نیند کے ایسے طریقے جو آپ کی آنتوں کی صحت کو متاثر کرتے ہیں۔ آپ کو شاید اندازہ بھی نہیں ہوگا کہ آپ کی نیند اور آپ کی آنتوں کی صحت کا آپس میں کتنا گہرا تعلق ہوتا ہے اصل میں سونے سے پہلے آپ کیا کھاتے ہیں سے لیکر آپ کے سونے کے انداز تک کہ آپ پیٹ کے بل سوتے ہیں یا پیٹھ کے بل۔ یہ سب آپ کی نیند اور آپ کی آنتوں کی صحت پر اثر انداز ہو سکتا ہے۔
نیند کے ماہر اور امریکن سلیپ اینڈ بریتھنگ اکیڈمی کے صدر ڈاکٹر کینٹ اسمتھ کے مطابق کوئی بھی نیند کی عادت جو آپ کے جسم کی فطری نیند اور جاگنے کے چکر کو نقصان پہنچاتی ہیں اور غیر معیاری نیند کا سبب بنتی ہیں وہ آپ کی آنتوں کی صحت کو بھی منفی طور پر متاثر کرتی ہے۔
مثال کے طور پر طویل عرصے تک کافی نیند نہ لینا آپ کے مائکروبایومم اچھے بیکٹیریا کا توازن خراب کر سکتے ہیں۔ وہ لوگ جو اپنے مدافعتی نظام کے ساتھ سمجھوتہ کرتے ہیں ان کے لئے بیماری، تھکاوٹ اور یاداشت کے مسائل کا خطرہ بڑھ جاتا ہے۔
Table of Content
۔ 1 نیند کی کچھ عادات جو آنتوں کی صحت کو متاثر کرتی ہیں
ماہرین کے مطابق کچھ ایسے طریقے ہیں جو ہماری نیند کی عادات سے جڑے ہوئے ہوتے ہیں اور ہماری آنتوں کی صحت کو بھی متاثر کرتے ہیں۔
۔ 1 سونے سے قبل کھانا
اگر آپ رات میں دیر تک کام کرتے ہیں یا کسی کام کی وجہ سے وقت پر کھانا نہیں کھا پاتے ہیں تو آپ کو رات سونے سے قبل کھانا کھانے کی عادت ہو سکتی ہے۔ ممکن ہے کہ صبح ہلکے ناشتے کا اثر آپ کی رات کی نیند اور آنتوں کی صحت پر نہ پڑے لیکن رات کو دیر سے کھانا آپ کی نیند اور آنتوں پر منفی اثرات ڈالتا ہے۔
ڈاکٹر سمتھ کا کہنا ہے کہ زیادہ چکنائی والی غذاؤں کو ہضم کرنے اور اسے توانائی میں تبدیل کرنے میں آپ کے نظام ہضم کو کافی سخت محنت کرنی پڑتی ہے اور کھانے کے فورا بعد جب ہاضمے کا عمل جاری ہونا اور آپ کا سونا، آپ کے پیٹ میں درد یا گیس کا باعث بن سکتا ہے۔
۔ 2 رات کو ڈرنکس پینے کی عادت
اگر آپ کو سونے سے پہلے ڈرنکس پینے کی عادت ہے تو یہ آپ کی صحت کے لئے کئی مسائل کی وجہ بن سکتی ہے۔ ڈاکٹر سمتھ کے مطابق یہ عادت آپ کی نیند کے انداز میں خلل ڈالنے کے ساتھ ساتھ سانس کے مسائل کا سبب بھی بنتی ہے اور آپ کی آرام دہ نیند میں رکاوٹ ڈالتی ہے۔ اس کے ساتھ ساتھ الکوحل آنتوں کی سوزش کا بھی باعث بنتی ہے۔
۔ 3 وقت پر نہ سونا
ڈاکٹر سمتھ کہتے ہیں کہ اگر آپ چاہتے ہیں کہ آپ کے جسم کی اندرونی گھڑی صحیح طور پر کام کرے تو اس کے لئے آپ کا ہر رات ایک ہی وقت پر سونا اور صبح ایک ہی وقت پر جاگنا ضروری ہے۔ چاہے ہفتے کا کوئی بھی دن ہو وہ کہتے ہیں نا کہ نیند کے ضابطے اور آنتوں کی صحت کے درمیان گہرا تعلق ہوتا ہے، لہذا صحیح روٹین اپنانے سے آپ کی آنتوں، ہاضمے، میٹابولزم اور قوت مدافعت کو فائدہ پہنچائے گی۔
