افطار کھجور سے کرنا کیوں ضروری ہے ؟ جانیۓ اس کے 5فوائد

کھجور رمضان کے دسترخوان کی اہم غذا رہی ہے۔ کھجوریں، فائبر، پوٹاشیم اور کیلشیم کا بھرپور ذریعہ ہیں۔ مزیدار ہونے کے علاوہ، کھجوریں واقعی ایک علاج کا ذخیرہ ہیں، خاص طور پر جب روزے کی بات ہو۔ ان کے اعلی کاربوہائیڈریٹ مواد کی بدولت جو اتنی کم مقدار میں بہت زیادہ توانائی دیتا ہے، یہ شوگر کی خواہش کو دبانے اور اس طرح دن بھر اپنی بھوک کو کنٹرول کرنے میں مدد کرتے ہیں۔

 امینو ایسڈز، وٹامنز اے، بی اور سی کے ساتھ ساتھ پوٹاشیم، میگنیشیم، کیلشیم، سوڈیم، آئرن، زنک، کاپر اور سیلینیم جیسے بہت سے معدنیات سے بھرپور، کھجور صحیح معنوں میں غذائی اجزاء کا پاور ہاؤس ہے۔ زیادہ تر سادہ کاربوہائیڈریٹس، بنیادی طور پر گلوکوز اور فرکٹوز پر مشتمل ہوتے ہیں، اس لیے تمام کھانوں کی طرح، جب رمضان میں کھجور کھانے کی بات آتی ہے تو  یہ بہترین نتائج کی حامل ہے۔

افطار کھجور سے کرنے کے فوائد

اعصابی نظام کو مضبوط کرنے سے لے کر دل اور آنکھوں کی صحت کو فروغ دینے تک، کھجور کے بہت سے فوائد ہیں۔ اس مقدس پھل کے استعمال کو رمضان تک محدود رکھنے کے بجائے سال بھر کھانے کی کوشش کریں۔ ماہرین کے مطابق،  کھجور کو باقاعدگی سے کھانے کی چند وجوہات یہ ہیں۔

ہڈیاں مضبوط کرتی ہیں

جب بات ہڈیوں کی صحت کی ہو تو ذہن میں آنے والا پہلا معدنیات کیلشیم ہے۔ ماہرین نے کہا کہ کیلشیم کا جذب اتنا ہی اہم ہے جتنا کہ اس کا استعمال۔ کیلشیم اور فاسفورس دو معدنیات ہیں جو ہڈیوں کی صحت کی حفاظت کے لیے مل کر کام کرتے ہیں اور ایک ساتھ لینے سے ان کا جذب بڑھ جاتا ہے۔ ماہرین کا کہنا ہے کہ کھجور کا استعمال، جس میں معدنیات جیسے کیلشیم، میگنیشیم اور زنک کے ساتھ ساتھ فاسفورس بھی ہوتے ہیں، روزانہ ہماری ہڈیوں کی صحت کو بہتر بنانے اور آسٹیوپوروسس جیسی بیماری کو روکنے میں ہماری مدد کرتا ہے۔

آسٹیوپوروسس کی اگر آپ میں علامات ہیں، تو شدید علامات سے بچنے کے لیے فورا ڈاکٹر سے رابطہ کریں، ان علامات کے بارے میں اگر آپ کو مزید جاننے کی ضرورت ہے تو ڈاکٹر سےمشاورت کے لئے مرہم کی سائٹ مرہم ڈاٹ پی کے وزٹ کریں یا آن لائن اپنے سوالات کے جوابات حاصل کرنے کے اس نمبر 03111222398 پر رابطہ کریں

پیٹ بھرا ہوا محسوس کرنے میں مدد کرتی ہے

کھجور گھلنے والے غذائی ریشوں سے بھرپور پھل ہے۔ ماہرین نے کہا، یہ ریشے، جو پانی کو اپنی طرف کھینچتے ہیں، پیٹ کے مواد کی روانی کو بڑھاتے ہیں، اس لیے یہ معدے میں زیادہ دیر تک رہتے ہیں اور پیٹ بھرنے کا احساس فراہم کرتے ہیں۔ فائبر سے بھرپور غذا، جیسے کہ افطار اور سحری میں کھجور اور مجموعی خوراک کو شامل کرنے کے ساتھ ساتھ وافر مقدار میں پانی پی کر اس فائبر کی مقدار کو سہارا دینے سے، آپ اپنی بھوک پر زیادہ کنٹرول رکھیں گے اور زیادہ دیر تک پیٹ بھرا رہے گا۔

