تخم بالنگا کے بیج میٹھے تلسی کے پودوں سے حاصل کیے جاتے ہیں انہیں سبجا بیج بھی کہا جاتا ہے صحت کے لیے بہترین تخم بالنگا کے بے شمار فوائد موجود ہیں یہ اتنے چھوٹے نظر آتے ہیں کہ آپ انہیں پیاز کے بیج یا تل کہہ سکتے ہیں یہ رنگ میں سیاہ ہوتے ہیں یہ صحت کے لیے بہترین ہوتے ہیں۔
یہ آنتوں کی صحت برقرار رکھنے میں مدد کرتا ہے یہ آپ کے وزن میں کمی کرنے میں بھی مدد کرتا ہے تخم بالنگا وٹامنز اور معدنیات کا ایک بہت بڑا ذریعہ بھی ہیں اس وجہ سے ان بیجوں کو عام طور پر میٹھے تلسی کے بیج کہا جاتا ہے تلسی کے بیجوں کی آیورویدک اور چینی ادویات میں استعمال کرنے کی ایک طویل تاریخ بھی ہے۔ صحت کے حوالے سے مفید مشوروں اور معلومات کے لیے مرہم پہ تجربہ کار ڈاکٹرز کی رہنمائی حاصل کرنے کے لیے 03111222398 پہ کال کریں
تخم بالنگا کے بیج بہت سخت ہوتے ہیں اور آپ انہیں کچے استعمال نہیں کرسکتے ہیں لہذا انہیں پانی میں بھگونے کے بعد بہترین طور پر استعمال کیا جاسکتا ہے جس سے وہ جیلاٹین کی شکل میں بن جاتے ہیں تخم بالنگا کے بیج عام طور پر میٹھی تلسی یعنی اوسیمم باسیلیکم سے آتے ہیں جسے ہم عام طور پر سیزننگ کے طور پر بھی استعمال کرتے ہیں۔
۔1 تخم بالنگا کے فوائد
تخم بالنگا کے فوائد میں بلڈ شوگر لیول کو کم کرنے کا حل موجود ہے اس سے پتہ چلتا ہے کہ اس کے بیجوں میں ذیابیطس کے خلاف لڑنے کی صلاحیت موجود ہوتی ہے یہ گلوکوز کی بڑھتی ہوئی سطح کو کنٹرول کرتا ہے۔
یہ ٹائپ2 ذیابیطس کے لوگوں کے لئے بہت مددگار ہوتا ہے اس کے بیج تیزابیت اور قبض سے نجات حاصل کرنے میں آپ کی مدد کرتے ہیں۔ آپ اسے محدود مقدار میں روزانہ کی بنیاد پر استعمال کرتے ہوئے فائدہ اٹھا سکتے ہیں کیونکہ اس کے بیج حل پذیر ریشے سے بھرپور ہوتے ہیں۔
۔1 تخم بالنگا جسم کو اندر سے قدرتی طور پر ٹھنڈا کرتا ہے
جسم کو اندر سے ٹھنڈا رکھنے کے لئے موسم گرما میں اس کے بیج آپ کی مدد کریں گے یہ جسم کی گرمی کو کم کرتا ہے اور آپ کے پیٹ کو ٹھنڈا کرنے میں مدد کرتا ہے آپ اسے اپنے مشروبات ناریل کے پانی اسموتھیز اور شیکس میں استعمال کرسکتے ہیں آپ دہی کے ساتھ بھی ان بیجوں کا استعمال کرسکتے ہیں۔
۔2 تخم بالنگا وزن میں کمی کرنے میں مددگار
اس کے بیجوں میں غذائی ریشے کی مقدار زیادہ ہوتی ہے جب کوئی شخص روزانہ اس کا استعمال کرتا ہے تو اس کا پیٹ بھرا ہوا محسوس کرتا ہے جس سے آپ کو کم کھانا کھانے کی عادت پڑجاتی ہے اور وزن خود بخود کنٹرول ہوجاتا ہے یہ جسم سے خراب زہریلے مادوں کو نکالنے میں بھی مدد کرتا ہے۔
۔3 تخم بالنگا دل کی بیماریوں کے لیے مفید
