Talk to General Physician on Body Pains

Mere husband ki age 30 years hai aur weight 80 kg hai.

Unhein takreeban 1 saal se body pains ka issue chal raha hai, jo waqt ke sath kam hone ke bajaye barhta ja raha hai.

Symptoms:

- Lower back/spinal area me bohat zyada dard rehta hai. - Ab kuch arse se legs aur shoulders me bhi pain rehne laga hai. - Har waqt thakaan mehsoos hoti hai. - Bohat zyada neend aati hai. Kabhi 15 ghante bhi so lein to bhi aisa lagta hai jaise neend poori hi nahi hui. - Pichhle kuch arse se chirchirapan aur gussa bhi bohat zyada ho gaya hai. - Takreeban 2 hafton se aankhon me bhi dard aur heaviness (jaise aankhon par weight ho) mehsoos hoti hai. - Stomach issues bhi rehte hain. Kabhi constipation ho jati hai aur kabhi loose motions lag jate hain.

Hum bohat se doctors ko dikha chuke hain, jin me General Physician, Gastroenterologist aur Neurologist shamil hain. Kafi tests bhi karwaye hain lekin reports me koi significant issue nahi aaya. Sirf Vitamin levels aur Folate borderline low aaye thay. Is ke ilawa sab reports normal hain. Phir bhi unki body pains aur fatigue din ba din barhti ja rahi hai.

Ek baat aur mention karna chahti hoon ke woh roz direct AC ki hawa ke neeche sote hain, aur unka routine bhi bohat hectic hai. Woh raat ko takreeban 11–12 baje sote hain aur subah 4–5 baje uth kar apni nashtay ki dukan par chale jate hain, jahan unka kaam aag/chulhe ke saamne hota hai.

Har tarah ki medicines try kar chuke hain lekin koi khaas farq nahi para.

Mera sawal ye hai:

1. Aap ke khayal me kis specialist ko aur consult karna chahiye? 2. Kya Hijama is tarah ke symptoms me beneficial ho sakta hai? Agar haan, to kitne chances hote hain ke is se waqai farq pade? 3. Main unki tamam reports bhi is post ke sath attach kar rahi hoon. Meherbani karke unhein dekh kar apni valuable opinion dein.

JazakAllah Khair.