۔ 4 بستر پر فون کا استعمال
فون رکھنے والے کسی بھی انسان کی طرح آپ بھی سونے پے پہلے اس کا استعمال کرتے ہوں گے نیچروپیتھک ڈاکٹر لی ویسٹر کہتی ہیں کہ سونے سے پہلے اسکرینوں کی نیلی روشنی میلاٹونن کی پیداوار کو کم کرتی ہے اور میلاٹونن گٹ کی حرکت پذیری میں اہم کردار ادا کرتا ہے اور اگر یہ کم ہے تو آنتوں کی حرکت بھی متاثر ہوجاتی ہے اور یہ قبض اور چھوٹی آنت اور سینے کی جلن کا باعث بن سکتی ہے۔
۔ 5 سونے سے پہلے میٹھا کھانا
ممکن ہے کہ آپ کو بھی آدھی رات کی بھوک کا سامنا کرنا پڑتا ہو جس میں آپ کو کوکیز یا آئسکریم کھانے کا خیال آتا ہو یہ مزیدار ہو سکتا ہے لیکن سوتے وقت میٹھا کھانا آپ کی نیند اور آنتوں دونوں میں مسائل پیدا کر سکتا ہے۔ نیند اور غذائیت کی ماہر اور ہارمون بیلینس کی مصنفہ کیرولین ڈین کہتی ہیں کہ یہ عادت آپ کو ایکٹو کرسکتی ہیں اور اسے چھوڑنا مشکل ہو سکتا ہے۔ اس کے علاوہ شوگر آنتوں کے بیکٹیریا کو کھانا کھلا سکتی ہے اور سینے میں جلن، گیس اور اپھارہ پیدا کر سکتی ہے۔
۔ 6 نیند کا ماحول نہ بنانا
بہت سے لوگوں کو زیادہ روشنی یا گرمی میں آرام دہ نیند نہیں آتی، لہذا اچھی نیند کے لئے ضروری ہے کہ آپ بہترین ماحول بنائیں تاکہ آپ آرام دہ نیند پا سکیں آپ کی نیند آپ کی آنتوں کی صحت کے لئے بہت ضروری ہوتی ہے اگر آپ رات بھر نہیں سو رہے ہیں تو آپ کا جسم اسے ایندھن دینے کے لئے دوسرے طریقے تلاش کرتا ہے۔
۔ 7 پیٹ کے بل سونا
اگر کوئی شخص جو آرام دہ طریقہ سے نہیں سوتا لینبرٹ کے مطابق جب آپ اپنے تکیے کا اس طرح سے گلے لگاتے ہیں کہ آپ کے معدہ اور غذائی نالی ایک سیدھ میں آجاتے ہیں تو ممکن ہے کہ یہ آپ کے سینے میں جلن یا تیزابیت کا باعث بنیں۔
۔ 8 رات کا الو بن جانا
اس میں کوئی شک نہیں کہ آپ کافی نیند لے رہے ہیں جب آپ سوتے ہیں، مگر آپ صحیح وقت پر نہیں سو پاتے جیسے کہ آپ نائٹ شفٹ میں کام کر رہے ہیں تو یہ حالت بھی آپ کی آنتوں کی صحت پر اثر انداز ہوتی ہے۔ گٹ ہیلتھ کے ماہر کہتے ہیں نیند کے معمول کے اوقات میں نیند سے دور رہنا آپ کے آنتوں کے بیکٹیریا کے ماحولیاتی نظام کو تبدیل کر سکتا ہے۔
دن کے اختتام پر، آپ ہر رات بھرپور نیند حاصل نہیں کرپائیں گے یا ہر وقت آنتوں کی صحت کا مسئلہ رہے گا، اور یہ درست ہے کہ جب تک آپ اپنی روٹین میں چھوٹی چھوٹی تبدیلیاں کرنے کی پوری کوشش کریں گے تو آپ کے جسم کو کام کرنے اور بہتر محسوس کرنے میں مدد مل سکے گی۔
مرہم کی ایپ ڈاؤن لوڈ کرنے کے لیے یہاں پہ کلک کریں
| Android | IOS |
|---|---|
 |  |
