Table of Content
دلہن بننے کی تیاریوں کا آغاز ہمارے معاشرے میں ہفتوں پہلے کے بجاۓ مہینوں پہلے سے شروع ہو جاتا ہے ۔ ماضی میں شادی سے پندرہ بیس دن قبل سے ہی قریبی عزیز اور دلہن کی سہیلیاں ہر رات جمع ہونا شروع ہو جاتی ہیں ایک جانب تو ڈھولک کی تھاپ پر گانا بجانا ہوتا ہے
اس کے ساتھ ساتھ ابٹن مایوں کی رسموں کے نام پر مختلف طریقوں سے دلہن کی جلد کو چمکانے کے لیۓ اور اس کی چمک دمک بحال کرنے کے لیۓ مختلف دیسی ٹوٹکے آزماۓ جاتے ہیں
دلہن بننے سے قبل جلد پر آزماۓ جانے والے ٹوٹکے
جلد پر چمک دمک لانے کے لیۓ بیوٹی پارلر جاکر فیشل کروانا تو ایک عام حل ہے مگر جو خوبصورتی گھر کے ٹوٹکوں میں ہے وہ کسی اور میں کہاں ہوتی ہے اس وجہ سے آج ہم آپ کو وہ ٹوٹکے بتائيں گے جن کو آرام سے نہ صرف گھر پر تیار کیا جا سکتا ہے بلکہ اس سے دلہن کی خوبصورتی اور روپ میں قدرتی طور پر اضافہ کیا جا سکتا ہے
صندل اور شہد کا ماسک
صندل کی لکڑی کو اینٹی بیکٹیریل مانا جاتا ہے یہ جلد کی ایکنی اور بیکٹیریا کے سبب پیدا ہونےوالے مسائل کو حل کرنے میں بہت مفید ثابت ہو سکتی ہے. صندل کی لکڑی کے ساتھ اس میں اگر شہد کو بھی شامل کر لیا جاۓ تو اس سے ایک جانب جلد کی قدرتی نرمی بحال ہو جاتی ہے. بلکہ اس کے ساتھ ساتھ اس پرموجود داغ دھبے بھی دور ہوتے ہیں
تیاری کا طریقہ
اس ماسک کی تیاری کے لیۓ ایک چاۓ کا چمچ صندل کی لکڑی پاوڈر کی صورت میں اور ایک چمچ شہد درکار ہے ان دونوں کو ملا کر پیسٹ بنا لیں . اس کو چہرے پر اچھی طرح پھیلا کر لگا لیں اس کے بعد اس کو پندرہ سے بیس منٹ تک چھوڑ دیں
اس کے بعد سادے پانی سے اس کو دھو لیں اور جلد کو خشک کرنے کے بعد جیل والا موسچرائزر جلد پر لگا لیں. تاکہ چہرے کو ملنے والی چمک دمک محفوظ رہ سکے ۔ اس ماسک کو عام حالات میں بھی لگایا جا سکتا ہے .مگر شادی سے تین ماہ قبل دلہن اس کو باقاعدگی سے ہر دوسرے دن سونے سے قبل لگا سکتی ہے
ٹماٹر سے رنگ گورا کریں
Image Credit:Legit.ng
ٹماٹر کا شمار عام طور پر ایک قدرتی بلیچ کے طور پر ہوتا ہے جو کہ رنگ کو صاف بناتا ہے ۔ جلد پر موجود داغ دھبے دور کر کے دلہن کی جلد کی چمک دمک بحال کرتا ہے ۔ دلہن کی جلد کے کھلے مساموں کو بند کر کے مردہ خلیات کو صاف کر کے نۓ خلیات کے بننے کا راستہ ہموار کرتا ہے
ٹماٹر کا ماسک لگانے کا طریقہ
تازہ اور سرخ ٹماٹر کو لے کر اس کو بلینڈ کر لیں ۔ اس کے بعد اس ٹماٹر کا ایک یا دو چاۓ کا چمچ پیسٹ لے لیں اور اس میں دو چمچ لیموں کے شامل کر لیں اور کسی برش کی مدد سے اس پیسٹ کو چہرے پر لگا لیں اور 20 سے 25 منٹ تک لگا رہنے دیں ۔
