ناخن کو دیکھ کر بیماری کا پتہ لگانا بہت قدیم طریقہ ہے ماضی میں یونانی حکیم نبض دیکھ کر ، آنکھوں کی رنگت سے اور ناخنوں کی رنگت سے مریض کے مرض کا پتہ چلایا جا سکتا ہے اور انسان کی صحت کےبارے میں اس حوالے سے جانا جا سکتا ہے
Table of Content
ناخن کی ساخت میں تبدیلی اور ہماری صحت
ناخن کے ساخت اور شکل میں تبدیلی یا اس کے رنگ میں ہونے والی تبدیلی کا سبب بنیادی طور پر ہمارے جسم کی اندرونی کیفیت ہوتی ہے ۔ اس حوالے سے ان کی ساخت میں تبدیلی کی بنیادی وجہ کیا ہو سکتی ہے
سخت اور کھر درے
ناخنوں کا سخت اور کھر درا ہو جانا اور بار بار اس وجہ سے ناخنوں کا ٹوٹنا ایک ایسی شکایت ہے جو عام طور پر لوگوں کو ہوتی ہے ۔ اس مسلے کا شکار زیادہ تر خواتین ہوتی ہیں ۔ اس کا بنیادی سبب ہاتھوں کا بار بار پانی میں ڈالنا اور ان کو خشک کرنا ہوتا ہے ۔ جو کہ گھریلو کام کرنے والی خواتین کو بار بار ہی کرنا پڑتا ہے
اگر کسی خاتون کو یہ مسلہ ہو تو اس کو چاہیۓ کہ پانی کا کام کرنے سے پہلے ہاتھوں پر گلوز پہن لیں اس طرح ناخن بار بار گیلے نہیں ہوں گے ہاتھوں پر لینولن والا موسچرائزنگ لوشن لگانے سے بھی ان کو سخت اور کھر درے ہونے سے بچاۓ جا سکتے ہیں
لیکن اگر اس طرح سے بھی اس تکلیف کو آرام نہ ملے تو اس سلسلے میں ڈاکٹر سے لازمی رجوع کرنا چاہیۓ کیوں کہ آئرن کی کمی اور ہائپو تھائرائیڈازم بھی اس کا سبب ہو سکتا ہے جس کا علاج ڈاکٹر ہی کر سکتا ہے
نرم اور کمزور ہوجانا
یہ ناخن بہت آسانی سے مڑ جاتے ہیں اور ٹوٹ بھی جاتے ہیں ناخن کے اس طرح ہونے کی وجہ کپڑے دھونے کا ڈٹرجنٹ یا برتن دھونے کے صابن میں موجود کیمیکل ہو سکتے ہیں اس کے علاوہ نیل پالش میں موجود کیمیکل یا پھر اس کو صاف کرنے والے ریمور کا بھی ویادہ استعمال ناخن کمزور اور نرم کرنے کا باعث بن سکتے ہیں
ایسے ناخنوں کی صورت میں سب سے پہلے کیمیکل والی چیزوں کا استعمال بند کر کے ناخنوں کو قدرتی طور پر صحیح ہونے کا موقع فراہم کریں اس کے علاوہ وٹامن بی ، آئرن ، کیلشیم اور فیٹی ایسڈ کی کمی بھی اس کا سبب ہو سکتی ہے
مگر اس کے لیۓ کسی بھی قسم کے سپلیمنٹ کے استعمال سے قبل اپنے ڈاکٹر سے لازمی مشورہ کریں جو کہ ٹیسٹ کے ذریعے یہ جانچ کرۓ گا کہ جسم میں کس چیز کی کمی ہے اس کے مطابق ہی طاقت کے سپلیمنٹ کا استعمال کیا جا سکتا ہے
چھلکے اترنے
بعض اوقات ناخن سے کسی چیز کو کھولنے کے دوران یا ناخن کے کسی سخت سطح پر رگڑنے سے اس کے چھلکے اترنے شروع ہو جاتے ہیں ۔ اگر کسی ایک دو ناخن کے ساتھ یہ مسلہ ہو تو یہ وقت کے ساتھ خود ہی ٹھیک ہو جاتا ہے لیکن اگر ہاتھوں پیروں دونوں کےنیلز اس طرح کے ہو رہے ہوں تو اس کا سبب بھی جسم میں غذائیت یا آئرن کی کمی ہو سکتی ہے جس کو غذا کو متوازن کر کے ٹھیک کیا جا سکتا ہے
لکیروں کا بن جانا
اکثر لوگوں کے ناخن چپٹے ہو جاتے ہیں اور ان پر لکیریں ظاہر ہونا شروع ہو جاتی ہیں ۔ اگر یہ لکیریں چوڑائی مین ہوں تو اس کا سبب اندرونی کمزوری ہوتا ہے جس کو کھانے پینے سے دور کیا جا سکتا ہے
لیکن اگر یہ لکیریں لمبائی میں ہوں اور اس کے ساتھ ان کا بڑھنا بھی سست ہو جاۓ تو یہ علامات گردے کے افعال کی خرابی کو طاہر کرتی ہین اس کے لیۓ فوری طور پر ڈاکٹر سے رجوع کرنا ضروری ہو جاتا ہے
ناخن کے رنگ میں تبدیلی
پیلے : یہ رنگ عام طور پر نہیں ہوتا اور اس کا سبب ان کے اندر ہونے والا کوئی انفیکشن یا پھر ذیابطیس ہو سکتا ہے
سفید دھبے : یہ دھبے درحقیقت جسم میں زنک کی کمی کے سبب ہو سکتے ہیں
نیلے :اگران پر کسی بھی قسم کی چوٹ لگ جاۓ تو اس کے سبب انگلی کے نیچے کی خون کی شریانیں پھٹ جاتی ہیں اور یہ نیلے ہو جاتے ہیں
صحت مند رکھنے کا آسان علاج
یہ ہماری اندرونی صحت کے عکاس ہوتے ہیں ۔ اس وجہ سے ان میں ہونے والی کسی بھی قسم کی تبدیلی کو نظر انداز کرنا صحت کو سنگین مسائل میں مبتلا کر سکتا ہے اس وجہ سے ان کی صحت کو برقرار رکھنے کے لیۓ متوازن غذا کا استعمال ضروری ہے اس کے ساتھ ساتھ ہارمون کی خرابی کی صورت میں ان کا سدباب بھی ضروری ہے
