مزیدار چٹنی کھانے کی لذت کو بڑھانے کے ساتھ ساتھ جسم کو صحت مند بنائیں

چٹنی نہ صرف ہم جو کھاتے ہیں اس کے ذائقے کو تبدیل کرتی ہیں بلکہ پیٹ کو سکون بخشنے سے لے کر ڈیٹوکس ایجنٹ ہونے تک کئی طرح کے فوائد بھی رکھتی ہیں۔ ہر گھر میں دسترخوان  پرکئی کھانوں کے ساتھ مختلف اقسام کی چٹنیوں کی ضرورت پڑتی ہے، ان چٹنیوں کے استعمال سے نا صرف مرغن، تلی ہوئی غذائیں جلدی ہضم ہو جاتی ہیں بلکہ صحت پر بھی کئی فوائد حاصل ہوتے ہیں۔

جب چٹنیوں کی بات ہو تو منہ میں خود ہی پانی آنے لگتا ہے، طبی و غذائی ماہرین کی جانب سے تیز مسالوں کو صحت کے لیے مفید قرار دیا جاتا ہے، ایک تحقیق کے مطابق چٹنیاں اور تیز مسالے والی غذاؤں کے استعمال سے دماغ تیز، ہاضمہ درست، وزن کم اور کینسر لاحق ہونے کے خدشات میں کمی واقع ہوتی ہے۔

غذائی ماہرین کے مطابق ہر جڑی بوٹی جیسے کہ ادرک ،لہسن، پودینہ اور دھنیہ، املی، آلو بخارہ ، ہری اور لال مرچیں ہری پیاز، کچی کیری کا استعمال صحت کے لیے نہایت مفید ہے بشرطیکہ یہ سب اجزا تازہ اور بغیر کسی ملاوٹ اور پروسیس کے گھر میں ہی استعمال کیے جائیں۔

چٹنیوں کےصحت پر فوائد

گھر میں جھٹ پٹ تیار اور لذیذ، صحت کے لیے مفید چٹنیوں کے فوائد کچھ اس طرح ہیں۔

پودینے کی چٹنی

 پودینے کے پتے ہاضمے کو بڑھانے، سوزش کو کم کرنے اور معدے کو سکون دینے میں اہم کردار ادا کرتے ہیں۔ وہ بھوک کو بھی بڑھا سکتے ہیں اور متلی جیسی بیماریوں کا علاج کر سکتے ہیں۔ اس کے علاوہ پودینے میں اسکوربک ایسڈ بھی موجود ہے اور پوٹاشیم اور مینگنیز بھی ‘یہ تمام عناصر بیماریوں کو دور بھگاتے ہیں ۔ پودینے کے پتے مخصوص توانائی کو پورے جسم میں پھیلا دیتے ہیں ۔اس عمل سے نہ صرف فرحت حاصل ہوتی ہے بلکہ دماغ کھل جاتا ے اور دماغی اور جذباتی بھارتی پن اور ٹینشن کا خاتمہ ہوتا ہے اور ہم خود کو دوبارہ توانا محسوس کرتے ہیں ۔

دھنیے کے پتوں کی چٹنی

ہاضمے کوبڑھانے کے لیے، دھنیا کے پتے بہترین علاج ہیں۔ ان میں وٹامن سی، وٹامن کےوغیرہ شامل ہیں۔ یہ غذائی اجزاء ذیابیطس کے مریضوں کے لیے فائدہ مند ہیں۔ یہ انسولین کی مطلوبہ مقدار کے اخراج میں مدد کر سکتا ہے اور خون میں شکر کی سطح کو کم کر سکتا ہے۔ اس سے متعلق اگر آپ کو مزید جاننے کی ضرورت ہےتو ڈاکٹرسےمشاورت کے لیۓ مرہم کی ویب سائٹ مرہم ڈاٹ پی کے یا اپنے سوالات کے جوابات حاصل کرنے کے لیۓ براہ راست ڈاکٹر سے رابطے کے لیۓ اس نمبر پر03111222398 کال کریں۔    

