مردوں اور عورتوں میں بانجھ پن سے تحفظ دینے والی غذائيں

بانجھ پن کیا ہے؟ عمومی طور پر بانجھ پن کو غیر محفوظ جنسی تعلقات کے ایک سال یا اس سے زیادہ کے بعد کوششوں کے  حاملہ نہ ہو سکے اور اس حالت کا مسلسل رہنا بانجھ پن کی نشانی ہے، کیونکہ خواتین میں زرخیزی کی عمر اپنی عمر کے  ساتھ ساتھ مسلسل کم ہوتی جاتی ہے، ویسے ضروری نہیں کہ کوئی مرد یا خاتون بانجھ ہو درحقیقت ہارمونز کا نظام درست نہ ہونا بھی بچوں کی پیدائش میں تاخیر کا باعث بن جاتا ہے۔

بانجھ پن سے تحفظ دینے والی غذائيں۔

کھانے کا انتخاب کچھ حالات میں اس حالت کے ذمہ دار نہیں ہوتے ہیں، جو خواتین اور مردوں میں بانجھ پن کا سبب بنتے ہیں، مثال کے طور پر اگر فیلوپیئن ٹیوبز کو بلاک کر دیا جائے جس سے نطفہ رحم تک نہیں پہنچ سکتا تو غذائی تبدیلیاں رکاوٹ کو دور نہیں کریں گی اس بات کو ذہن میں رکھتے ہوئے ذیل میں صحت مند غذائیں ہیں جو زرخیزی کے لئے استعمال کی جاتی ہیں اپنی غذا کو بہتر بنانے کے خواہش مند افراد کے لئے یہ غذائیں فائدہ مند ثابت ہوسکتی ہیں۔

۔ 1 سورج مکھی کے بیج۔

بھنے ہوئے یا بغیر بھنے ہوئے نمکین سورج مکھی کے بیج کی گٹھلیاں وٹامن ای سے بھرپور ہوتے ہیں۔ یہ ایک ضروری غذائی اجزاء ہے جو کچھ مردوں میں نطفے کی مقدار کو بڑھاتی ہے، اس کے علاوہ سورج مکھی کے بیج فولیٹ اور سیلینیم سے بھرے ہوتے ہیں جو عورت اور مرد دونوں کی زرخیزی کے لئے اہم ہیں۔

۔ 2 کھٹے پھل۔

سنترے مالٹے اور چکوترہ  جیسے کھٹے پھل وٹامن سی کے لئے بہترین ذرائع ہیں چکوتروں اور سنتروں میں پولیامین پوٹریسین ہوتا ہے جسے کچھ جانوروں پہ کی جانے والی تحقیق نے مرد اور عورت کے انڈے اور منی کی صحت کو بہتر بنانے کی صلاحیت سے وابستہ کیا ہے۔

۔ 3 پنیر کا استعمال۔

 چیڈر چیز پارمیسن اور مینچیگو کی طرح پنیر نطفے کی صحت کو بہتر بنا سکتے ہیں۔ پنیر میں پولیامینز کی مقدار زیادہ ہوتی ہے پولیامائنز پودوں اور جانوروں کی مصنوعات میں پائے جانے والے پروٹین ہیں۔ یہ قدرتی طور پر انسانوں میں بھی رونما ہو رہے ہیں پنیر خاص طور پر پولیامین پوٹریسین میں زیادہ ہوتا ہے جو نطفے کی صحت میں اہم کردار ادا کر سکتا ہے۔

۔ 4 فل کریم ڈیری مصنوعات۔

فل کریم دودھ اور دودھ سے بنی ہوئی چیزیں زرخیزی اور حمل کے لیے بہترین انتخاب ہیں فل کریم ڈیری مصنوعات کو ہضم کرنا آسان نہیں ہوتا ہے مگر یہ خاص طور پر زرخیزی کے لیے بہت فائدہ مند ہے اس کی چکنائی سے وٹامن کو حل ہونے میں مدد ملتی ہے۔ ان وٹامن میں وٹامن اے، ای، ڈی، کے اور  کے 2 شامل ہیں۔ مکمل چکنائی والی مصنوعات میں پوری کریم والا دودھ، آئس کریم کریم، پنیر اور دیگر پنیر شامل ہیں۔

