رنگ کا گورا یا کالا ہونے سے زيادہ اہمیت اس بات کی ہے کہ آپ کی جلد صحت مند ہو اور اس کے اوپر کسی قسم کے داغ دھبے موجود نہ ہوں ۔ ایسی جلد ہر عام سے خدو خال والے انسان کو خوبصورت بنا دیتی ہے
صحت مند جلد کے ساتھ ساتھ اکثر اوقات موسم کی شدت اور آلودگی کے سبب گوری رنگت بھی ماند ہو جاتی ہے اور مرجھا سی جاتی ہے اس رنگ کو گھر بیٹھے منٹوں میں صاف کرنے کے آسان طریقے ہم آپ کو آج بتائیں گۓ
Table of Content
رنگ کو فوری گورا کرنے کے طریقے
جس طرح آج کا زمانہ بہت تیز رفتار ہو گیا ہے اسی طرح کسی انسان کے پاس اب اتنا ٹائم نہیں بچا کہ وہ مہینوں ٹوٹکے استعمال کریں اور ان کے نتائج کا انتطار کریں لوگ اب انہی چیزون کو پسند کرتے ہیں جو فوری نتائج دینے والی ہوں
لیموں کے رس سے جلد چمکائیں
لیموں کے رس کے اندر ایسے اجزا موجود ہوتے ہیں جو کہ بلیچ کرنے کی صلاحیت رکھتے ہیں اس کے لیۓ ایک لیموں کا رس نکال لیں اور اس کو چہرے پر لگا لیں دس منٹ کے بعد چہرہ دھو لیں صرف دس منٹ میں گوری رنگت حاصل کریں
لیکن یاد رہے اگر آپ کی جلد پر دھوپ کے سبب جلنے کے نشانات یا کوئي چوٹ یا زخم لگا ہو تو اس صورت میں لیموں کا رس نہ لگائیں یہ تکلیف کا باعث ہو سکتا ہے
دودھ اور شہد کا پیسٹ
دودھ کے اندر ایسے اجزا موجود ہوتے ہیں جو جلد کو نکھارتے ہیں اس پیسٹ کو بنانے کے لیۓ ایک چمچ دودھ اور ایک چمچ شہد لے لیں اور ان کو اچھی طرح ملا کر ایک پیسٹ بنا لیں اس کے بعد اس کو چہرے پر اچھی طرح گول دائرے میں ہلکے ہاتھوں سے لگائیں اس کے بعد اس کو صاف پانی سے دھو لیں
یہ پیسٹ جلد کے اندر کا میل کچیل صاف کر کے رنگ کو صاف کرتا ہے مگر جن افراد کو ایکنی ہو یا ان کی جلد چکنی ہو ان کو اس کا استعمال نہیں کرنا چاہیۓ
ہلدی سے جلد کا نکھار
آپ نے اکثر دیکھا ہو گا کہ شادی سے قبل دلہن کو ابٹن اور ہلدی لگائی جاتی ہے اس کی وجہ سے ہے کہ ہلدی اینٹی بیکٹیریل ہونے کے ساتھ ساتھ جلد کو ایک چمک اور قدرتی نکھار دیتی ہے ایک چمچ ہلدی کو دو چمچ لیموں کے رس میں مکس کر لیں اور اس کو چہرے پر لگائيں پندرہ منٹ کے بعد چہرے کو دھو لیں
اس سے آپ کا رنگ صاف ، جلد داغ دھبوں سے پاک ہو جاۓ گی اور منٹوں میں رنگ سفید ہو جاۓ گا
انڈے کا آسان ماسک
اس ماسک کی تیاری آسان اور افادیت بہت زیادہ ہے اس کے لیۓ آپ کو ایک انڈہ درکار ہے اس انڈے کو اچھی طرح مکس کر لیں یہاں تک کہ انڈے میں جھاگ سی بننے لگے اس کو اپنے چہرے پر لگا لیں اور کچھ دیر کے لیۓ چھوڑ دیں
تھوڑی دیربعد جب وہ خشک ہو جاۓ تو اس کو صاف پانی سے دھو لیں اس سے ایک جانب تو جلد کو غذائيت فراہم ہوتی ہے اس کے ساتھ یہ ماسک چہرے کے کھلے مسام کو ٹائٹ کر کے جلد کو تازگی فراہم کرتا ہے اور اس سے انسان عمر سے کم لگنے لگتا ہے
ٹماٹر کا رس
گرمی کے موسم میں سورج کی الٹرا وائلٹ شعاعوں کی شدت کی وجہ سے جلد کا رنگ نہ صرف خراب ہو جاتا ہے بلکہ جلد کے مردہ خلیات بھی جلد کو بے رونق بنا دیتے ہیں اس صورت میں ٹماٹر نہ صرف رنگ کو ھاف کرتا ہے بلکہ جلد کو الٹرا وائلٹ شعاعوں سے پہنچنے والے نقصان سے بھی بچاتا ہے
دہی
ایک چمچ دہی کے اندر ایک چمچ شہد کا لے کر اس کو اچھی طرح مکس کر لیں اور اس کو جلد پر لگا دیں پندرہ منٹ کے بعد قدرے ٹھنڈے پانی سے چہرہ دھو لین اس سے جلد کی رنگت قدرتی طور پر نکھر جاتی ہے
یہی عمل لسی کے ساتھ بھی کیا جا سکتا ہے لسی کو کسی بھی ہلکے پف کی مدد سے چہرے پر لگائیں اور کچھ دیر بعد منہ دھو لیں گرمی کے سبب مدھم پڑ جانے والی رنگت منٹوں میں بحال ہوجاۓ گی
بیسن کا استعمال
جلد کی رنگت اور صحت کے لیۓ اس کا استعمال بہت آزمودہ ہوتا ہے اس کے لیۓ دو چمچ بیسن میں ایک چمچ دہی شامل کر دیں آدھا چمچ ہلدی اور آدھا چمچ لیموں کا رس بھی ملا لیں اور اس مکسچر کو بطور اسکرب جلد پر ملیں خشک ہونے تک کچھ دیر لگا رہنے دیں اور دس سے بیس منٹ کے بعد چہرے کو دھو لیں
گرمی کے سبب رنگ کا خراب ہونا ، آلودگی کے سبب دب جانے والی رنگت اور ایکنی کے سبب بن جانے والے داغ دھبوں کو دور کرنےکے لیۓ یہ بہترین نسخہ ہے
آلو سے لائیں نکھار
آلو کو چھیل کر اس کے سلائیس بنا لیں اور اس کو چہرے کےاوپر دائرے کی شکل میں اس طرح ملیں کہ اس کا رس جلد میں جزب ہوتا جاۓ اس سے نہ صرف داغ دھبے دور ہوتے ہیں بلکہ رنگ بھی سفید ہوتا ہے
یاد رکھیں
چہرے کی جلد آپ کی شخصیت کی عکاس ہوتی ہے اس کے اوپر کچھ بھی لگانے سے پہلے اپنے جلد کی ساخت کے بارے میں جاننا بہت ضروری ہے ۔ اس بارے میں جاننے کےلیۓ کسی ماہر جلد سے مشورہ آپ کے لیۓ مفید ہو سکتا ہے
