کووڈ سے متاثرہ ماں کا دودھ بچے کے لئے محفوظ

ماں کا دودھ بچوں کے لئےغذائیت کا بہترین ذریعہ ہے اور انہیں بیماریوں سے بچاتا ہے اس میں رکاوٹ دودھ کی سپلائی میں کمی ، دودھ لینے سے بچے کے انکار اور ماں کے دودھ میں موجود  حفاظتی مدافعتی عوامل میں کمی کا باعث بن سکتی ہے۔لیکن آج کل مائیں تذبذب کا شکار ہیں کہ کیا  کرونا وائرس ماں سے بچے میں دودھ کے ذریعے منتقل ہوتا ہے؟

کیا کووڈ سے متاثر ماں کا دودھ محفوظ ہے؟

امریکا میں ہونے والی ایک طبی تحقیق کے مطاقو حمل کے دوران کووڈ کا سامنا کرنے والی ماؤں کے دودھ  سے نومولود بچوں میں  بیماریوں سے تحفظ فراہم کرنے والی اینٹی باڈیز منتقل ہوتی ہیں ایڈاہو یونیورسٹی  میں کی جانے والی تحقیق میں یہ بات دریافت کی گئی کہ کووڈ سے متاثرہ مدر ملک بچے میں کورونا وائرس کو ناکارہ بنانے والی اینٹی باڈیز منتقل کرتا ہے

اس نئی تحقیق سے سابقہ نتائج کو بھی تقویت ملی جن میں یہ بتایا گیا تھا کہ کورونا وائرس سے متاثر خواتین سے بیماری کو تحفظ فراہم کرنے والی اینٹی باڈیز بچوں میں منتقل ہوتی ہیں

اس تحقیق میں 60 سے زیادہ خوتین کو شامل کیا گیا  تھا جن میں کووڈ 19 کی تشخیص کو کم از کم دو ماہ گزر چکے تھے ان کے خون کے نمونے لئے گئے جن کی جانچ کرنے پر یہ پایا گیا کہ دو ماہ گزرنے کے باوجود بھی بیشتر خواتی کے خون میں اینٹی باڈیز میں اضافہ دیکھا گیایہ وہ اینٹی باڈیز تھیں جو کورونا وائرس کے اسپائیک پروٹین کے لئے مخصوص ہوتی ہیں

نتائج سے معلوم ہوا کہ 2 ماہ بعد بھی دو تہائی خواتین کے دودھ میں اینٹی باڈیز بن رہی تھیں اور یہ عمل کووڈ کی تشخیص کے ایک ہفتے بعد ہی شروع ہو گیا تھا

؎

محققین کا  مشورہ

محققین کے مطابق کہ کووڈ سے متاثر ہونے کے دو ماہ بعد بھی بیشتر خواتین میں اینٹی باڈیز کی تعداد میں اضافہ ہوتا ہےتو ہمارا مشورہ ہے کہ  اس بیماری کا شکار ہونے کے باوجودمدر فیڈنگ  نہ چھوڑیں۔ محققین نے بتایا کہ ماں کے دودھ میں موجود اینٹی باڈیز سے بچوں کو بیماری کے خلاف دیرپا مدافعت ملنے کا امکان ہےیعنی  بیماری کی وجہ سے ماں میں بننے والی اینٹی باڈیز مدر ملک کے ذریعے بچے میں منتقل ہو کر اسے بیماریوں سے تحفظ فراہم کرتی ہے۔

کووڈ سے متاثر ماؤں کو ہدایات

جب کورونا وائرس کی ابتداء ہوئی تھی تو بہت سی افواہیں عام ہو گئی تھیں کہ کورونا سے متاثر ماں فیڈ کے ذریعے یہ وائرس بچے میں منتقل کر سکتی ہے لہذا  کورونا سے متاثر ماں کا دودھ بچے کے لئے محفوظ نہیں لیکن موجودہ تحقیقات نے اس بات کو غلظ ثابت کر دیا ہے اگر اپ کورونا وائرس سے متاثر ہیں اور اپنے بچے کو دودھ پلاتی ہیں تو چند حفاظتی اقدامات کو اپنا کر آپ  اس عمل کو جاری رکھ سکتی ہیں کیونکہ آپ کا دودھ آپ کے بچے کے لئے محفوظ ہونے کے ساتھ ساتھ  بیماری کے خلاف تحفظ فراہم کرتا ہے۔

 کورونا وائرس کے کسی بھی ویرینٹ سے متعلق معلومات حاصل کریں اب مرہم کی ویب سائٹ مرہم ڈاٹ کام پر وزٹ کر کے یا آپ بھی دودھ پلانے والی ماں ہیں اور کورونا سے متاثر ہیں تو اس سلسلے میں ڈاکٹر سے مشورہ لینے کے لئے آپ اس نمبر پر کال کر سکتی ہیں 03111222398

   حفظان صحت کا خیال رکھتے ہوئے دودھ پلانا جاری رکھیں

 ابھی تک ماں کے دودھ میں وائرس نہیں   پایاگیا ہے اور تمام ماؤں کو مشورہ دیا جاتا ہے کہ وہ  حفاظتی اقدامات پر عمل درآمد کر کے بچوں کو دودھ پلانا جاری رکھ سکتی ہیں

 ماسک کا استعمال کریں

بچے کو چھونے سے پہلے اور بعد میں ہاتھ صابن سے دھوئیں

پلانے سے پہلے سطحوں کو باقاعدگی سے صاف کریں

بچے کے لئے سب سے بڑا  خطرہ ماں یا خاندان کے دوسرے  متاثرہ فرد کے رابطہ میں آنے سے وائرس حاصل کرنا ہے اگر آپ یا اپ کے گھر میں کائی بھی کووڈ وائرس سے متاثر ہے تو بچے کی صحت کے لئے بہت زیادہ خیال رکھے

اگر ماں بخار ، کھانسی یا سانس لینے میں دشواری کی علامات کے ساتھ بیمار ہو جاتی ہے تو اسےجلد طبی دیکھ بھال حا صل کرنی چاہیئے اور اپنے ڈاکٹر کی ہدایات پر عمل کرنا چاہئےاور اگر ان کی طبیعت زیادہ زیادہ خراب ہو تو بچے کے قریب جانے سے پہلے خود کو سینیٹائز کرلیں اور ماسک کا استعمال کریں۔

زیادہ بیمار ہونے کی صورت میں

اگر آپ کی طبیعت زیادہ خراب ہواور آپ کے لئے اپنے بچے کو دودھ پلانا ممکن نہ ہو تو اس سلسلے میں آپ اپنے گھر کے کسی فرد کی مدد حاصل کر سکتی ہیں آپ حفاظتی اقدامات کو اپناتے ہوئے  ایک کپ میں اپنا دودھ نکال کر دیں اور آپ کے گھر کا ذمہ دار فرد چمچ کے ذریعے وہ آپ کے بچے کو پلانے میں مدد کر سکتا ہے بچے کو صحتمند اور محفوظ رکھنے کے لئے اس اقدام کو اپنانا اہم ہو گا