سردیوں میں شادی ہو تو جلد کی حفاظت کیسے کریں

سردیوں میں شادی ہو تو جلد کی حفاظت کرنا بہت ضروری ہو جاتا ہے شادی کے موقع پر لڑکیوں کے لئے جلد کے مسائل کھڑے ہوجاتے ہیں خصوصاً شادی اگر سردیوں میں ہوتو سردی اور خشک موسم کے باعث جلد روکھی اور بے جان ہوجاتی ہے اب آپ پریشان نہ ہوں اگر آپکی شادی ہونے والی ہے

سردیوں میں شادی ہوتو جلد کی حفاظت کے لیے آپ باقاعدگی سے ان ٹپس پر عمل کریں نتائج دیکھ کر آپ خود حیران رہ جائیں گی لیکن چہرہ کہ ساتھ ساتھ گردن پر بھی ایپلیکیشن ضرور کریں

اپنی جلد اور اپنی سہولت کے مطابق ان میں سے کوئی بھی طریقہ کار اپناکر اس پریشانی سے نجات پائیں ساتھ ساتھ پانی زیادہ سے زیادہ اور رات میں دودھ ضرور پئیں

خشک جلد سے نجات

بیسن دو چمچ کریم ایک چمچ چاہے گھر کے دودھ کی ہی لے لیں شہد ایک چمچ لیموں ایک چوتھائی چمچ یہ تمام اجزاء ملاکر روزانہ چہرے پر لگائیں اور بیس منٹ بعد صرف سادہ پانی سے منہ دھولیں بعض اوقات زیادہ خشکی کی وجہ سے جلد متاثر ہونے لگتی ہے اور جلد پر چھائیاں پڑ جاتی ہیں ان سے نجات پانے کے لیے لازما کریم تین ہفتوں تک باقائدگی سے لگائیں

نرم وملائم جلد کے لئے

بیسن کو پہلے ململ کے کپڑے سے چھان لیں پھر اس میں ایک چٹکی بیکنگ پاؤڈر اور اگر آپکی جلد خشک ہے تودودھ آئلی ہے تولیموں اور سن برن ہے تودہی اور اگر نارمل ہوتو صرف سادہ پانی سے پیسٹ بناکر صابن کی جگہ اس آمیزہ سے منہ دھوئیں مساج اور رگڑنے سے گریز کریں صابن  کے استعمال سے جلد مزید خشک ہوتی ہے

نیچرل اسکن بلیچ

اشتہاری بلیچ سے جلد کھردری اورخشک ہوجاتی ہے اسی لئے کوشش کریں کہ جب آپکی شادی نزدیک ہو تو ان کا استعمال کرنے کے بجائے مولی کو کدوکش کریں یا اسکا رس نکالیں اور چند قطرے لیموں کارس اور زیتون کا تیل ایک چمچ شامل کرکے پیسٹ بنالیں چہرہ اورگردن پرآدھے گھنٹے تک لگانے کے بعد دھولیں اس سے اسکن بلیچ بھی ہوگی اورجلد خشک بھی نہیں ہوگی

نیچرل ماسک

ایک انڈے کی سفیدی اورنج جوس دو چمچ شہد ایک چمچ کارن فلار دوچمچ ان تمام اجزاء کو ملالیں اور چہرے پر لگائیں

خوبصورت نرم جلد

جو اور مکئی کا آٹا دو کھانے کے چمچ بادام کا تیل ایک چمچ کینو آدھا چھلا ہوا لیموں کارس ایک چمچ براؤن شوگر دو چمچ انھیں اچھی طرح مکس کرلیں پیسٹ بنانے کے لئے ضرورت پڑے تو پانی یا عرق گلاب کا استعمال کریں

اسکے بعد چہرے پر لگائیں جب سوکھ جائے تو بیسن اور حسن یوسف کو ملاکر گھول لیں اور اسکی مدد سے چہرے کو صاف کریں رگڑیں نہیں نہ صرف جلد نرم بلکہ صاف چمکدار اور غیر ضروری بال بھی ختم ہوجائیں گے

جلد کونرم کرنے کے لئے صابن

آدھا کپ مسور کی دال رات بھر بھگوکر باریک پیس لیں گیندے کے سوکھے پھول دو اور کچا دودھ دو کھانے کے چمچ ٹی ٹری آئل ایک چمچ نہ ہوتو نہ ڈالیں ان تمام اجزاء کر مکس کرکے سوپ ویکس مارکیٹ میں دستیاب ہے اس میں ان تمام اجزاء کو پکالیں اور کسی بھی سانچے میں ڈال دیں جب جم جائے تو صابن کی جگہ اسے استعمال کریں

