خشک جلد کے حامل افراد موسم کی تبدیلی کے سبب بری طرح متاثر ہوتے ہیں ۔ موسم گرم ہو یا سرد جب بھی تبدیل ہونے لگتا ہے ایسے افراد خشک جلد کی وجہ سے خارش اور کھردرے پن کا شکار ہوجاتے ہیں. بعض افراد میں یہ صورتحال اتنی شدید ہوتی ہے کہ کھجلی کرنے والے حصوں سے خون بھی نکلنا شروع ہو جاتا ہے۔
خشکی کی وجہ سے جلد پہ ہونے والے مسائل
جیسے جیسے سردیوں کا آغاز ہوتا ہے یا پھر جاڑے کا موسم آتا ہے تو ہوا میں نمی کم ہوجاتی ہے۔ ہوا خشک ہوجاتی ہے جس وجہ سے خشکی کا تناسب بڑھ جاتا ہے۔ خشکی کی وجہ سے ہماری جلد کو بہت سے مسائل کا سامنا کرنا پڑتا ہے۔ سے پہلا مسئلہ یہ ہوتا ہے کہ ہماری جلد بےرونق، خشک اور کھردری ہوجاتی ہے۔ ہمارے چہرے کی خوبصورتی بھی کم پڑنے لگتی ہے۔ جلد اور ہمارے بال خراب ہونا شروع ہوجاتے ہیں۔ عام طور پریہ مسئلہ زیادہ تر سردیوں میں ہوتا ہے۔
سردیوں کے موسم میں بہت سے لوگوں کو خشکی کے مسائل سے دوچار ہونا پڑتا ہے۔بعض اوقات یہ مسائل فنگل انفیکشن میں تبدیل ہوجاتے ہیں۔ جس کے لئے ڈاکٹر سے معائنہ بہت ضروری ہے۔ تاکہ ایک مستند ڈاکٹر سے علاج کروا سکیں اس کے لئے ہم گھر بیٹھےمرہم۔پی۔کے کی ویب سائٹ سے جلد کے ڈاکٹر کی اپائنمنٹ لے سکتے ہیں ۔اس کے علاوہ وڈیو کال 03111222398 پر آن لائن کنسلٹیشن بھی لے سکتے ہیں۔
خشک جلد کو نم رکھنے کے ٹوٹکے
ہم اپنی جلد اور بالوں سے خشکی ختم کرنے کے لئے بہت کچھ کرتے ہیں ۔کیونکہ خشکی ایک دائمی حالت ہوتی ہے۔شدید صورت میں خشکی بیماری کی صورت اختیار کرلیتی ہے ۔لہذا ہمیں بہت سے مسائل کا سامنا کرنا پڑتا ہے۔ لیکن ہم بہت ایسے طریقوں ہیں جن کا استعمال کرکے خشکی پر قابو پاسکتے ہیں تاکہ ہم خشکی کی شدید صورت سے چھٹکارا حاصل کر سکیں۔ کچھ لوگوں کی جلد قدرتی طور پر ہی خشک ہوتی ہے۔ لوگوں پر موسم کا اثر ہوتا ہے۔ ہم خشکی کےاثرات پر قابو پاسکتے ہیں۔ اس کے لئے ہمیں حفاظت اور توجہ کی ضرورت ہوگی۔ ہم کیسے خشکی کے مسائل پر قابو پاسکتے ہیں ہم ان کے بارے میں جانیں گے۔
شہد کا استعمال
شہد کھانے کے علاوہ جلد کی نمی کے لئے بھی استعمال کیا جاتا ہے۔ یہ ایک بہترین موئسچرائزر کے طورپر جانا جاتا ہے۔ قدرت نے شہد میں بہت خوبیاں رکھی ہیں۔ ہنی یا شہد کو بہت سی بیوٹی کریم میں بھی استعمال کیا جاتا ہے۔
ماسک بنانے کا طریقہ
جلد کی خشکی کو دور کرنے کے لئے آپ شہد اور دودھ دو،دو کھانے کے چمچ ملا کر اچھی طرح پیسٹ بنالیں ۔ اپنی جلد پر دس سے پندرہ منٹ تک لگارہنے دیں۔ کچھ دن تک یہ عمل چار رکھیں اس سے جلد کی خشکی ختم ہوگی اور آپ کو نرم و ملائم جلد حاصل ہوگی۔
گلیسرین کا استعمال
گلیسرین ہماری جلد کی خشکی کو ختم کرنے میں بہت اہم کردار ادا کرتی ہے اسی لیے گلیسرین کو بہت سی کریمز اور لوشنز میں استعمال کیا جاتا ہے۔اس کو عرقِ گلاب میں ملا کر رات کو سونے سے پہلے آپ اپنی جلد پر لگا لیں اور اگلی صبح پانی سے دھولیں یہ خشکی دور کرنے کا بہت اچھا نسخہ ہے۔
ایلوویرا کا استعمال
ایلوویرا جیل بھی تمام کریمز اور لوشنز میں استعمال کی جاتی ہے۔ جو جلد کی نمی کے لئے بہت اہم ہوتی ہے۔ ایلوویرا جیل کو اپنی جلد پر لگائیں تین سے چار دن یہ عمل کریں آپ کے چہرے سے خشکی کا خاتمہ ہوگا۔
پانی کا استعمال
سردیوں میں ایسا ہوتا ہے کہ پانی کا استعمال کم ہوجاتا ہے اور خشک میوہ جات کا استعمال بڑھ جاتا ہے ۔جن کی وجہ سے جلد کو خشکی کا سامنا کرنا پڑتا ہے۔ جلد کی نمی کو برقرار رکھنے کے لئے پانی کا استعمال کریں ۔تاکہ خشکی کے مسئلے سے نجات پائی جاسکے۔
مچھلی کا استعمال
مچھلی میں بہت سے ایسے اجزاء پائے جاتے ہیں۔ جو ہماری جسمانی صحت اور جلد کے لئے بہت مفید ہوتے ہیں۔ مچھلی میں اومیگا تھری فیٹی ایسڈ پائے جاتے ہیں۔ اس میں موجود آئرن بھی بہت مفید ہوتے ہیں۔ وٹامنز ہمارے جسم کو توانائی بھی فراہم کرتے ہیں۔
پھلوں اور سبزیوں کا استعمال
پھل اور سبزیاں ہماری دماغی اور جسمانی صحت کی بحالی میں بہت اہم کردار ادا کرتی ہیں۔ ان میں وہ ضروری اجزاء اور منرلز پائے جاتے ہیں ۔جو ہمارے جسم کے لئے مفید ہوتے ہیں۔وٹامن ای سے بھرپور غذاؤں کا استعمال کرنا چاہیے۔ کینو اور گاجر کے جوس کا استعمال کرنا چاہیے۔ ہم اپنی جسمانی صحت کو قدرتی طریقوں سے بحال کرسکتے ہیں اور ان کا استعمال ہمیں لازمی کرنا چاہیے۔