شادی سے 3 ماہ قبل ان غذاؤں کا استعمال مردوں کو بڑی مشکلات سے بچا سکتا ہےشادی کا موقع جہاں لڑکی کے لیے اس حوالے سے اہمیت کا حامل ہوتا ہے کہ اس نے ایک نۓ گھر میں ، ایک نۓ ماحول میں خود کو منوانا ہوتا ہے تو اسی طرح مردوں کے لیۓ یہ موقع لڑکی کے مقابلے میں زيادہ اہمیت اور ذہنی دباؤ کا باعث ہوتا ہے کیوں کہ ہمارے معاشرے میں ازدواجی زندگی کے آغاز کی تمام تر ذمہ داری مردوں کے کاندھوں پر ہوتی ہے
شادی کے قبل مناسب غذا کی اہمیت
آج کل کے دور میں جب کہ انٹرنیٹ اور موبائل فون کے سبب بہت سارے نوجوان شادی سے قبل ہی اپنی توانائی کو ایسی جگہوں پر ضائع کر چکے ہوتے ہیں کہ شادی کا نام سنتے ہی ان کو پسینہ آنا شروع ہو جاتا ہے اس کے ساتھ ساتھ آج کل کے دور میں غیر معیاری غذائی عادات اور غیر صحت مند طرز زندگی بھی عام طور پر نوجوانوں کو جوانی میں ہی بوڑھا کر دیتے ہیں
ان تمام مسائل کا حل ایک جانب تو صحت مند طرز زندگی ہے اور دوسری جانب متوازن اور صحت مند غذا ہے جس کے ذریعے نوجوان خود کو شرمندگی سے بچا سکتے ہیں
جنسی صحت کو بہتر بنانے والی غذائیں
مردوں کی جنسی صحت کو بہتر بنانے کے لیۓ جن غذاؤں کا استعمال مفید ثابت ہو سکتا ہے اس کے بارے میں ہم آپ کو آج بتائيں گے
اخروٹ
اخروٹ کا استعمال مردانہ اسپرم کی کوالٹی کو بہتر بنانے کے لیۓ اکسیر سمجھا جاتا ہے یہ نہ صرف اسپرم کی شکل اس کی استعداد اور اس کی قوت حرکت میں اضافے کا باعث ہوتے ہیں اس وجہ سے اگر آپ شادی کرنے جا رہے ہیں تو اس کا استعمال کرنا شروع کر دیں ہر روز ایک یا دو اخروٹ کھانے سے آپ کے اسپرم طاقتور ہو سکتےہیں
اسٹرابیری اور رس بھری
ان دونوں پھلوں کو بیچ سمیت کھایا جاتا ہے اور ان کے بیچوں کے اندر بری مقدار میں زنک موجود ہوتا ہے زنک مردانہ ہارمون ٹیسٹیرون کے لیول کو کنٹرول کرنے میں اہم کردار ادا کر تا ہے ۔ ان پھلوں کےاستعمال سے ٹیسٹیرون کے افراز میں اضافہ ہوتا ہے جو کہ مردانہ طاقت بڑھانےکے لیۓ بہت ضروری ہوتا ہے
تربوز
تربوز مردانہ کمزوری کا خاتمہ کر کےاس کی طاقت میں اصافہ کرتا ہے اس وجہ سے شادی سے قبل مردوں کے لیے اس کا استعمال مفید ثابت ہو سکتا ہے تربوزمیں ایک کیمیکل سٹریولائن ہوتا ہےجو امائنو ایسڈ اور ارجنائن کا افراز کرتا ہے یہ پٹھوں کی طاقت اور مضبوطی کے لیۓ بہت اہم ہوتے ہیں
بادام
باداموں کے اندر ارجنائن موجود ہوتا ہے جو دوران خون کو بہتر بنا کر خون کی نالیوں اور اعصاب کو پرسکون کرتا ہے اس کے علاوہ مردانہ طاقت میں بھی اضافہ کرتا ہے ۔ اس وجہ سے شادی سے پہلے ہر رات سونے سے قبل سات دانے بھیگے ہوۓ بادام دودھ کے ساتھ لازمی کھانے چاہیے ہیں
چاکلیٹ
چاکلیٹ کے اندرسیروٹونن،اور اینڈورفن ہوتے ہیں جو کہ براہ راست تو مردانہ کمزوری کو ختم نہیں کرتے مگر ان کے استعمال سے ایک جانب تو موڈ بہتر ہوتا ہے اور دوسری جانب انسان خوشی محسوس کرتا ہے جس کا براہ راست اثر انسان کی جنسی استعداد پر بھی پڑھتا ہے اس وجہ سے شادی سے قبل خوش رہنے کے لیۓ چاکلیٹ ضرور کھائیں
انڈے
انڈے کھانے ویسے بھی انسان کی صحت کے لیۓ بہت مفید ہوتے ہیں مگر اس کے ساتھ ساتھ انڈوں میں امائنو ایسڈ اور ارجنائن بھی موجود ہوتا ہے جو مردانہ کمزوری کا خاتمہ کرتا ہے اس وجہ سے اگر آپ مردانہ کمزوری کا شکار ہیں تو باقاعدگی سے انڈے کھائيں
آڑو
آڑو میں بڑی مقدار میں وٹامن سی موجود ہوتی ہے جس کی بدولت ایک جانب تو اسپرم کی تعداد میں اضافہ ہوتا ہے اس کے علاوہ مردانہ کمزوری کی صورت میں بھی اس کا استعمال فائدہ مند ثابت ہو سکتا ہے
غذا کےعلاوہ کیۓ جانے والے کام
صحت مند غذا کےساتھ ساتھ صحت مند طرز زندگی اپنانا شاد ی سے قبل بہت ضروریہے اس وجہ سے کچھ اقدامات شادی سے قبل لازمی کر لینے چاہیے ہیں
باقاعدگی سے ورزش کریں
ہر روز دن بھر میں سےکم از کم آدھا گھنٹہ ورزش کے لیۓ ضرور نکالیں تاکہ آپ کا اسٹیمنا بڑھ سکے
تمباکو نوشی ترک کر دیں
تمباکو نوشی اور کسی بھی قسم کا نشہ مردوں میں بانجھ پن کا سبب ہو سکتا ہے اس وجہ سے شادیسے قبل اس کو ترک کرنے کی کوشش کریں
رات کو سونےکے اوقات مقرر کریں
ایک ٹائم ٹیبل کے مطابق زندگی گزارنے سے انسان بری عادات سے محفوظ رہ سکتا ہے اور صحت مند زندگی کی طرف لوٹ سکتا ہے
زیادہ سے زيادہ پانی پیئيں
مثبت طرز فکر اپنائیں
ڈپریشن بھی انسان کی جنسی صلاحیتوں کو متاثر کرنے کا سبب بن سکتا ہے اس وجہ سے خود کو ڈپریشن سے بچانے کی کوشش شادی سے قبل ہی کرنی شروع کر لینی چاہیے