تخم بالنگا کے بیجوں میں اومیگا 3 فیٹی ایسڈ ہوتے ہیں ان بیجوں میں دل کی پیچیدہ خطروں سے بچنے کا حل بھی موجود ہے یہ دل کی بیماری فالج اور دیگر پیچیدگیوں کے خطرے میں دل کے کام میں بہت مددگار ثابت ہوسکتے ہیں۔
۔4 تخم بالنگا کے بیج میں منہ کی اندرونی صحت
اس کے بیجوں میں اینٹی بیکٹیریا اینٹی وائرل اور اینٹی فنگل خصوصیات موجود ہوتی ہیں۔ یہ منہ کے السر کے علاج میں مدد کرتے ہیں یہ بدبو پلاک اور دانتوں کو گہرائیوں سے صاف کرنے میں مددگار ہوتا ہے۔
۔5 تخم بالنگا جلد کے انفیکشن کو دور کرتا ہے
اس میں اینٹی مائیکروبائیل اور اینٹی فنگل خصوصیات موجود ہوتی ہیں جو جلد کو انفیکشن سے بچاتی ہیں اس کا باقاعدگی سے استعمال جلد کو قدرتی چمک دیتا ہے اس کے بیج قدرتی طور پر جسم کو ڈیٹاکسیفائی کرتے ہیں اور آپ کی جلد کو خراب اور بے رونق ہونے سے بچاتے ہیں۔
۔6 تخم مالنگا کے بیج معدنیات فراہم کرنے کا اچھا ذریعہ ہیں
کیلشیم اور میگنیشیم آپ کی ہڈیوں کی صحت اور پٹھوں کے کام کے لئے بہت ضروری ہوتے ہیں جبکہ آئرن خون کے سرخ خلیات کی پیداوار کے لئے بہت اہم ہے۔ بہت سے لوگوں کو اپنی روزمرہ کی غذا کے ذریعے کافی کیلشیم اور میگنیشیم نہیں ملتا ہے اس کے بیج کھانے سے آپ کو ان غذائی اجزاء کی اپنی روزمرہ کی ضروریات کو پورا کرنے میں مدد مل سکتی ہے۔
۔2 تخم بالنگا کے فوائد کے بعد اس کے استعمال کے طریقوں کو جانتے ہیں
آپ آن لائن بھی ترکیبیں تلاش کرسکتے ہیں جن میں اس کے بیج شامل ہوتے ہیں ان کا نرم ذائقہ پکوانوں میں آسانی سے مل جاتا ہے مثال کے طور پر آپ اس کے بیجوں کو ان چیزوں میں استعمال کر سکتے ہیں۔
۔1 اسموتھیز
۔2 دودھ
۔3 لیمونیڈ اور دیگر مشروبات
۔4 سوپ
۔5 سلاد کی ڈریسنگ
۔6 دہی
۔7 پڈنگ
۔8 گرم اناج جیسے دلیہ
۔9 پورے اناج جیسے پین کیکس، پاستا کے پکوان، روٹی اور مفن میں بھی استعمال کرسکتے ہیں
۔3 استعمال کرنے کا طریقہ
نیم گرم پانی کے ایک کپ میں دو چائے کے چمچ تخم بالنگا کے بیج تقریبا 15-20 منٹ تک بھگو دیں وہ پھول جائیں گے اور اس کے سائز میں اضافہ ہوگا اسے کسی بھی مشروب میں استعمال کریں ایک دن میں2 چائے کے چمچ سے زیادہ اس کے بیج استعمال نہ کریں۔
تخم ملنگا کے بیجوں میں فائبرکی مقدار زیادہ ہوتی ہے یہ معدنیات کا ایک بہت اچھا ذریعہ ہیں یہ پودوں پر مبنی اومیگا-3 صحت مند چکنائی سے بھرپور ہوتے ہیں آپ انہیں پانی میں بھگونے کے بعد کھا سکتے ہیں اس کے بیج کے مشروبات طویل عرصے سے ہندوستان اور جنوب مشرقی ایشیا میں بھی مقبول رہے ہیں۔
اگر آپ صحت مند کھانے کو آزمانے اور اس سے لطف اندوز ہونا چاہتے ہیں تو کھانے میں اس کے بیجوں کے استعمال پہ غور کریں اور کسی بھی قسم کی صحت کے حوالے سے تشویش کی صورت میں ڈاکٹر سے ضرو رجوع کریں۔