حیض کو قدرتی طور پر موخر کرنے کے 7طریقے

Reading Time: 5 minutes

حیض کا آنا خواتین کے اندر ایک قدرتی عمل ہے ۔ جو کہ ہر مہینے باقاعدگی سے آنا خواتین کی صحت کے لیۓ بہت اہمیت کا حامل ہوتا ہے ۔ اس میں کسی بھی قسم کی بے قاعدگی خواتین کی صحت کے لیۓ ایک سنگین خطرہ بھی بن سکتا ہے ۔ مگر بعض اوقات خواتین کی یہ خواہش ہوتی ہے کہ یہ کچھ دنوں کے لیۓ موخر ہو جائيں

عام طور پر رمضان کے مہینے کی فیوض و برکات سمیٹنے کے لیۓ یا پھر عمرہ یا حج کی ادائگی کے دوران یا پھر کسی خاندانی تقریب یا پکنک میں شرکت کے لیۓ بعض اوقات خواتین کی خواہش ہوتی ہے کہ ان کو کچھ دنوں کے لیۓ موخر کر دیا جاۓ ۔مگر چونکہ حیض کا آنا انسان کے اپنے بس میں نہین ہوتا اور نہ ہی ان کو روکنا کسی کے لیۓ ممکن ہوتا ہے اس وجہ سے خواتین مشکل کا شکار ہو سکتی ہیں

حیض کو عارضي طور پر موخر کرنےکے طریقے

عام طور پر کچھ ادویات کے استعمال سے حیض کو موخر کیا جا سکتا ہے لیکن جس طرح ہر دوا کا ایک سائڈ افیکٹ ہوتا ہے اس وجہ سے ادویات کے ذریعے حیض کو موخر کرنے کا عمل دیگر پیچیدگیوں کا باعث ہو سکتا ہے اس وجہ سے آج ہم آپ کو کچھ ایسے قدرتی طریقے بتائيں گے جنکی مدد سے عارضی طور پر حیض کو کچھ دنوں کے لیۓ روکا جا سکتا ہے اور اس کے کوئی سائڈ افیکٹ بھی نہیں ہوں گے

ایکسرسائز

حیض
Image Credit: MavCure.com

حیض کا باقاعدگی سے آنا انسان کے طرز زندگی پر منحصر ہوتا ہے اگر آپ حیض کو موخر کرنے کی خزاہشمند ہیں تو اس کے لیۓ ورزش ایک ایسا حل ہے جوصحت کے لیۓ بھی مفید ہوتا ہے اور اس کے ذریعے دماغ جسم کو ایسے سگنل دے سکتا ہےجس کی مدد سے حیض عارضی طور پر کچھ دنوں کی تاخیر سے آسکتے ہیں ۔ مگر یاد رکھیں کہ اس کے لیۓ عام حالات سے زیادہ ایکسرسائز کرنی ضروری ہوتی ہے زیادہ ایکسرسائز سے حیض میں کچھ دنوں کی تاخیر ہو سکتی ہے

سیب کا سرکہ

حیض
Image Credit:Byrdie

سیب کا سرکہ ہر گھر میں موجود ہوتا ہے جس کا استعمال مختلف طریقوں سےکیا جاتا ہے یہ حیض کو موخر کرنے کا ایک قدرتی نسخہ ہے اس کے لیۓ 5 ملی لیٹر سیب کا سرکہ 150 ملی لیٹر پانی میں شامل کر لیں اور اس کا استتعمال دس دن تک روزانہ کریں اس سے ایک جانب تو جسم کی فاضل چربی پگھل کر آپ کو اسمارٹ بنا سکتی ہے اس کے علاوہ اس سے حیض بھی کچھ دنوں کے لیۓ موخر ہو سکتے ہیں اور اس کے جسم پر کسی قسم کے منفی اثرات بھی نہیں ہوتے ہیں

پپیتا

حیض
Image Credit:Nykaa

پپیتا ایک ایسا پھل ہے جو اپنے اندربہت سارے فوائد رکھتا ہے عام طور پر اسکا استعمال ہاضمے کے مسائل کے لیۓ کیا جاتا ہے اس کے علاوہ گردوں کی پتھری کے لیۓ بھی یہ بہت مفید ہوتا ہے اس کے علاوہ یہ بچےدانی کے اندر خون کے دوران کو کنٹرول کرنے میں بھی اہم کردار ادا کرتا ہے اس کا استعمال حیض کو موخر کرنےکےلیۓ ایک بہترین قدرتی نسخے کے طور پر کیا جا سکتا ہے

