وٹامن اے بھی ڈی کی طرح ضروری وٹامن ہوتا ہے۔ حقیقت میں ہمارے جسم کے تمام فنکشنز کو اچھے طریقے سے کام کرنے کے لئے ان تمام وٹامنز کی ضرورت ہوتی ہے جو ہمارے جسم کے لئے بہت اہم ہیں۔ اس وٹامن کی ضرورت کو تمام پھلوں اور سبزیوں سے پورا کرسکتے ہیں اور یہ تمام وٹامنز ان سے حاصل بھی کرسکتے ہیں۔
وٹامن اے کتنا ضروری ہوتا ہے؟
یہ ایک فیٹ سلیوبل (چربی) والا وٹامن ہے جو قدرتی طور پر کھانوں کی چیزوں میں بھی پایا جاتا ہے۔ یہ ہماری جسمانی صحت کے لئے بہت ضروری وٹامن ہوتا ہے۔ یہ ہمارے مدافعتی نظام کے لئے بہت اچھا وٹامن ہے۔ اس کے علاوہ یہ آنکھوں کی روشنی کے لئے انتہائی ضروری وٹامن ہے۔ ہمیں اپنی صحت کو بہتر بنانے کے لئے اس کا استعمال لازمی کرنا چاہیے۔
وٹامن اے ہمارے دل،گردوں اور پھیپھڑوں کو بہتر طریقے سے کام کرنے میں مدد فراہم کرتا ہے۔ ابھی مستند ڈاکٹر سے مشورہ کرنے کے لئے آپ مرہم ڈاٹ پی کے کی ایپ ڈاؤن لوڈ کریں اور ڈاکٹر کی اپائنمنٹ حاصل کریں اس کے علاوہ اس نمبر پر 03111222398 آن لائن کنسلٹیشن بھی لے سکتے ہیں
وٹامن اے کن چیزوں میں پایا جاتا ہے؟
یہ قدرتی طور پر بہت سے کھانوں میں پایا جاتا ہے۔ ہم اس کو کن چیزوں سے حاصل کرسکتے ہیں وہ مندرجہ ذیل ہیں؛
۔1 ہم اس کو دودھ اور دہی سے حاصل کرسکتے ہیں۔
۔2 بڑے گوشت میں بھی یہ پایا جاتا ہے لیکن اس میں کولیسٹرول کی مقدار بھی ہوتی ہے جو دل کی صحت کے لیے مضر ہے اس لئے اس کو کم ہی استعمال کرنا چاہیے۔
۔3 کچھ اقسام کی مچھلیوں میں بھی یہ پایا جاتا ہے جیسے سالمن۔
۔4 ہم اس کو بہت سی سبزیوں سے بھی حاصل کرسکتے ہیں جیسے، گاجر،بندگوبھی وغیرہ
۔5 اس کے علاوہ وہ پھل جن میں یہ پایا جاتا ہے ان میں آم، کینو اور خوبانی شامل ہے۔
۔6 یہ انڈے کی زردی میں بھی موجود ہوتا ہے۔
وٹامن اے کی کمی کی کونسی نشانیاں ہیں؟
یہ ضروری وٹامن جسمانی فعال، آنکھوں کی روشنی اور مدافعتی نظام کے لئے اہم ہوتا ہے۔ اس کی کمی کی وجہ سے ہمیں شدید اسہال اور جگر کے امراض کا سامنا ہوسکتا ہے اور اس کی شدید کمی کی وجہ سے رات کو اندھاپن ظاہر ہوسکتا ہے۔ اس کی کمی کی نشانیاں مندرجہ ذیل ہیں؛
خشک آنکھیں
یہ وٹامن آنکھوں کے لئےضروری وٹامن ہے۔ اگر ہمارے جسم میں اس کی کمی ہوجائے تو آنکھوں کی روشنی ختم ہونے کا خطرہ ہوتا ہے۔ جب ہماری آنکھیں خشک ہونے لگیں اور آنسو پیدا ہونے سے قاصر ہوں تو یہ آنکھیں خشک ہونے کی نشانی ہے۔ یہ وٹامن اے کی کمی کی وجہ سے ہوتا ہے۔