۔ 5 بادام۔

گریاں، جسے بادام کہتے ہیں۔ روزانہ کھانا مردوں کو بانجھ پن سے بچانے میں مددگار ثابت ہوسکتا ہے۔ بادام کو روزانہ کھانا اسپرم کوالٹی کو بہتر بناتا ہے۔ جس سے بانجھ پن کا خطرہ دور ہوتا ہے۔

ایک تحقیق کے دوران محققین نے 18 سے 35 سال کی عمر کے 119 مردوں کو لے کر انہیں 2 گروپس میں تقسیم کیا گیا۔ ایک گروپ کو روزانہ 60 گرام بادام اور اخروٹ کا استعمال کرایا گیا جبکہ دوسرے گروپ کو بادام سے محروم رکھا گیا 14 ہفتے بعد معلوم ہوا کہ بادام کھانے والے افراد میں اسپرم کوالٹی بہتر ہوئی، جبکہ بانجھ پن کا باعث بننے والے عناصر میں مردوں میں نمایاں کمی دیکھنے میں آئی ہے۔

۔ 6 پھلیاں اور دالیں۔

پھلیاں اور دالیں فائبر اور فولیٹ کا ایک بہترین ذریعہ ہیں، یہ دونوں صحت مند ہارمونل توازن برقرار رکھنے کے لئے اہم ہیں۔ دال میں پولیامین سپرمیڈین کی اعلی سطح بھی ہوتی ہے، جو زرخیزی کے لیے اہم کردار ادا کرتی ہے۔

۔ 7 ایسپراگس۔

ایسپراگس ایک غذائیت سے بھرا سپر فوڈ ہے۔  اس میں کیلوری کم ہے اور آپ کو زرخیزی کے اہم غذائی اجزاء کو فروغ دیتا ہے 1 کپ سرونگ میں آپ کو وٹامن کے کی اپنی پوری روزانہ ویلیو اور فولیٹ کی ویلیو کا 60 فیصد اور وٹامن اے، وٹامن سی، اور بی وٹامن تھیامین جیسے دیگر ضروری غذائی اجزاء کا 20 فیصد سے زیادہ حصہ ایسپراگس سے ملے گا یہ بانجھ پن کو دور کرنے میں مدد کرسکتا ہے۔

۔ 8 انار۔

انار وٹامن سی وٹامن کے، فولک ایسڈ اور بہت سے دیگر وٹامنز اور منرلز سے بھرپور ہوتے ہیں ان میں عمر کے اثرات کم کرنے اور  کینسر سے بچاؤ کی خوبیاں بھی موجود ہیں جبکہ یہ خون کی شریانوں کی صحت کے ساتھ ساتھ ہڈیوں کو مضبوط بھی کرتا ہے۔ یہ خون کی روانی کو بڑھاتے ہیں طبی تحقیق کے مطابق انار کا استعمال بانجھ پن سے بچا سکتا ہے جبکہ دوران حمل اس کا جوس پینا بچوں کی دماغی نشوونما کے لیے بہترین ثابت ہوتا ہے۔

۔ 9 اخروٹ۔

اخروٹ کے فوائد اکثر سامنے آتے رہتے ہیں جیسے کینسر کے خلاف موٹاپے سے بچاﺅ وغیرہ اسی طرح یہ اومیگا تھری فیٹس اور وٹامن ای سے بھرپور ہونے کے باعث مردوں میں اسپرم کا معیار بہتر کرتے ہیں، جبکہ وٹامن بی اور پروٹین خواتین کے سسٹم کی صحت بہتر بنانے میں مددگار ثابت ہوسکتے ہیں۔ ایک تحقیق کے مطابق اخروٹ کا روزانہ کچھ مقدار میں استعمال بانجھ پن کے خطرے سے تحفظ دیتا ہے۔

 یہ تمام غذائیں صحت کے لحاظ سے ہر انسان کے لیے اچھی ہیں مگر ان غذاؤں کی خاص مقداربانجھ پن کو دور کرنے میں مرد اور عورت دونوں کے لیے فائدہ مند ہیں یہ عام معلومات ہیں جو آپ کو فراہم کی جارہی ہیں بہتر معلومات اور مشورے کے لیے ابھی مرہم ڈاٹ پی کے پہ غذائی ماہرین سے رابطہ کریں۔

مرہم کی ایپ ڈاؤن لوڈ کرنے کے لیے یہاں پہ کلک کریں۔

Android	IOS