کھانسی کے نام سےآج کل ہرکوئی گبھرا جاتا ہے،کیونکہ یہ کروناوائرس کی علامتوں میں سے ایک علامت ہے۔یہ نہ صرف شدید صورت اختیار کرتی ہے بلکہ اس کی وجہ سےہماری روزمرہ کی زندگی بھی متاثر ہوتی ہے۔بات کرنے کے دوران اگرہم کھانسی کرتے ہیں تواگلے انسان پر ہمارا برا تاثر پڑتا ہے اس لئے ہمیں اس کا علاج فورا کرلینا چاہیے۔
کھانسی کی وجوہات۔
یہ کم عرصے تک بھی رہ سکتی ہے اور طویل بھی ہوسکتی ہے،طویل عرصے تک رہنے والی کھانسی کسی بیماری کی وجہ سے بھی ہوسکتی ہے۔یہ اینٹی وائرل انفیکشن ہے،جو بخار یا فلو کی وجہ سے بھی ہوسکتی ہے۔سردیوں کے موسم میں سردی سے نزلہ زکام کی وجہ سے کھانسی کا بھی سامنا کرنا پڑ سکتا ہے۔
ہم گھر پر کھانسی کا علاج کیسے کرسکتے ہیں اگرآپ جاننا چاہتے ہیں تو اس کے لئے آپ میرے ساتھ یہ بلاگ لازمی پڑھیں۔کھانسی کافی اقسام کی ہوتی ہے،یہ لمبے عرصے تک اگر رہتی ہے تو اس کے لئے ہمیں ڈاکٹر سے بات کرنی چاہیے تاکہ ہم وقت پر علاج کرسکیں۔ہم اس کے لئے گھر بیٹھے مرہم پہ مستند ڈاکٹر سے رابطہ کریں یا اس نمبر پر 03111222398 آن لائن کنسلٹیشن بھی لے سکتے ہیں۔
کھانسی کا گھر پر علاج۔
ہم کھانسی کا گھر پر بھی علاج کرسکتے ہیں،اس کے طریقے مندرجہ ذیل ہیں؛
ہلدی والا دودھ۔
ہمیں کھانسی سے نمٹنے کے لئے ہلدی والے دودھ کا استعمال کرنا چاہیے۔ہلدی کے اندر اینٹی وائرل ،اینٹی سوزش اوراینٹی بیکٹریل خصوصیات پائی جاتی ہیں۔یہ تمام خصوصات ہمارے جسم میں سے کوئی بھی انفیکشن ختم کرنے میں اہم کردار ادا کرتی ہیں۔اس کے علاوہ ہلدی والا دودھ آپ کے جسمانی درد کو بھی دور کرنے کے لئے اہم ہیں۔اس لئے آپ کو سونے سے پہلے اس کا استعمال لازمی کرناچاہیے۔
شہد۔
یہ بھی ہمارے گلے کو آرام دینے اور کھانسی کو ختم کرنے کے لئے مفید ہے۔ہم اس کو گرم پانی میں بھی شامل کرکے استعمال کرسکتے ہیں۔شہد میں اینٹی سوزش خصوصیات پائی جاتی ہیں جو گلے سے انفیکشن کو ختم کرتیں ہیں۔لیکن 1 سال سے کم بچے کو شہد دینے سے گریز کریں۔
مشروبات کا استعمال۔
کھانسی کی صورت میں ہمیں مشروبات کا زیادہ استعمال کرنا چاہیے تاکہ ہم اس انفیکشن سے جان چھڑا سکیں۔گرم پانی یاکوئی بھی سوپ ہمیں بہتر طریقے سے آرام دیتا ہے۔بہت سے لوگوں کو کھانسی کے بعد پانی کی کمی ہوجاتی ہے ۔اپنے مدافعتی نظام کو مضبوط بنانے کے لئے گرم مشروبات کا استعمال کریں۔
نمک اور پانی۔