جلد کو نرم اورچمکداربنانے کے لئے

پالک کارس مکھن ناریل کا پانی اور لیموں کارس ایک ایک چمچ لے کر روزانہ رات میں پندرہ منٹ لگاکر منہ دھولیں

باڈی مساج

آدھا  کپ جو کا آٹا لے کر ململ کے کپڑ ے میں پوٹلی بنالیں پھر اس پوٹلی کو کچے دودھ میں بھگو کر ہفتے میں میں کم از کم تین بار نہانے سے پہلے اس پوٹلی سے مساج کریں اس سے اسکن میں نمایاں فرق آئے گا

ہاتھ پیروں کی صفائی

چہرے کے ساتھ ساتھ ہاتھ پیروں کی جلد کا بھی اچھا ہوناضروری ہے اسکے لئے آپ چاول کا آٹا دو چمچ چاول کی بھوسی ایک چمچ صندل پاؤڈر ایک چمچ حسن یوسف ایک چمچ اور لیمن جوس کو اچھی طرح دودھ یا عرق گلاب سے ملالیں پھر اس سے اپنے ہاتھ پیروں کی اسکربنگ کریں

موئسچرائزر کا استعمال

سردیوں میں ایک اچھے موئسچرائزر کا استعمال بے حد ضروری ہے۔ خشک جِلد کی حامل خواتین کو ایسے موئسچرائزر کا انتخاب کرنا چاہیے جو جِلد کو مطلوبہ مقدار میں نمی فراہم کرے۔ حساس جِلد کو سردیوں میں خاص طور پر توجہ کی ضرورت ہوتی ہے جلدی بیماریوں سے متعلق معلومات کے لیے ماہرامراض جلد سے رابطہ کریں

عام طور پر چکنی جِلد کی حامل خواتین کا خیال یہ ہوتا ہے کہ ان کی جِلد چونکہ چکنی ہے لہٰذا وہ سردیوں میں خشک نہیں ہو گی اور نہ ہی اسے زیادہ دیکھ بھال کی ضرورت ہے حالانکہ چکنی جِلد والی خواتین کو بھی سردیوں میں باقاعدگی سے موئسچرائزر اور جِلد پر قدرتی اجزا کا استعمال کرنا چاہیے

میک اَپ کا استعمال

سرد موسم میں میک اَپ کرتے وقت بھی خاص خیال رکھنا چاہیے میک اپ سے پہلے کسی معیاری موئسچرائزر کا استعمال کریں تاکہ جِلد نرم و ملائم رہے اور میک اپ خشک اور پھٹا پھٹا محسوس نہ ہو خشک جِلد پرمیک اَپ اچھی طرح بلینڈ نہیں ہو پاتا جس کے نتیجے میں وہ ایک عجیب و غریب تاثر پیداکرتا ہے اور جِلد بھی کھر دری محسوس ہوتی ہےجلدی مسائل سے متعلق معلومات کے لیے

ماہر ڈاکٹر سے مشورے کے لیے مرہم ڈاٹ پی کے کی ویب سایٹ وزٹ کریں یاپھر 03111222398 پر رابطہ کریں

زیادہ گرم پانی خشکی بڑھاتا ہے

سردیوں میں گرم پانی سے نہانے کا مشورہ دیا جاتا ہے تاہم یاد رکھنے والی بات یہ ہے کہ زیادہ گرم پانی بھی خشکی بڑھانے کا سبب بن سکتا ہے بیسن سے نہانا بھی فائدہ مند ہوسکتا ہے  بیسن کو دودھ یا دہی کے ساتھ ملا کر لیپ کرلیں یہ ایک بہترین کلینزر کاکام دیتا ہے

جِلد کی حفاظت کے لیے نہانے سے پہلے بے بی آئل یا کسی اور آئل کے چند قطرے پانی میں ڈال لیں اور اس کے ساتھ ساتھ کسی اچھے آئل سے جِلد کا مساج کرکے نہانا بھی بہتر ہے اس کے علاوہ سردیوں میں صابن کا استعمال کم کریں کیونکہ یہ قدرتی نمی کو کم کرتا ہے