Talk to Pediatric Ophthalmologist on Eye Injury And Vision Loss

Assalam-o-Alaikum Doctor Sahab, Meri masoom beti ki aankh mein chot lagi thi, jis ka operation Government Jail Road Hospital, Hyderabad mein hua tha. Kuch arsa ilaaj chala, lekin ab wahan ke doctors keh rahe hain ke nazar nahi aayegi aur sirf pathar ki aankh (cosmetic eye) lag sakti hai. Doctor sahab, mein aik nihayat ghareeb baap hoon, bar bar baray shehron ke chakkar lagane ke ikhrajat bardasht nahi kar sakta. Beti abhi bohat choti hai, us ka poora mustaqbil samnay hai. Mein pathar ki aankh nahi chahta, mein chahta hoon meri bachi ki nazar kisi tarah wapas aa jaye. Khuda ke liye aik baap ki majboori aur is masoom bachi par reham farmayein. Tamam purani reports aur operation ke kaagzat sath attach kar raha hoon. Inhein dekh kar khuda ke liye batayein ke kya is ka koi elaj ya operation mumkin hai jiss se nazar ki umeed jag sakay? Hum zindgi bhar aap ko duayein denge. Jazak Allah