دہی کا استعمال 5 بڑی بیماریوں کی علامات میں کمی کا سبب ہو سکتا ہے

دہی کے استعمال کے فوائد جاننے کے لیے یہاں پڑھیں دہی دنیا بھر میں سب سے زیادہ استعمال ہونے والی مقبول ترین غذاﺅں میں سے ایک ہے

دہی کے استعمال کے فوائد بے شمار ہیں بیشتر افراد دہی کواس کی اصل شکل یعنی کچھ تیکھے ذائقے کے ساتھ استعمال کرتے ہیں جبکہ یہ فروٹ فلیورز کی شکل میں میٹھا بھی دستیاب ہوتا ہے دہی کو میٹھی یا نمکین لسی کی شکل میں بھی استعمال کیا جاتا ہے جو کہ بہت مقبول صحت مند اور جسم ٹھنڈا کرنے والا مشروب ہے اسی طرح کھانوں کے ساتھ رائتے کی شکل میں بھی کھایا جاتا ہے

دہی کے فوائد

موجودہ دور میں فروزن دہی بھی کافی پسند کیا جارہا ہےاگر آپ جسمانی طور پر پتلے اور اسمارٹ رہنا چاہتے ہیں اور جِم جانے کے لیے وقت نکالنا مشکل لگتا ہے یا کسی مخصوص غذا تک محدود رہنا چاہتے ہیں تو دہی کو کھانا معمول بنالینے سے مقصد حاصل کیا جاسکتا ہے وزن کو کم کرنے کے لیے مناسب غذاء اور ڈائٹ پلان حاصل کرنے کے لیے ماہر غذائیت سے رابطہ کریں 

یہ وٹامنز پروٹین کیلشیئم پوٹاشیم فاسفورس اور زنک سے بھرپور ہوتا ہے

مگر بہت کم افراد کو ہی اس  کے متعدد چھپے ہوئے فوائد کا علم ہوتا ہے درحقیقت یہ ایسی چیز ہے جو ہماری غذا کا لازمی حصہ ہونا چاہئے

بلڈ پریشر کو مستحکم رکھتا ہے

کیا آپ بلڈ پریشر کے اوپر نیچے جانے سے فکر مند ہیں جو صحت مند زندگی کو متاثر کررہا ہے اگر ہاں تو ڈاکٹروں اور محققین کا آزمودہ نسخہ دہی بلڈ پریشر کو مستحکم رکھنے میں مدد دے سکتا ہے

نمک کا زیادہ استعمال اکثر اوقات ہمارے جسم کو امراض قلب گردوں کے مسائل یا فشار خون کے لیے آسان شکار بنا دیتا ہے جسم میں موجود اضافی نمک میں کمی لانے کے لیے مناسب مقدار میں پوٹاشیم کی ضرورت ہوتی ہے 8 اونس دہی میں لگ بھگ 600 ملی گرام پوٹاشیم موجود ہوتا ہے جو ہمارے جسم کے لیے مختلف امراض کے خطرے کو کم کرتا ہے

ہڈیاں مضوط بناتا ہے

وقت گزرنے کے ساتھ ہمارے جسم کو متعدد اجزاء کی کمی کا سامنا ہوتا ہے ان سب میں کمزور ہڈیاں تمام درمیانی عمر کے مردوں اور خواتین کے لیے خطرہ ثابت ہوتی ہیں اس سنگین عارضے کی روک تھام اور اپنی بڑھتی عمر میں بھی چاق و چوبند رہنے کے لیے دہی زبردست کام کرتا ہے

جس کی وجہ اس میں شامل وٹامن ڈی اور کیلشیئم ہے نیویارک کے ہیلن ہیز ہاسٹل کے ڈائریکٹر جیری نیویز کے مطابق اگر آپ کو جوڑوں میں درد یا اکڑن کا سامنا ہو تو دہی کو اپنی روزمرہ کی غذا کا حصہ بنانے کی کوشش کریں آپ خود ہی فرق محسوس کریں گے

