مسوڑھوں کی سوزش کہنے کو تو ایک عام سی بیماری ہے لیکن اس سے لاحق خطرات ہماری سوچ سے زیادہ خطرناک ہیں اور اگر صحیح وقت پر علاج نہ شروع کرایا تو یہ جان لیوا بھی ثابت ہوسکتی ہے۔ مسوڑھوں کی سوزش کا تعلق اگرچہ منہ سے ہوتا ہے اور منہ ہی درحقیقت وہ راستہ ہوتا ہے جہاں سے کھانا ، پانی یہاں تک کہ ہوا بھی جسم میں داخل ہوتی ہے اس وجہ سے اگر اس راستے میں کوئي خرابی ہو گی تو اس کا اثر پورے جسم پر پڑے گا
Table of Content
مسوڑھوں کی سوزش سے کیا مراد ہے؟
یہ ایک ایسا انفیکشن ہوتا ہے جو مسوڑھوں کی بنیاد کو کمزور کرتا ہے اور اس کی سب سے بڑی وجہ پلاک(دانتوں میں جم کر بیماری پھیلانے والا جرثوما) اور ٹارٹر (دانتوں میں جمی ہوئی پیلاہٹ) ہوتا ہے اور یہ بیماری نہ صرف ہمارے دانتوں بلکہ پورے جسم پر اثر انداذ ہوسکتی ہے-
مسوڑھوں کی سوزش کی وجوہات
دانتوں کی صفائی کی ناقص صورتحال
تمباکو نوشی
بڑھاپا
وٹامن سی کی کمی
بریسلز
کچھ دوائیاں جو کینسر اور ایچ آئی وی جیسے امراض کو ٹھیک کرنے میں استعمال ہوتی ہیں وغیرہ
دانتوں کی سوزش سے پیدا ہونے والے خطرات
جب ہمارے دانتوں پر پلاک جو کہ نظر نہ آنے والا چپکنے والی تہہ ہوتی ہے جو منہ میں موجود بیکٹیریا اور منہ میں رہ جانےوالے خوراک کے ذرات کے ساتھ مل کر بنتی ہے باقاعدگی کے ساتھ اسے صاف نہیں کیا جاتا تو وہ جم کر ٹارٹر میں تبدیل ہوجاتی ہے اور اسے صاف کرنا بےحد مشکل ہوجاتا ہےیہ مسوڑھوں کو نقصان پہنچاتی ہے اور پھر اس سے دانتوں کے ڈاکٹر کی مدد سے ہی چھٹکارا پایا جاسکتا ہے
جو اسے آلات کی مدد سے صاف کرتے ہیں،لیکن اگر پلاک اور ٹارٹر لمبے عرصے تک ہمارے دانتوں پر جمے رہیں تو ہمارے مسوڑھوں میں سوزش پیدا کردیتے ہیں اور ہمارےجسم کو مندرجہ ذیل 5 خطرات لاحق ہوسکتے ہیں
منہ کی بیماریاں
سب سے پہلے ہمارے دانت اور مسوڑھے متاثر ہونا شروع ہوتے ہیں،جس کی وجہ سے دانتوں میں فاصلہ آنا شروع ہوجاتا ہے اور مسوڑھوں کے کمزور ہونے کی وجہ سے دانت ہلنے لگتے ہیں اور کھانا چبانے میں بھی مشکل کا سامنا کرنا پرتا ہے اس کے علاوہ منہ سے دانت صاف کرتے ہوۓ خون کا آنا،منہ کا ذائقہ ہر وقت خراب رہنا اور منہ سے بدبو جیسے مسائل کا سامنا بھی کرنا پڑسکتا ہے
دل کی بیماریاں
مسوڑھوں کی سوزش کی وجہ سے ایسا بیکٹیریا پیدا ہوتا ہے جو دل کے والو اور دل کے اندرونی حصے کو نقصان پہنچاتا ہے کیونکہ یہ خون میں شامل ہوکر دل تک پہنچ جاتا ہے اور دل کے امراض اور خون کی نالیوں کو بند کرنے کا باعث بنتا ہے
دل کی بیماری سے بچنے کے لیۓ اپنے مسوڑھوں کا خیال رکھنا ضروری ہے اس کے لیۓ ماہر ڈاکٹر سے باقاعدگی سے معائنہ کروائیں اور مسوڑھوں کی سوزش سے بچنے کے لیۓ اور مشورے کےلیۓ مرہم ڈاٹ پی کے کی ویب سائٹ وزٹ کریں یا پھر 03111222398 پر براہ راست رابطہ کریں
کینسر کی وجہ
