آملہ کا مربہ حمل میں فائدہ مند ہوتا ہے۔ پریگنینسی میں ہمیں بہت سی ایسی غذاؤں کا استعمال کرنا چاہیئے۔ جو ماں اور بچے دونوں کے لئے مفید ہوں۔ حمل کی صورت میں پھلوں اور سبزیوں کا استعمال بہت اچھا ہوتا ہے۔ سبزیاں اور پھل وٹامنز اور منرلز سے بھرپور ہوتے ہیں جو ہماری مجموعی صحت کے لئے بہت مفید ہوتے ہیں۔
اگر آپ حاملہ ہیں تو آپ کو بہت سی چیزوں سے پرہیز کرنا چاہیئے، جیسے فاسٹ فوڈ اور کولڈ ڈرنک سے پرہیز کرنا چاہیئے ان کی وجہ سے ہم نہ صرف ڈی ہائیڈریشن کا شکار ہوتے ہیں بلکہ ہمیں صحت کے اور بھی بہت سے مسائل کا سامنا ہوتا ہے۔ حمل میں مربوں کا استعمال بھی فائدہ مند ہوتا ہے۔ آملہ کا مربہ ہمیں پریگنینسی میں کس طرح مدد کرتا ہے ہم وہ جانتے ہیں؛
آملہ کے مربہ کے فائدے
آملہ کے معجزات آپ کو صحت مند زندگی فراہم کرسکتے ہیں۔ خاص طور پر جب آپ اس کو مربے کی شکل میں کھاتے ہیں تو اس کی خصوصیات کی بنا پر آپ اس سے زیادہ فوائد حاصل کرسکتے ہیں۔ آملہ کا مربہ ذائقے میں میٹھا ہوتا ہے۔ آملہ کا استعمال اچار میں بھی کیا جاتا ہے۔
آملہ گھٹیا کے درد کے لیے
بڑھاپا جوڑوں ک درد کا باعث بنتا ہے۔ جیسے جیسے عمر گزرتی ہے انسان پر بہت سی بیماریاں حملہ کرتی ہیں جس میں جوڑوں کا درد بھی شامل ہے۔ اس درد س نمٹنے کے لئے وٹامن سی کی ضرورت ہوتی ہے۔ تحقیق سے یہ بات سامنے آئی ہے کہ آملہ وٹامن سی سے بھرپور ہوتا ہے۔
وٹامن سی گھٹیا کے درد کو ختم کرنے کے ساتھ ساتھ یہ ہاضمے کو اچھا کرتا ہے۔ آپ آملے کے مربے کو دن میں دو بارا ستعمال کرسکتے ہیں۔ آپ اس کا استعمال کرنے سے جوڑوں کے درد سے نجات حاصل کرسکتے ہیں۔
آملہ قبض کو دور کرے
جو لوگ قبض کے ساتھ زندگی گزار رہے ہیں۔ وہ آملہ کے مربہ کے ساتھ فائدہ اٹھا سکتے ہیں۔ آپ قبض سے چھٹکارا حاصل کرسکتے ہیں۔ ہم اس کی مدد سے آنتوں کی صحت کو اچھا کرسکتے ہیں۔ آپ آملہ کا استعمال نیم گرم پانی کے ساتھ کرسکتے ہیں۔ یہ قبض کو دور کرنے کے لئے بھی استعمال کیا جاسکتا ہے۔
آملہ حمل میں بہترین
جب خواتین حاملہ ہوتی ہیں تو زیادہ تر قبض کا شکار رہتی ہیں۔ حمل کے دوران اس کا استعمال ماں اور بچے کے لئے مفید ہوتا ہے۔ اس دوران ماں کا جسم مختلف تبدیلیوں سے گزرتا ہے۔ اس کے نتیجے میں خواتین کے بال بھی گر سکتے ہیں۔ آملہ کے مربہ کا استعمال بالوں کو گرنے سے بھی بچا سکتا ہے۔
آملہ منہ کے چھالوں کے لئے
محقیقن بتاتے ہیں کہ آملہ کے مربہ میں السر کی خصوصیات موجود ہوتی ہیں۔ یہ منہ کے چھالوں کو روک سکتی ہیں۔ آپ کو منہ کے چھالوں میں کھانے میں مشکل محسوس ہوسکتی ہے۔ آپ اس کا جوس بھی بنا سکتے ہیں۔ اس کے علاوہ ریسرچ سامنے آئی ہے کہ آملہ کے مربے کے پانی سے منہ کے چھالوں کو دور کرسکتے ہیں۔
آملہ دل کی صحت کے لیے
ہر سال دل کی خرابی کی وجہ سے بہت سے لوگ اس دنیا سے جاتے ہیں۔ آپ کے خون کی گردش آپ کی مجموعی صحت کو متاثر کرتی ہے۔ جب آپ مربہ کا استعمال کرتے ہیں تو آپ اپنے دل کی صحت کے ساتھ مجموعی صحت کو بھی بہتر بناسکتے ہیں۔ یہ کارڈیک صحت کے لئے بھی جانا جاتا ہے۔
آملہ بڑھاپے کے اثرات کو کم کرتا ہے
بہت سے لوگوں کے چہروں پر بڑھاپے کے ساتھ جھریاں رونما ہونا شروع ہوجاتی ہیں۔اس میں بڑھاپے کے اثرات کو روکنے والی خصوصیات پائی جاتی ہیں۔ آملہ کا مربہ وٹامن ای اور سی سے بھرپور ہوتا ہے۔ آپ کی جلد کو وٹامن اے کی بھی ضرورت ہوتی ہے جو کولجین کی مقدار کو برقرار رکھتی ہے۔ ماہرین کا کہنا ہے کہ وٹامن اے آپ کی جلد کو لچکدار اور جوان رکھنے میں مدد کرتا ہے۔
آملہ بالوں کے لئے
کیلشیم ہماری مجموعی صحت کے لئے مفید ہے۔ ماہرین کا کہنا ہے کہ آملہ کا استعمال کیلشیم کے جذب کرنے کے عمل کو بڑھاتا ہے۔ یہ ہمارے بالوں ،ناخنوں، ہڈیوں اور دانتوں کے صحت کے لئے بھی بہت اچھا ہے۔ اگر آپ آملہ کے مربہ کا استعمال کرتے ہیں تو یہ آپ کے بالوں کی صحت کو بڑھانے میں بہت مددگار ہوتا ہے۔
آملہ سے نظام ہضم کو بہتر بنائے
پیٹ کی خرابی صحت کے مختلف مسائل کا باعث بنتی ہے۔ یہ آپ کی بھوک کو بھی متاثر کرتی ہے۔ خوش قسمتی سے آپ آملہ کے مربہ کا استعمال کرکے ان مسائل سے بچ سکتے ہیں۔ روزانہ اس کا استعمال کرنے سے فائبر کی سطح برقرار رہتی ہے۔ اس کا استعمال معدے کے مسائل کے لئے بہت مفید ہوتا ہے۔
آملہ ماہواری کے درد میں
بہت سی خواتین ایسی ہیں جن کو ماہواری میں درد کا سامنا کرنا پڑتا ہے۔ اس کے استعمال کی وجہ سے آپ سوزش کو بھی کم کرسکتے ہیں۔ اس کے علاوہ مزید مسائل کی صورت میں آپ گائنا کالوجسٹ سے ضرور مشورہ کریں۔
مرہم کی ایپ ڈاؤن لوڈ کرنے کے لئے یہاں پہ کلک کریں
Android | IOS |
---|---|