٹامن سی، وٹامن کے، اور فولیک ایسڈ کا موجود ہونا ہڈیوں کے لئے مددگار ہوتا ہے اور آسٹیوپروسس کو روکتا ہے۔ اہم معدنیات مینگنیج آسٹیوپوروسس کو روکنے میں مدد کرتا ہے اور سوزش کو کم کرتا ہے۔

بلیو بیریز سے وزن میں کمی

 بلیو بیریز میں کیلوریز کم ہوتی ہیں لیکن غذائی اجزاء زیادہ ہوتے ہیں، اس لیے یہ وزن کم کرنے میں مدد کر سکتی ہیں۔ جن لوگوں کا وزن زیادہ ہے یا موٹاپا ہے، ان کے لیے صحت مند متوازن غذا کھانا بہت ضروری ہوتا ہے۔ اپنے صحت بخش کھانے میں بلوبیری جیسے پھل شامل کریں۔ تاکہ آپ کو ذیابیطس کو روکنے، وزن کو کنٹرول کرنے اور مجموعی صحت کو بہتر بنانے میں مدد مل سکے۔

ذیابیطس کے مریضوں کے لیے بلیو بیریز کی خوراک

 بلیو بیریز میں بہت سے دوسرے پھلوں کے مقابلے میں کاربوہائیڈریٹ کی مقدار نسبتاً کم ہوتی ہے، لیکن پھر بھی ان کو معتدل مقدار میں استعمال کرنا چاہیئے۔ زیادہ سے زیادہ آدھا کپ فی سرو نگ (تقریباً 10 گرام) کھانے کی ہدایت دی جاتی ہے تاکہ آپ اپنے بلڈ شوگر کی سطح کو خراب نہ کرسکیں۔

بلیو بیریز کو کسی بھی سبز سلاد کو مزیدار بنانے کے لیے شامل کرسکتے ہیں۔ یہ ناشتے میں بھرپور غذائیت اور ذائقہ شامل کرنے کا ایک بہترین طریقہ بھی ہے۔آپ انہیں مزیدار ناشتے کی اسموتھی میں شامل کرسکتے ہیں یا نٹس کے سیریل کے پیالے میں شامل کرکے صحت بخش غذائیت حاصل کرسکتے ہیں۔