یہ بھی ایک گھریلوٹوٹکہ ہے۔جیسے ہر گھر میں استعمال کیا جاتا ہے،نمک ہمارے منہ سے بیکٹریا اور جراثیم کو ختم کرتا ہے۔اور اس سے گلے کی سوزش کوآرام ملتا ہے۔ہمیں گرم پانی میں نمک شامل کرکے اس کے غرارے کرنے چاہیئے۔
کالی مرچ۔
یہ بھی کھانسی ختم کرنے کے لئے اچھا نسخہ ہے۔کالی مرچ کے ساتھ ہم شہد بھی استعمال کرسکتے ہیں،کیونکہ شہد میں بھی اینٹی سوزش خصوصیات پائی جاتی ہیں۔کالی مرچ اور شہد میں گرم کپ پانی کا شامل کریں اور اسے ٹھنڈا ہونے کے لئے رکھ دیں۔پھر اس کو پی لیں ایسا کرنے سے آپ کی کھانسی کو آرام ملے گا۔
لیموں۔
یہ وٹامن سی سے بھرپور ہوتا ہے جو صحت کے لئے بہت مفید پھل ہے۔یہ اینٹی آکسیڈنٹس سے بھرپور ہوتا ہے جو سانس کی نالیوں سے سوزش کو کم کرتا ہے۔اور سانس کو بہتر بناتا ہے۔اس لئے ہم لیموں کو شہد کے ساتھ ملا کر بھی استعمال کرسکتے ہیں۔
انناس۔
جیسے کینو کھانسی کے علاج کے لئے مفید ہے اس طرح انناس بھی اس کے علاج کے لئے بہترین ہے۔یہ بھی وٹامنز اور معدنیات سے بھرپور ہوتا ہے۔اس میں میگنیشیم،آئرن ،وٹامن سی اور بی موجود ہوتا ہے اس کے علاوہ یہ ریشہ دار پھل ہے۔اس میں اینٹی بیکٹریل اور اینٹی سوزش خصوصیات پائی جاتی ہیں۔جو انفیکشن سے لڑنے لے لئے مفید ہے۔
دیگر طریقے۔
یہ اینٹی وائرل انفیکشن ہے ،اس لئے اگر آپ بیمار ہیں تو کہیں بھی جانے سے گریز کریں۔
باربار اپنے ہاتھوں کو دھوئیں۔
اپنے چہرے کو ڈھانپ کر رکھیں۔
تمبا کو نوشی کو ترک کریں کیونکہ یہ پیھپھڑوں کی بیماری کا باعث بنتی ہے۔
اپنے جسم کو ہائیڈریٹ رکھنے کے لئے پانی کا استعمال زیادہ کریں۔
اپنے اردگر کی جگہ کو صاف رکھیں،جیسے اپنے کمپوٹر اور موبائل فون کو۔
خود کو خوش رکھیں،کیونکہ تناؤ کی وجہ سے انسان بیمار ہوتا ہے جس وجہ سے مدافعتی نظآم کمزور ہوتا ہے جو بیماریوں کا مقابلہ کرنے کے قابل نہیں رہتا۔
بھرپور نیند لیں،کیونکہ نیند کی کمی کی وجہ بھی تھکاوٹ ہوتی ہے اور بیماری حملہ کرتی ہے۔
ایسی سیپلیمٹس کا استعمال کریں جو آپ کو وٹامنز فراہم کریں۔
پھلوں اور سبزیوں کا استعمال آپ کے لئے بہت مفید ہے،کیونکہ یہ وٹامنز اور منزلز سے بھرپور ہوتے ہیں جو ہمارے مدافعتی نظام کو مضبوط بناتے ہیں تاکہ ہم بیماریوں کا مقابلہ کرسکیں اور اپنی صحت کو بحال رکھ سکیں۔
مرہم کی ایپ ڈاؤن لوڈ کرنے کے لیے یہاں پہ کلک کریں۔
Android | IOS |
---|---|