اپنی خوراک میں کسی بھی نئےغذائی اجزاء کو شامل کرنے سے پہلےاپنی جسمانی صحت کے لحاظ سے اس اجزاء کے فوائد اور مضر اثرات جاننا بہت ضروری ہیں۔ اس سلسلے میں ماہر غذائیت سے مشاورت کے لیۓ یہاں سے رجوع فرمائیں

قوت مدافعت کو سپورٹ کرتی ہے

مطالعات سے پتہ چلتا ہے کہ کھجور مدافعتی نظام پر بہتراثر ڈال سکتی ہے۔ کھجور کا یہ اثر ان کے بیٹا گلوکن مواد سے منسلک ہوتا ہے، جو کہ پولی سیکرائیڈ ہے، ڈاکٹروں کا مشورہ ہے کہ بہتر اور پیچیدہ قسم کے کاربوہائیڈریٹ ہمیں استعمال کرنا چاہیے۔ اس کے علاوہ، کھجور میں فینولک مرکبات اور کیروٹینائڈز جن میں کینسر سے لڑنے کی زبردست خصوصیات ہیں ان کے ساتھ ساتھ وٹامنز کی بھی بڑی مقدار ہوتی ہے، جن کے بارے میں خیال کیا جاتا ہے کہ یہ سب اپنے اینٹی مائکروبل اثرات اور اینٹی آکسیڈنٹ خصوصیات کی بدولت مدافعتی نظام کی بہتری میں کردار ادا کرتے ہیں۔

میٹھا کھانے کی خواہش کم کرتی ہے

کافی وقت تک بھوک یا روزے رکھنے کے بعد، ہمارا جسم ہمیں زیادہ کاربوہائیڈریٹس، یعنی میٹھی غذاؤں کی طرف لے جاتا ہے، تاکہ ہماری شوگر تیزی سے اپنی معمول کی سطح پر واپس آ سکے۔ اس لیۓ وزن میں اضافے کو روکنے اور شوگر سے متعلق بے قاعدگیوں سے بچنے کے لیے، پھلوں میں موجود قدرتی شوگرکو استعمال کرتے ہوئے میٹھی چیز کی ضروریات کو پورا کریں۔ کھجور کے مخصوص ذائقے اور بھرپور مٹھاس کے ساتھ، کھجوریں آپ کی تمام میٹھی ضروریات کے لیے ایک اچھا انتخاب ہو سکتی ہیں۔

قبض سے نجات

زیادہ غذائی ریشہ والی کھجور جیسی غذائیں صحت مند غذا میں اہم حصہ ہونی چاہئیں۔ ہر نظام کو آسانی سے چلانے کے لیے، ماہرینِ غذائیت ایک دن میں کم از کم بیس سے تیس گرام فائبر استعمال کرنے کا مشورہ دیتے ہیں۔ مطالعات سے پتہ چلتا ہے کہ آپ کے غذائی ریشہ کی مقدار میں اضافہ پاخانہ کی مقدار کو بڑھاتا ہے اورآنتوں کی آمدورفت کا وقت کم کرتا ہے، اس طرح قبض کو روکنے میں مدد ملتی ہے۔ رمضان میں، آپ ہاضمے میں مدد کے لیے کھجور کے بھرپور فائبر مواد سے بھی فائدہ اٹھا سکتے ہیں۔

 اگر آپ قبض کی علامات خود میں محسوس کرتے ہیں تو فوری طور پر ڈاکٹرسے رابطہ کریں تاکہ بدتر حالات سے بچا جا سکے۔ اس سلسلے میں ماہر ین کی خدمات حاصل کرنے کے لیۓ یہاں سے رجوع کریں۔

دل کے لیے اچھی ہے

کھجور کو پوٹاشیم کے ایک بہترین ذریعہ کے طور پر جانا جاتا ہے، یہ ایک ضروری معدنیات ہے جو جسم میں لیکوئڈ اور الیکٹرولائٹ کے توازن کو برقرار رکھنے میں مدد دیتی ہے۔ پوٹاشیم  بلڈ پریشر کو کنٹرول کرنے میں مدد دیتا ہے۔ تحقیق سے پتہ چلتا ہے کہ پوٹاشیم سے بھرپور غذا بلڈ پریشر کو کم کرنے، قلبی صحت کو برقرار رکھنے اور فالج کے خطرے کو کم کرنے میں مدد دیتی ہے۔

مرہم ایپ کو ڈاؤن لوڈ کرنے کے لیۓ یہاں کلک کریں

Android	IOS