Gingivitis in Urdu
گنگوٹس ایک عمومی نوعیت کی مسوڑھوں کی بیماری ہے جو بے چینی کا سبب بن سکتی ہے جو کہ مسوڑھوں میں سرخی اور سوزش کا باعث ہوتی ہے یہ بیماری پیری ڈونٹس کا سبب بن جاتی ہے جو کہ مسوڑھوں کی ایک سنجیدہ نوعیت کی بیماری ہے جس کی وجہ سے دانت بھی ضائع ہو سکتے ہیں اس وجہ سے اس بیماری کو معمولی نہیںس سمجھنا چاہیۓ اور علاج کروا لینا چاہیۓ-
اس بیماری کی علامات کچھ اس طرح سے ہو سکتی ہیں
پھولے ہوۓ مسوڑھے
مسوڑھوں کا جگہ چھوڑ دینا
مسوڑھوں سے خون آنا
مسوڑھوں کا رنگ گہرا سرخ ہونا
منہ کی بدبو
مسوڑھوں کا نرم ہو جانا
اس بیماری کا علاج عام طور پر اس کی علامات کو بڑھنے سے روکنا ہوتا ہے تاکہ وہ بڑھ کر دانت کے ضائع ہونے کا سبب نہ بن جاۓ اگر آپ اس بیماری کا شکار ہیں اور تمباکو نوشی بھی کرتے ہیں تو اس کے علاج کے لیۓسب سے پہلے اس کو ترک کرنا ضروری ہو جاتا ہے
ماہر ڈاکٹر اس بیماری کے علاج کے لیۓ یہ اقدامات کرتے ہیں
پروفیشنل دانتوں کی صفائی : اسکیلنگ اور روٹ پلاننگ دانتوں کی صفائی کا ابتدائی مرحلہ ہوتا ہے ۔ اسکیلنگ سے دانتوں کی سطح پر سے ٹارٹر اور بیکٹیریا کو مسوڑھوں تک صاف کیا جاتا ہے ۔ جب کہ روٹ پلاننگ کے ذریعے سوزش کا باعث بننے والے بیکٹیریا کو صاف کر کے دانتوں کی جڑوں کی سطح کو نرم کیا جاتا ہے جو مذید ٹارٹر اور بیکٹیریا کی نمو کو روکتے ہیں اور تکلیف کا خاتمہ کرتے ہیں
دانتوں کی شکال کی بحالی : اگر دانت ٹیڑھے میڑھے ہوں تو کروان یا برج لگا کر ان کو سیدھا کیا جاتا ہے اور ان کو فٹ کیا جاتا ہے تاکہ صفائی میں ہونے والی دشواری کو ختم کیا جا سکے ، اگر آپ کے منہ میں اس بیماری کا سبب دانتوں کے ٹیڑھے ہونے کے سبب صفائی میں دشواری ہے تو اس کے لیۓ دانتوں کو سیدھا کیا جاتا ہے تاکہ آسانی سے صفائی ہو سکے
دیگر حفاظتی اقدامات : عام طور پر پروفیشنل صفائی کی وجہ سے یہ بیماری دور ہو جاتی ہے اس کے بعد گھر پر ہی دانتوں کی صفائی کا مناسب انتظام کر کے اس بیماری سے بچا جا سکتا ہے