بظاہر معمولی سمجھی جانے والی عام سی سوزش کینسر جیسی مہلک بیماری کے منہ میں بھی پہنچاسکتی ہے مسوڑھوں کی سوزش کیوجہ سے پیدا ہونے والا بیکـٹیریا باآسانی خوراک کی نالی میں پہنچکر ایسا انفیکشن پھیلاتا ہے جو خوراک کی نالی میں کینسر کے جراثیم کو بنّے میں مدد کرتا ہے اور گلے اور معدے کے کینسر کا باعث بنتا ہے-1998 سے 2016 تک کی گي ایک تحقیق کے مطابق جو لوگ دانتوں کی سوزش کا شکار تھے ان میں سے 30 فیصد لوگ خوراک کی نالی کے کینسر کا شکار تھے اور 40 فیصد لوگ معدے کے کینسر کے شکار تھے-
سانس کی بیماریاں
مسوڑھوں کی سوزش کے سبب بننے والے یہ بیکٹیریا نہ صرف خوراک کی نالی سے معدے تک پہنچتا ہے بلکہ سانس کی نالی کے ذریعے پھیپھڑوں تک بھی پہنچ سکتا ہے اور پھیپھڑوں کو سخت نقصان پہنچا تا ہے اور کي سانس کی بیماریاں کا باعث بنتا ہے – جن میں سب سے عام نمونیا اور سانس کی نالی کی بیماری ہے
اسٹروک
اسٹروک یعنی اچانک دماغ کی کسی رگ کا پھٹ جانا آسان لفظوں میں اسے فالج بھی کہتے ہیں – یہ عام سی سوزش ایک چلتے پھرتے انسان کو اپاہج بھی بنا سکتی اور بعض دفعہ جان لیوا بھی ثابت ہوسکتی ہے جیسا کہ ہم سب جانتے ہی ہیں کہ فالج یا اسٹروک کی بنیادی وجہ کسی بھی قسم کا دباؤ ہوتا ہے جب انسان غصّے یا کسی قسم کی پریشانی میں مبتلا ہوتا ہے
تو اس کے جسم میں خون کا دباؤ معمول سے زیادہ ہوجاتا ہے اور اسٹروک کا خطرہ بھی بڑھ جاتا اسی طرح جب مسوڑھوں کی سوزش کی وجہ سے بنّے والا بیکٹیریا جب خون میں شامل ہوتا ہے تو اس کی وجہ سے رگوں میں بلاکیج ہونا شروع ہوجاتی اور زیادہ دباؤ پرنے کی وجہ سے کوئی نہ کوئی رگ پھٹ جاتی ہے اور فالج ہوجاتا ہے-
مسوڑھوں کی سوزش سے بچاؤ کے طریقے
ذرا سی لاپرواہی مہنگی بھی مسوڑھوں پڑسکتی کچھ آزمودہ طریقے درجہ ذیل ہیں جن کو اپنی روزمرہ کی زندگی میں شامل کرنے سے نہ صرف مسوڑھوں کی سوجن سے بچاجاسکتا ہے بلکہ اس سے جڑی تمام بیماریوں سے بھی حفاطت ممکن ہے-
دانتوں کی صفائی
مسوڑھوں کی سوزش کی بنیادی وجہ دانتوں کی صفایي کا خیال رکھنے میں لاپرواہی برتنا ہے کیونکہ اس لاپرواہی کی وجہ سے ہی دانتوں پر پلاک اور ٹارٹر جمتا ہے،اس کو جمنے سے روکنے کے ليے دانتوں کی صفایئ کا خیال رکھنا ضروری ہے، دن میں دو بار دانتوں کو نرم ریشوں والی برش سے صاف کریں تاکہ پلاک اور ٹارٹر کو جمنے کا موقعہ ہی نہ ملے
ماؤتھ واش کا استعمال
دن میں ایک مرتبہ کسی اچھے جراثیم کش ماؤتھ واش کا استعمال کرنے سے بھی سوزش پھیلانے والے بیکٹیریا کو ختم کیا جاسکتا ہے
متوازن غذا
ایک ایسی متوازن غذا جس میں وٹامن سی اور کیلشیم کی مناسب مقدار موجود ہو،کو استعمال کرنے سے مسوڑھوں کو مضبوط کیا جاسکتا ہے-
تمباکو نوشی سے پرہیز
تمباکونوشی مضرصحت ہے اس کا کثرت استعمال منہ اور مسوڑھوں میں سوزش پیدا کرتا ہے-