پیاز اور لہسن کی چٹنی

 یہ ہاضمے اور بواسیر کے مسائل کے لیے استعمال ہوتی ہے۔ لہسن میں اینٹی بیکٹیریل اور اینٹی فنگل خصوصیات ہیں جو کولیسٹرول کو کم کرنے میں مدد دیتی ہیں۔ اپنی خوراک میں کسی بھی نئےغذائی اجزاء کو شامل کرنے سے پہلےاپنی جسمانی صحت کے لحاظ سے اس اجزاء کے فوائد اور مضر اثرات جاننا بہت ضروری ہیں۔ اس سلسلے میں ماہر غذائیت سے مشاورت کے لیۓ یہاں سے رجوع فرمائیں

ٹماٹر کی چٹنی

یہ چٹنی وٹامنز اور گلوٹاتھیون فراہم کرتی ہے۔ ٹماٹر کی چٹنی کینسر جیسی جان لیوا بیماری سے بڑی راحت فراہم کرتی ہے اور انسان کو لمبی اور صحت مند زندگی گزارنے کے قابل بناتی ہے۔ لوگوں کو بھوک نہیں لگتی وہ یہ چٹنی ایک کپ کھانے سے آدھا گھنٹہ پہلے استعمال کریں۔ چٹنی ہیموگلوبن کی کمی میں بے حد مفید ہے اور سرخ ذرات کو وافر مقدار میں پیدا کرتی ہے۔

خواتین اس چٹنی کو حمل کے پہلے دو ماہ میں استعمال کریں تو قے و متلی سے بچی رہتی ہیں اور ان کو فولک ایسڈ کی کمی نہیں ہوتی نیز یہ لیکوریا کا بھی بہترین علاج ہے۔ اگر آپ بھی اس بیماری کا شکار ہیں تو لیکوریا کے علاج اعلی تربیت یافتہ اور پیشہ ور ماہرین کا انتخاب یہاں سے کریں۔

املی کی چٹنی

املی کی چٹنی کااستعمال نظام ہضم کے لئے بہت اچھا ثابت ہوتاہے۔کھانے کو ہضم کرکے یہ اسکے گزرنے اورپاس ہونے کے عمل کو آسان بناتی ہے۔قبض ، گیس اور معدے کے دیگر مسائل سے بچاکر معدہ کو طاقت دیتی ہے۔ وزن میں کمی کے لئے اس کااستعمال بہت بہتر نتائج دیتاہے۔بھوک کم کرتی ہے اوریہ جسم میں چربی کو جمع نہیں ہونے دیتی ۔ ملی میں موجود وٹامن سی اوردیگر اینٹی آکسیڈنٹ انسانی جسم کے لئے بہترین دواکاکام کرتے ہیں۔

املی میں پوٹاشیم ہونے کے باعث یہ بلڈ پریشر کو کم کرنے میں اہم کردار اداکرتی ہے۔املی میں موجود فائبر شریانوں سے ایل ڈی ایل کولیسٹرول کو ختم کرتاہے۔اسمیں موجود وٹامن سی فری ریڈیکل کے خطرات کو کم کرتاہے۔

کچی کیری کی چٹنی

کیری کی چٹنی کھانے کا اپنا مزہ تو ہے ہی ‘اس کے طبی فوائد بھی بہت زیادہ ہیں۔ طبی ماہرین کے مطابق آم کی نسبت کیری میں وٹامن سی‘ بی ون اور بی ٹو زیادہ پایاجاتا ہے۔ کیری میں شدید گرمی کے اثرات اور لو ُسے بچانے کی قدرتی صلاحیت ہوتی ہے۔یہ نظام ہضم کو فعال بنانے کے ساتھ جسم سے فاضل مادے خارج کرنے میں معاون ہوتی ہے۔ کیری آنتوں کی خرابی کی شکایت رفع کرتی ہے۔

کیری میں موجود وٹامن سی خون کی نالیوں کو زیادہ لچکدار بناتا ہے اورخون کے خلیات کی تشکیل میں بھی مدد گار ہوتی ہے ۔یہ غذا میں موجود فولاد کو جسم میں جذب کرنے میں بھی معاونت کرتی ہے ۔کیری میں تپ دق اورخون کی کمی سے بچاﺅ کے لئے جسم کی مزاحمتی صلاحیت کو مزید طاقت ور بنانے کی قوت بھی پائی جاتی ہے۔ کیری میں موجود تر ُش تیزابی مادے آنتوں کے زخموں کو مندمل کرنے میں مددگار ثابت ہوتے ہیں۔

مرہم ایپ کو ڈاؤن لوڈ کرنے کے لیۓ یہاں کلک کریں

Android	IOS