خشک اور خارش والی جلد
یہ وٹامن جلد کے خلیوں کی تعمیر اور تشکیل میں مدد دیتا ہے۔ اس کی کمی کی وجہ سے ہمیں جلد کے مسائل کا سامنا کرنا پڑتا ہے۔ اس میں جلد کا مسئلہ جیسے ایکزیما بھی اس کی کمی کا نتیجہ ہوتے ہیں۔ یہ حالت خشک خارش اور سوجن کا سبب بنتی ہے۔ جلد پر مہاسوں کا ہونا بھی وٹامن اے کی کمی کی وجہ سے ہوتا ہے۔ اس وٹامن کے مناسب استعمال سےجلد کی سوجن اور خارش کو دور کرسکتے ہیں۔
تولیدی مسائل
وٹامن اے کی کمی کی وجہ سے ہمیں تولیدی مسائل کا بھی سامنا کرنا پڑتا ہے۔ اس کی جسم میں مناسب مقدار زرخیزی کو بڑھاتی ہے۔ یہ ہمارے جسم کو اینٹی آکسیڈنٹ فراہم کرنے کے لئے اہم ہوتا ہے۔کیونکہ یہ اینٹی آکسیڈیٹیو تناؤ کو کم کرنے میں مدد کرتا ہے جو زرخیزی کے لئے اہم ہوتا ہے۔
نشوونما کے لئے
ہم اکثر دیکھتے ہیں کہ کچھ بچے اپنی عمر سے بہت کم نظر آرہے ہوتے ہیں۔ لیکن ہوسکتا ہے ان میں کسی وٹامن کی کمی ہو جو ان کی نشوونما کو روکتی ہو ہمیں اس کے بارے ایک ڈاکٹر ہی بہتر مشورہ دے سکتا ہے۔ لیکن اگر ہمارے جسم میں اس کی مناسب مقدار موجود نہ ہو تو بچوں کے اندر نشوونما کے مسائل پیدا ہوتے ہیں۔
سینے اور گلے میں انفیکشن
وٹامن اے کی کمی کی وجہ سے ہم بار بار گلے اور سینے کے انفیکشن میں مبتلا ہوسکتے ہیں۔یہ وٹامن سانس کے مسئلے سے بچانے کے لیے معاون ثابت ہوتا ہے۔ ہمیں گلے کے انفیکشن سے بچنے کے لئے ان چیزوں کا استعمال کرنا چاہیے جو ہمارے جسم میں اس وٹامن کی کمی کو پورا کرسکے اور ہمیں تمام جسمانی مسائل سے بچاسکے۔
زخم کا جلد ٹھیک نہ ہونا
اگر آپ کوکوئی چوٹ آئی ہے یا کوئی سرجری ہوئی ہے تو اس کے بعد آپ کا زخم جلد ٹھیک نہیں ہورہا تو آپ کو اس وٹامن اے کی کمی کی وجہ سے یہ مسئلہ پیش آسکتا ہے۔ وٹامن اے کولیجن کی مقدار میں اضافہ کرتا ہے۔ جو جسم کے تمام خلیوں کی تشکیل کے لئے ضروری ہوتا ہے۔
وٹامن اے کی کمی کو دور کیسے کیا جائے؟
جسم میں کسی بھی وٹامن کی کمی ہمیں بہت سے مسائل سے دوچار کرتی ہے۔ ہمیں ان کی کمی کو دور کرنے کے لئے لازمی کچھ کرنا چاہیے۔ ہمیں وٹامن اے کی کمی کو دور کرنے کے لئے ان تمام سبزیوں اور پھلوں کا استعمال کرنا چاہیے جو وٹامن اے کی کمی کو دور کرے۔ اس کے علاوہ بہت سے لوگ سیپلیمنٹس کا بھی استعمال کرتے ہیں لیکن آپ کو اس سے پہلے اپنے ڈاکٹر سے لازمی بات کرنی چاہیے۔