جب گٹھیا یا آرتھرائٹس کا کا تذکرہ کیا جاتا ہے تو زیادہ تر لوگ فوری طور پر یہ ہی سوچتے ہیں کہ یہ بزرگوں کی بیماری ہے۔ لیکن کیا آپ جانتے ہیں یہ ایسی تکلیف دہ بیماری ہے جو کسی بھی عمر میں ظاہر ہوسکتی ہے۔ ،اور گٹھیا کی ایک ایسی شکل بھی موجود ہے جو بنیادی طور پر صرف بچوں کو متاثر کرتی ہے۔ اسے طبی حکام نوعمر گٹھیا یا جوینائل آرتھرائٹس کہتے ہیں۔کسی بھی قسم کی آرتھرائٹس کی علامات کی صورت میں فوری ڈاکٹر سے مشورے کے لیے مرہم کی سائٹ وزٹ کریں یا 03111222398 پر رابطہ کریں
۔1 جوینائل آرتھرائٹس کی وجوہات
جوینائل آرتھرائٹس یا نوعمری کا گٹھیا تقریباً اسی قسم کا گٹھیا ہوتا ہے جو بوڑھے لوگوں کو متاثر کرتا ہے۔ سیدھے الفاظ میں، یہ گھٹیا بھی جوڑوں کی سوزش ہوتی ہے۔
اسے خود کار بیماری کے طور پر شمار کیا جاتا ہے، خود کار بیماری سے مراد وہ بیماری ہوتی ہے جب بچے کا اپنا مدافعتی نظام ہی بیماری کا سبب بنتا ہے۔ خود کار قوت مدافعت کی بیماری میں، مدافعتی نظام جسم کے صحت مند بافتوں یا ٹشوز پر حملہ کردیتا ہے اور بیماری کا بیرونی جرثوموں جیسے کہ بیکٹیریا اور وائرس سے کوئی تعلق نہیں ہوتا ہے۔
ڈاکٹروں کو نابالغ گٹھیا کے پیچھے وجوہات کا بخوبی علم ہے، لیکن حقیقت یہ ہے کہ ان کے پاس اس بات کا کوئی واضح اندازہ نہیں ہے کہ مدافعتی نظام کی خرابی کی کیا وجہ کیا ہوسکتی ہے۔ تاہم، انہیں شبہ ہے کہ نوعمر گٹھیا کا تعلق جینز، بعض قسم کے انفیکشن اور ماحول کے مختلف محرکات سے ہوسکتا ہے۔
۔2 جوینائل آرتھرائٹس کی علامات
بعض صورتوں میں، ایک بچے کو نابالغ گٹھیا ہو سکتا ہے اور اس کے ڈاکٹر کو اس کے بارے میں علم تک نہ ہو کیونکہ اکثر اس کی کوئی علامت واضح نہیں ہو تی ہے۔ کچھ علامات موجود ہیں ،لیکن وہ ایسی ہیں جو دیگر طبی حالات سے بھی وابستہ ہوتی ہے۔ یہی وجہ ہے کہ نوعمر گٹھیا کی عام طور پر تشخیص نہیں ہوتی یا غلط تشخیص کی جاتی ہے۔
نوعمر گٹھیا والے کچھ بچوں کو ایسی مندرجہ ذیل علامات کا سامنا کرنا پڑ سکتا ہے ان میں شامل ہیں۔
۔1 جوڑوں کا درد اور سوجن
۔2 جوڑوں کی سختی خاص طور پر صبح کے وقت
۔3 لنگڑا کر چلنا
۔4 تھکاوٹ محسوس ہونا
۔5 وزن میں کمی
نوعمر گٹھیا کی علامات مختلف اقسام پر منحصر ہوتی ہے، کچھ دیگر علامات بھی موجود ہو سکتی ہیں۔ ان میں سے کچھ میں، چڑچڑاپن، ، مسلسل بخار، بینائی کا دھندلا پن، آنکھوں کا سرخ ہونا اور آنکھوں میں درد شامل ہیں۔
۔3 گھٹیا کی اقسام
صحت کے حکام کے مطابق، نوعمروں کے گٹھیا کی پانچ مختلف مندرجہ ذیل اقسام ہیں۔
۔1سیسٹیمیٹک یا مختلف نظام کو متاثر کرنے والا نوعمر گٹھیا
اسے بعض اوقات اسٹیل کی بیماری کے نام سے بھی جانا جاتا ہے، یہ ایسی قسم ہوتی ہے جو بچے کے جسم کے بہت سے مختلف نظاموں کو متاثر کر سکتی ہے۔ یہ عام طور پر بخار اور خارش کا سبب بن سکتی ہے ۔اور یہ مختلف اندرونی اعضاء جیسے تلی، جگر اور دل کو بھی متاثر کرسکتی ہے۔