اس کے اندر کیروٹن موجود ہوتا ہے جو کہ جسم کے اندر ایسٹروجن نامی ہارمون کے لیول کو کنٹرول کرتا ہے جو کہ حیض کا ذمہ دار ہوتا ہے یہی وجہ ہے کہ حاملہ خواتین کو پپیتے کے استعمال سےروکا جاتا ہے ۔ پپیتے کا استعمال حیض کو موخر کر کے قدرتی طور پر بغیر کسی منفی اثرات کے بہترین ہو سکتا ہے

صحت مند غذا کا استعمال

حیض
Image Credit: Fashion Central

یہ ایک عام مشاہدہ ہے کہ زيادہ مرچ مصالحے والے کھانوں کے استعمال سے حیض جلدی آجاتے ہیں تو ان کا استعمال ترک کر کے بھی ان کو موخر کیا جا سکتا ہے اس کے علاوہ زيادہ پانی اور فائبر والی غذائيں جو غذائیت سے بھر پور ہوں نہ صرف جسم کو صحت اور طاقت فراہم کرتی ہیں بلکہ اس کے ساتھ ساتھ ان کا استعمال حیض کو بھی کچھ دنوں کے لیۓ موخر کر سکتا ہے

دالوں کا استعمال

حیض
Image Credit: Bollywood shadis

عام طور پر دالیں ہر گھر میں کھائي جاتی ہیں یہ منرل ، پوٹاشیم اور فائبر سے بھر پور ہوتی ہیں جہاں یہ صحت سےجڑے بہت سارے مسائل کے لیۓ بہت مفید ہوتی ہیں وہیں ان کا استعمال باقاعدگی سے کرنے کے نتیجے میں ماہواری کچھ دنوں کے لیۓ موخر ہو سکتی ہے اس کے لیۓ کسی بھی دال کو بھگو کر رات بھر کے لیۓ رکھ لیں اور اس کے بعد اس میں پانی شامل کر کے گرائنڈ کر لیں اور اس کا سوپ بنا کر پکا لیں ذائقے کے لیۓ اس میں مختلف سبزیاں بھی شامل کی جا سکتی ہیں

دس دن تک اس سوپ کا باقاعدہ استعمال کچھ دنوں کے لیۓ ماہواری کو قدرتی طریقے سے روکنے میں بہت مفید ثابت ہو سکتا ہے اور اس کےجسم پر کوئي منفی اثرات بھی نہیں ہوتے جب کہ اس کے استعمال سے جسم کو طاقت اور توانائی حاصل ہوتی ہے

جیلاٹن کا استعمال

حیض
Image Credit:Organic Authority

یہ ایک چینی طریقہ کار ہے اور آسان ہونے کے ساتھ ساتھ مجرب بھی ہے اسکے لیۓ ایک پیکٹ جیلاٹن لے کر اس کو پانی میں مکس کر لیں اور اس کو دن میں دو بار استعمال کریں اس سے حیض کے آنے میں ہفتوں تک تاخیر ہو سکتی ہے اس کی وجہ یہ ہے کہ جیلاٹن جب جسم میں داخل ہوتا ہے تو وہ ماہواری کے آنے کے عمل کو سست کر دیتا ہے ۔ جس کی وجہ سے فوری طور پر حیض کے آنے کا خطرہ نہ صرف ٹل جاتا ہے بلکہ اس کا استعمال ان کو بغیر کسی سائڈ افیکٹ کے عارضی طور پر روک بھی لیتا ہے

لیموں کا استعمال

حیض
Image Credit:Bollywood shadiis

لیموں اگرچہ جلد کے لیۓ اور صحت کے لیۓ کئی حوالوں سے بہت مفید ہے مگر اسکا استعمال ماہواری کے دوران زيادہ خون کو آنے سے روکنے کے لیۓ بھی کیا جا سکتا ہے اور حیض میں تاخیر کے لیۓ دو سے تین چمچ لیموں کے رس کو ایک گلاس سادہ پانی میں ڈال کر ماہواری کی تاریخ سے دو تین دن قبل پینے سے حیض موخر ہو سکتے ہیں

یاد رکھیں حیض کا آنا ایک قدرتی عمل ہے جو آپ کی صحت کے لیۓ ضروری ہے بغیر کسی اشد ضرورت کے اس کو ہر مہینے موخرکرنا آپ کی صحت کو سنگین خطرات سے دوچار کر سکتا ہے اس وجہ سے قدرت کے کاموں مین دخل اندازی سے گریز کرنا چاہیۓ تاہم اگر اس حوالے سے کسی بھی قسم کی پیچیدگی ہو تو آن لائن ماہر امراض نسواں سے مشورے کے لیۓ مرہم ڈاٹ پی کے کی ویب سائٹ وزٹ کریں یا پھر 03111222398 پر رابطہ کرین

The following two tabs change content below.
Ambreen Sethi

Ambreen Sethi

Ambreen Sethi is a passionate writer with around four years of experience as a medical researcher. She is a mother of three and loves to read books in her spare time.