مہندی لگانا عید کا موقع پر ایک ایسا رواج ہے جس کی ابتدا کب سے ہوئی یہ تو ہم نہیں جانتے لیکن اس کے بغیر عید کا تصور محال ہے۔ اگرچہ گزشتہ سالوں سے کرونا وائرس کی وبائی صورتحال کے سبب عید کی تیاریاں کافی حد تک مانند پڑ چکی ہیں اس کے باوجود آج بھی گھر کی بچیاں اور خواتین چوڑیوں اور مہندی کے بغیر عید کرنے کو تیار نہیں ہوتی ہیں۔
اس موقع پر ہاتھوں پر کون مہندی سے دلفریب ڈيزائن بناۓ جاتے ہیں ۔مگر اس حوالے سے گزشتہ کچھ سالوں سے مہندی میں جلدی اور تیز رنگ کے لیۓ مختلف کیمیکل کا استعمال کیا جاتا ہے جو جلد کے پر انفیکشن کا باعث بن جاتے ہیں۔
۔ 1 اصل مہندی کی کیا نشانی ہے؟
مہندی درحقیقت ایک پودے کے پتوں کو پیس کر بنایا جانے والا پیسٹ یا پاوڈر کو کہتے ہیں ۔ جس کو پانی میں گھول کر کچھ دیر تک جلد پر لگانے سے جلد پر ایک خوبصورت سرخ رنگ نمودار ہوتا ہے ۔ جو کہ کم از کم دو ہفتوں تک رہتا ہے ۔ اس رنگ کے ساتھ ایک مسحورکن خوشبو بھی اس رنگ کے ساتھ ہوتی ہے جو کہ رنگ کے ساتھ ہی رہتی ہے ۔
یہ ہر طرح کے مضر اثرات سے پاک ہوتی ہے، بلکہ اس کے استعمال کے کئی فوائد ضرور ہوتے ہیں اس کے علاوہ مہندی کے رنگ کو بڑھانے کے لیۓ اس کے اندر مختلف اشیا جیسے کافی یا چاۓ کی پتی وغیرہ کا استعمال کیا جا سکتا ہے جس سے بغیر کسی مضر اثر کے اس کے رنگ کو بہتر بنایا جا سکتا ہے۔
۔ 2 نقلی مہندی سے کیا مراد ہے؟
۔ 1 مارکیٹ میں اس وقت مہندی کے نام پر کون مہندیاں جو فروخت کی جا رہی ہیں ان کے حوالے سے یہ یہ کہا جا سکتا ہے کہ ان میں اصل مہندی کے علاوہ سب کچھ موجود ہے ۔
۔ 2 تیز رنگ اور جلد رنگنے کے حصول کے لیۓ لوگوں نے اصل مہندی کے بجاۓ مختلف کیمیکل کو ملا کر مہندی کا نام دے دیا ہے۔
۔ 3 جو کہ لگنے کے بعد فوری طور پر تیز رنگ تو لے آئيں گی مگر جیسے جیسے ان کا رنگ اترتا جاتا ہے اس کے ساتھ ساتھ کھال بھی اترتی جاتی ہے۔
۔ 4 معروف ماہر جلد کے مطابق کیمیکل سے بھر پور اس مصنوعی مہندی سے جلد پر اکثر الرجی شروع ہو جاتی ہے جس سے جلد پر چھالے بنتے ہیں یا پھر ایسے نشان بن جاتے ہیں جو جلد کو جھلسا کر رکھ دیتے ہیں۔
۔ 3 نقلی مہندی میں استعمال کیۓ جانے والے کیمیکل
جیسے کہ پہلے بھی بتایا گیا ہے کہ اس جعلی مہندی میں اصل مہندی ہی نہیں ہوتی باقی کیمیکل ہوتے ہیں۔ تیز اور جلد رنگ حاصل کرنے کے لیۓ اس میں جو کیمیکل استعمال کیۓ جاتے ہیں ان کے حوالے سے کراچی یونی ورسٹی میں ڈاکٹر نصیر الدین خان ہیڈ آف سینٹرلائزڈ سائنس لیبارٹری نے تقریبا آٹھ سے دس بازار میں موجود نمونوں کے جائزے کے بعد جو اجزاء بتاۓ ہیں وہ کچھ اس طرح سے ہیں۔
۔ 1 گیسولین
۔ 2 کیروسین مائع
۔ 3 پینٹ میں استعمال ہونے والی وارنش
۔ 4 بینزین
۔ 5 (پی پی ڈی (بالوں کو ڈائی کرنے والا کیمیکل
بالوں کے رنگنے والے اس کیمکل کے حوالے سے یہ کہا جاتا ہے کہ اس کو کھوپڑی پر لگانے میں احتیاط کریں مگر اس کو جب نقلی مہندی میں شامل کیا جاتا ہے تو اس سے رنگ تو فوری طور پر آجاتا ہے مگر جلد پر سخت مضر اثرات مرتب کرتا ہے۔
۔ 4 نقلی مہندی کی شناخت
ویسے تو نقلی مہندی کی سب سے بڑی نشانی اس کا تیز اور فوری طور پر رنگ دینا ہے ۔ لیکن اس کے لیۓ اس کو جلد پر لگانا پڑتا ہے جو کہ خطرناک ثابت ہو سکتا ہے اس وجہ سے ہم آپ کو ایسی ترکیب بتائيں گے جس کے ذریعے آپ اس مہندی کو فوری طور پر جلد پر لگاۓ بغیر شناخت کر سکیں گے۔
کون جس کے ساتھ فوری رنگ کا دعوی ہو اس کو صرف چند لمحوں تک اپنے ناک کے قریب لے کر جائيں اس میں سے اصلی حنا کی بھینی بھینی خوشبو کے بجاۓ کمیکل کی تیز اور چبھتی ہوئی بو اس بات کی نشانی ہے کہ یہ جعلی ہے اس کو خریدنے سے گریزکریں۔
۔ 5 اگر نقلی مہندی سے الرجک ہو جاۓ تو کیا کیا جائے
اگر اس کو لگانے کے بعد جلد پر جلن ہونا شروع ہو جاۓ تو فوری طور پر اس کو دھو لینا چاہیے اور اگر اس کے باوجود بھی جلد پر جلد اور خارش جاری رہے تو فوری ڈاکٹر کو دکھانا چاہیئے۔
اس کے علاوہ بعض لوگوں کے اندر یہ لگاتے ہی الرجی نہیں ہوتی ہے مگر جیسے جیسے کمیکل جلد کے اندر تک اترتے جاتے ہیں تو اس کے سبب کچھ گھنٹوں کے بعد چھالوں کی صورت میں جلد پر ابھرنا شروع ہو جاتے ہیں اس صورت میں بھی فوری طور پر جلد کے ڈاکٹر سے رابطہ کرنا ضروری ہوتا ہے۔