۔2 پولی آرٹیکولر یا پانچ سے زیادہ جوڑوں کو متاثر کرنے والا نوعمری کا گٹھیا
بعض اوقات اسے پولیا آرتھرائٹس بھی کہا جاتا ہے، یہ آرتھرائٹس پہلے چھ ماہ کے دوران پانچ یا زیادہ جوڑوں کو متاثر کرتا ہے۔ ڈاکٹروں کا کہنا ہے کہ نوعمروں میں گٹھیا کی اس قسم کا مرض لڑکوں کے مقابلے میں لڑکیوں میں زیادہ پایا جاتا ہے۔
۔3 اولیگوآرتھرائٹس یا پانچ سے کم جوڑوں کو متاثر کرنے والا گھٹیا
اسے نوعمری کا ریمیٹائڈ گٹھیا بھی کہا جاتا ہے، یہ اپنی ظاہری شکل کے پہلے چھ ماہ کے دوران پانچ سے کم جوڑوں کو متاثر کرتا ہے۔ ڈاکٹروں کا کہنا ہے کہ یہ آنکھوں کو بھی متاثر کر سکتا ہے، خاص طور پر آنکھ کے اندرونی حصوں کو زیادہ متاثر کرسکتا ہے۔ اولیگوآرتھرائٹس سے متاثر زیادہ تر بچے بالغ ہونے پر اس کی مزید بدتر علامات کا سامنا کرسکتے ہیں۔
۔4 جلد کا گٹھیا
جیسا کہ نام بتاتا ہے، اس قسم کے نوعمر گٹھیا والے بچے کو جلد کی بیماری ہوتی ہے جسے چنبل کہتے ہیں۔ بعض صورتوں میں نوعمر گٹھیا میں سب سے پہلے جلدی گھٹیا پہلے ظاہر ہوتا ہے، دوسری صورتوں میں یہ سب سے بعد کی علامت ہوسکتی ہے۔ جلدی گٹھیا والے زیادہ تر بچوں کے ناخن اندر دھنسے ہوتے ہیں۔
۔5 اینتھیسائٹس یا جوڑوں کو ملانے والی جگہ کو متاثر کرنے والا گٹھیا
اس قسم کی نوعمری کی گٹھیا بنیادی طور پر ان لڑکوں میں دیکھی جاتی ہے جن کی عمر 8 سال سے زیادہ ہوتی ہے۔ یہ عام طور پر انتھیسز، یا ان جگہوں کو متاثر کرتا ہے جہاں ہڈیاں اور جوڑ ملتے ہیں۔ اس سے عام طور پر کولہے، ریڑھ کی ہڈی اور بعص اوقات آنکھیں بھی متاثر ہوتی ہیں۔
۔4 تشخیص
نوعمروں کے آئیڈیوپیتھک آرتھرائٹس کی تشخیص مشکل ہو سکتی ہے کیونکہ جوڑوں کا درد مختلف قسم کے مسائل کی وجہ سے ہو سکتا ہے۔ کوئی ایک ٹیسٹ تشخیص کی تصدیق نہیں کر سکتا، لیکن ٹیسٹ کچھ دوسری حالتوں کو مسترد کرنے میں مدد کر سکتے ہیں۔
۔6 جوینائل آرتھرائٹس کا علاج
نوعمر گٹھیا کے علاج کا سب سے بڑا، مقصد درد اور سوزش کو دور کرنا ہوتا ہے۔ اور درد کے آرام کے ساتھ یہ بھی ضروری ہوتا ہے کہ جوڑوں کی طاقت اور نقل و حرکت کو بھی بحال کیا جاسکے اور جوڑوں کو پہنچنے والے نقصان کو مزید روکا جائے۔ نوعمر گٹھیا کے لیے مختلف دوائیں اور مشقیں تجویز کی جاتی ہیں۔
آپ کا ڈاکٹر تھراپی تجویز کر سکتا ہے تاکہ آپ کا بچہ فزیکل تھراپسٹ کے ساتھ مل کر جوڑوں کو لچکدار رکھنے اور ان کی حرکت اور پٹھوں کے حد کو برقرار رکھنے میں مدد کرے گا۔ڈاکٹر جوائتٹ سپورٹ بھی تجویز کر سکتا ہے تاکہ آپ کا بچہ جوڑوں کی حفاظت میں مدد کے لیے جوائنٹ سپورٹ کا استعمال کرے اور انہیں اچھی فعال حالت میں رکھے۔ بہت شدید صورتوں میں، علاج کے لیے جوینائل آرتھرائٹس کے علاج کے لئے جوڑوں کی سرجری کی ضرورت پڑ سکتی ہے۔