خشک ہونے کے بعد سادہ پانی سے صاف کر لیں اور اس کے بعد جلد پر ٹونر کے طور پر تازہ پانی کا اسپرے کر دیں ۔ یہ ماسک ہفتے میں ایک بار ضرور کیا جا سکتا ہے اس سے دلہن کا رنگ سفید اور داغ دھبے صاف ہو جاتے ہیں
ملتانی مٹی اور ہلدی کا ماسک
ملتانی مٹی کا ماسک عام دنوں میں بھی جلد کے لیۓ بہت مفید ہوتا ہے اور دلہن کے رنگ و روپ کو نکھارنے میں ملتانی مٹی بہت اہم کردار ادا کر سکتی ہے اس کی سب سےخاص بات یہ ہے کہ یہ جلد کی صفائی کر کے اس پر موجود زہریلے مادوں کو صاف کرتی ہے ۔
ملتانی مٹی کے ساتھ ساتھ ہلدی جراثیم کش خصوصیات کی حاملہمارے باورچی خانےمیں موجود ایک مصالحہ ہے ۔جو کہ جلد کے لیۓ بہت فائدہ مند ہوتا ہے اور اس سے جلد پر موجود مختلف کیلوں مہاسوں کا باعث بننے والے زہریلے مادوں کی بھی صفائی ہوتی ہے
ماسک کی تیاری کا طریقہ
ملتانی مٹی اور ہلدی کا ماسک بنانے کےلیۓ ایک ایک چمچ ملتانی مٹی اور ہلدی کو خشک حالت میں ایک دوسرے میں اچھی طرح ملا لیں اس کے بعد اس میں ایک چمچ لیموں کا رس ملا لیں اگر اچھی طرح سے پیسٹ نہ بنے تو اس کے لیۓ اس میں عرق گلاب بھی شامل کیا جا سکتا ہے
اس کے بعد اس پیسٹ کو دلہن کے چہرے اور گردن پر لگا دیں اور اس کو خشک ہونےکے لیے چھوڑ دیں اس کے بعد اس کو سادہ پانی سے دھو کر صاف کر لیں اور کوئی بھی ایسا موسچرائزر جس میں دودھ شامل ہو اس کو چہرے پر لگائیں
یہ ماسک ہفتے میں ایک بار لگانا دلہن کی جلد کے لیۓ بہتر ہو سکتا ہے
دلہن کی جلد کو چمکدار بنانے کے لیۓ طرز زندگی میں تبدیلی
اپنے طرز زندگی میں کچھ تبدیلیاں لا کر شادی کے دن میں خوبصورت ترین نظر آنا ہر دلہن کی خواہش ہوتی ہے ۔ جس کو کچھ چھوٹے چھوٹےاقدام کر کے ممکن بنایا جا سکتا ہے
پانی زیادہ سے زیادہ پیئيں
اپنی جلد کی کلینزنگ کا خاص خیال رکھیں
چاۓ کافی کے زیادہ استعمال سے پرہیز کریں
نیند اور اس کے اوقات کا خاص خیال رکھیں
متوازن غذا کا استعمال کریں
یاد رکھیں !شادی انسان کی زندگی کا یاد گار ترین موقع ہے اس کے لیۓ اپنی جلد کا خاص خیال رکھیں اور اگر آپ کو کسی بھی قسم کے جلد کے مسائل درپیش ہیں تو اس کے لیۓماہر ڈاکٹروں سے مشورے کے لیۓ مرہم ڈاٹ پی کے کی ویب سائٹ وزٹ کریں یا پھر 03111222398 پر رابطہ کریں
Ambreen Sethi
Latest posts by Ambreen Sethi (see all)
- شادی کے لیۓ بہترین عمر اٹھارہ سال کے بجاۓ کتنی ہونی چاہیۓ ماہرین نے جدید تحقیق کی روشنی میں انکشاف کر دیا - July 23, 2021
- منٹوں میں ہو جائیں گوری گوری ،رنگ صاف کرنے کے 8 طریقے جو صرف چند منٹ میں کمال دکھائیں - July 16, 2021
- وزن گھٹاۓ خوبصورت بناۓ ، سونف کا پانی پینے کے 7 جادوئی فائدے جن کو جان کر سب پینے پر مجبور ہو جائيں - July 16, 2021
