موزے اتارنے پر پیروں پر نشان کے 4 بڑے اور خطرناک اسباب

Reading Time: 4 minutes

موزے اتارنے کے بعد بعض اوقات آپ نے نوٹ کیا ہوگا کہ اس کے نشانات پیروں پر پڑ چاتے ہیں اور سرخ رنگ کا پھندہ سا بن جاتا ہے اس کا ایک سبب تو یہ ہو سکتا ہے کہ موزے سائز کے اعتبار سے تنگ ہیں جو کہ ایسے نشانات کا باعث بن رہے ہیں

لیکن اگر موزے تنگ نہ ہوں اور ہمیشہ موزے اتارنے پر ایسے ہی نشانات بنے ہوۓ نظر اتے ہوں تو یہ درحقیقت صحت کے کچھ مسائل کی ابتدائی علامات ہو سکتی ہیں جن کے بارے میں ڈاکٹر سے چیک اپ کروانا بہت ضروری ہوتا ہے

پیروں پر موزے اتارنے کے بعد نشانات کے اسباب

جسم کے اندرونی نظام میں کسی بھی قسم کی خرابی کی صورت میں اس کی علامات بیرونی طور پر ظاہر ہونا شروع ہو جاتی ہیں ۔ پیروں پر موزوں کے نشان بننے کا سبب بھی جسم میں ہونے والی کچھ اندرونی خرابیاں ہو سکتی ہیں ۔ جن سے ممکن ہے کہ آپ لاعلم ہوں

بلند فشار خون

موزے
Image Credit: Bright side

ہائی بلڈ پریشر ایک ایسی بیماری ہے جس کے بارے میں عام طور پر انسان کو اس وقت تک پتہ نہیں چل سکتا ہے جب تک کہ اس کا باقاعدگی سے چیک اپ نہ کروایا جاۓ لیکن اگر کسی انسان کا بلڈ پریشر ہائی رہنے لگا ہو تو اس کو مختلف علامات کی مدد سے بھی پتہ لگایا جا سکتا ہے

اگر انسان کا بلڈ پریشر ہائی رہنے لگے تو اس کے نتیجے میں جسم کے اندر موجود خون پورے جسم میں سپلائی نہیں ہو سکتا ہے اس وجہ سے لیکوئڈ پیروں اور ٹانگوں میں جمع ہونا شروع ہو جاتے ہیں اس وجہ سے جب موزے اتارے جاتے ہیں تو پیروں پر نشان بن جاتےہیں

اس صورت میں باقاعدگی سے بلڈ پریشر چیک کروانا چاہیۓ اور بلڈ پریشر ہائی ہونے کی صورت میں علاج اور پرہیز کرنی چاہیۓ

خون کی شریانوں کا کمزور ہو جانا

موزے
Image Credit:Bright Side

اگر پیروں میں موجود شریانیں کسی بھی وجہ سے کمزور ہو جائيں تو وہ خون کو واپس دل کی جانب بھیجنےکے قابل نہیں رہتی ہیں ۔خون دل کی جانب جانے کے بجاۓ واپس پیروں میں آجاتا ہے اور پیروں میں انتہائی تکلیف دہ سوجن کا باعث بنتی ہیں اس حالت میں خون کی شریانیں بھی سوجن کا شکار ہو سکتی ہیں ۔

اس حالت میں جب موزے اتارے جاتے ہیں تو پیروں کی سوجن کے باعث اور دوران خون کے سست روی کے باعث نشان پڑ جاتے ہیں

پانی کی کمی

موزے
ImageCredit: Bright Side

ایک صحت مند انسان کو دن بھر میں کم ازکم 8 سے نو گلاس پانی لازمی پینا چاہیۓ۔ یہ مقدار گرمی کے موسم میں زیادہ بھی ہو سکتی ہے ۔ لیکن اگر کسی وجہ سے انسان مقررہ مقدار میں پانی نہ پی سکے تو اس وجہ سے اس کے جسم میں پانی کی کمی ہو سکتی ہے

یہ پانی کی کمی جہاں گردوں کے افعال اور جسم میں دوسری خرابیوں کا باعث بنتی ہے وہیں پانی کی کمی کی وجہ سے خون کی باریک شریانیں ٹوٹ پھوٹ کا شکار ہو جاتی ہیں اور ان میں سے خون نکل کر جسم کے اندر ہی جم جاتا ہے

ایسے افراد جب موزے اتارتے ہیں تو ان کے پیروں پر نیل کے نشان نظر آتے ہیں اور ایسا محسوس ہوتا ہے کہ ان کو اندرونی چوٹ لگ گئی ہے ۔ اس صورت میں پانی کا استعمال بڑھا دینا چاہیے اور اگر اس کے بعد بھی یہ حالت برقرار رہے تو ڈاکٹر سے رجوع کرنا چاہیے

مختلف ادویات کا اثر

موزے
Image Credit:Bright Side

اگر آپ باقاعدگی سے بلڈ پریشر کی دوا یا اینٹی ڈپریسنٹ ادویات لے رہے ہیں تو اسکے سائڈ افیکٹ کے طور پر پیروں پر اکثر لوگوں میں سوجن آجاتی ہے

اس کے علاوہ وہ خواتین جو مانع حمل ادویات استعمال کرتی ہیں ان کے اندر ایسٹروجن نامی ہارمون کی شرح میں اضافہ ہو جاتا ہے ۔ ہارمون کی شرح میں اس تبدیلی کے سبب پیروں اور پنڈلیوں میں سوجن ہو سکتی ہے جو کہ مزے اتارنے کی صورت میں نشان بنانے کا سبب بن سکتے ہیں

……………..اگر آپ کے پیروں پر موزے اتارنے پر ہر روز نشان بن رہے ہیں تو

اگر ہر روز پیروں کی سوجن آپ کو پریشان کر رہی ہے تو اس حوالے سے کچھ اقدامات اّ پ کو اس اس پریشانی اور الجھن سے مجفوظ رکھ سکتے ہیں

اپنی غذا میں سے نمک کا استعمال کم کر دیں

اگر آپ موٹاپے کا شکار ہیں تو اپنا وزن کم کرنے کی کوشش کریں

موزے خریدتے ہوۓ ایسے موزوں کا انتخاب کریں جو نرم ہوں اور پیروں میں بہت ٹائٹ نہ ہوں

زیادہ دیر تک پیر لٹکا کر بیٹھنے یا کھڑے رہنے سے پرہیز کریں

ان تمام تدابیر کے باوجود بھی موزے اتارنے پر نشان بنتے رہیں تو اس صورت میں یہ بہتر ہے کہ کسی ماہر ڈاکٹر سے مشورہ کر لیا جاۓ تاکہ کسی بھی بیماری کے بڑھنے سے قبل اس کی تشخیص ہو سکے ۔

ماہرڈاکٹروں سے آن لائن مشورے کے لیۓ مرہم ڈاٹ پی کے کی ویب سائٹ وزٹ کریں یا 03111222398 پر رابطہ کریں

The following two tabs change content below.
Ambreen Sethi

Ambreen Sethi

Ambreen Sethi is a passionate writer with around four years of experience as a medical researcher. She is a mother of three and loves to read books in her spare time.