نظام ہاضمہ کے مسائل دور کرتا ہے

اس کا ایک اور فائدہ نظام ہاضمہ کو بہتر بنانا ہے اس میں ایک خاص جز پروبائیوٹک شامل ہوتا ہے جس کے بارے میں ہوسکتا ہے آپ نے کسی نیوٹریشن سے سنا بھی ہو ایک نیوٹریشن ایکسپرٹ روبن پلاٹکن کے مطابق دہی میں شامل یہ جز غذا کو زیادہ بہتر طریقے سے ہضم ہونے ميں مدد دیتا ہے اور ہم صحت مند رہتے ہیں

نظام ہاضمہ کی خرابی اور معدے کے مسائل میں مبتلا ہونے کی صورت میں ماہر ڈاکٹر سے مشورے کے لیے مرہم ڈاٹ پی کے کی ویب سائٹ وزٹ کریں یا پھر 03111222398 پر رابطہ کریں 

 جلد صاف کرتا ہے

ہموار جلد کے لیے مختلف کریموں اور لوشن استعمال کرکے بیزار ہوچکے ہیں تو آپ کو حیرت ہوگی کہ یہ بھی شفاف اور ہموار جلد کے لیے زبردست نسخہ ثابت ہوسکتا ہے اور مہنگی کاسمیٹکس سے آپ کی جان بھی چھوٹ جائے گی

آپ کو چار چمچ اس کی ضرورت ہوگی جس میں دو سے تین قطرے بادام یا زیتون کے تیل اور ایک چائے کے چمچ شہد کو شامل کرنا ہوگا ان چیزوں کو اچھی طرح ملائیں اور چہرے پر پندرہ منٹ کے لیے لگارہنے دیں اپنے چہرے کو دھونے کے بعد آپ خود شفاف جلد کو محسوس کریں گے جو جھریوں اور تیل سے پاک ہوگی

بڑھتی بھوک پر قابو پانے میں مددگار

واشنگٹن یونیورسٹی کی ایک تحقیق کے مطابق یہ ہمارے اندر زیادہ کھانے کی خواہش کو کم کرنے میں مددگار ثابت ہوتا ہے جبکہ یہ ہمارے اندر توانائی کا احساس بھی بڑھاتا ہے

جسمانی دفاعی نظام بہتر بناتا ہے

ویانا یونیورسٹی کی ایک تحقیق میں یہ بات ثابت ہوئی کہ یہ ہمارے جسمانی دفاعی نظام کے افعال کو بہتر بنانے کے لیے بھی فائدہ مند ہے یہ خواتین کے ٹی سیلز کو مضبوط بناتا ہے ٹی سیلز خون کے سفید خلیات کا حصہ ہوتے ہیں اور انفیکشن یا امراض کے خلاف دفاع کرتے ہیں

بالوں کی خشکی دور کرتا ہے

بالوں کی نگہداشت کے لیے دہی زبردست ہے یہ خشکی سر کی خارش وغیرہ کا خاتمہ کرتا ہے اس کے نتیجے میں بال نرم اور چمکدار ہوجاتے ہیں اس کے بہترین ماسک بنانے کے لیے آپ کو چار چمچ دہی ایک چائے کا چمچ مسٹرڈ یا ناریل کا تیل اور آدھے انڈے کی ضرورت ہوتی ہے ان سب چیزوں کو ملائیں اور بالوں پر لگائیں اس مکسچر کو بالوں پر 30 منٹ تک کے لیے لگا رہنے دیں اور پھر دھو لیں آپ کے بال نرم اور چمکدار ہوجائیں گے

طبی فوائد

  پیٹ کی مختلف بیماریوں میں اس کا استعمال مفید رہتا ہے دہی وزن متناسب رکھنے میں مدد گار ہے اس کو اگر شہد کے ساتھ ملا کر چہرے پر لیپ کیا جائے تو جھریوں کے خاتمے میں فائدہ مند ہےایسے مریض جو ذہنی دباؤ یا ڈپریشن کا شکار ہوتے ہیں وہ اس کا استعمال ضرور کریں
دہی کھانے سے دماغ پر اچھے اثرات مرتب ہوتے ہیں اور سوچنے سمجھنے کی صلاحیتب میں اضافہ ہوتا ہے دہی کھانے سے جلد صاف اور چمکدار ہو جاتی ہےبد ہضمی اور قبض میں کھانا مفید ہےدہی دودھ کی نسبت جلد ہضم ہو جاتا ہے

مرہم کی ایپ انسٹال کرنے کے لیۓ یہاں کلک کریں

Android	IOS