چہرے کی جلد پر 25 سال کی عمر کے بعد ہونے والے اثرات اور بچنے کی تدابیر

Reading Time: 5 minutes

چہرے کی جلد ہماری عمر اور صحت کی عکاس ہوتی ہے ۔ اس کے اوپر وقت کے اثرات کے ساتھ ساتھ ساتھ موسم ، آلودگی اور ہماری بری عادات بھی اثر انداز ہوتی ہیں ۔ یہ تمام عوامل مل کر چہرے کی جلد پر ہر روز اثر ڈالتے ہیں ۔ جو کہ 25 سال کے بعد میٹا بولزم کے بعد سست ہونے کے بعد واضح طور پر نظر آنا شروع ہو جاتے ہیں ایسے ہی کچھ اثر ات کے بارے میں ہم آپ کو آج بتائيں گے ۔

چہرے کی جلد پر 25 سال کی عمر کےبعد نظر آنے والے اثرات

چہرے کی جلد
Image Credet: Dr Rashmi shetty

پچیس سال کی عمر کے بعد چہرے کی جلد پر نظر آنے والے اثرات ایسے ہوتے ہیں جن کو نہ صرف آپ خود محسوس کر سکتے ہیں بلکہ یہ اثرات دیکھنے والوں سے بھی چھپے نہیں رہتے ہیں

چہرے کی جلد کا کھردرا ہو جانا

چہرے کے اوپر مختلف تل یا نشانات کا بن جانا

جلد کا قدرتی لچک کو کھو دینا

جلد کا پتلا ہو جانا

چہرے کے اوپر آسانی سے نشانات کا بن جانا

چہرے کےاوپر جھریوں کا بننا شروع ہو جانا

چہرے کی جلد کے نیچے ہونے والے اثرات

چہرے کے اوپر ہونے والے اثرات صرف چہرے کی جلد میں ہونے والی تبدیلی کے سبب ہی نہیں ہوتی بلکہ اس کے لیۓ کچھ اور عناصر ہوتے ہیں جو کہ اس میں تبدیلی کا باعث ہوتے ہیں جو کہ کچھ اس طرح سے ہو سکتے ہیں

چہرے کی جلد کے نیچے موجود ہڈیوں پر جمع شدہ چکنائی کی تہہ وقت کے ساتھ ساتھ کم ہونا شروع ہو جاتی ہے جس کی وجہ سے گال ، تھوڑي ، پیشانی اور چہرے کے دوسرے حصوں کی جلد ڈھلکنا شروع ہو جاتی ہے

ناک کے اندر موجود مرکری ہڈی بھی اپنی بناوٹ تبدیل کرنے لگتی ہے جس سے ناک کی بناوٹ میں بھی تبدیلی واقع ہونے لگتی ہے

چہرے کی جلد پر پڑنے والے اثرات کی وجوہات

چہرے کی جلد
Image Credit: Acne. org

پچیس سال کی عمر کے بعد کولیگن کا بننا کم ہوتا جاتا ہے جو کہ جلد کی رونق برقرار رکھنے میں اہم کردار ادا کرتے ہیں ۔ وقت کے ساتھ ساتھ جیسے جیسے اس مادے کی کمی ہوتی جاتی ہے تو جلد پر پڑنے والے بیرونی اثرات جلد پر نظر آنا شروع ہو جاتے ہیں

جلد پر پڑنے والےاثرات روکنے کا طریقہ

وقت کے ساتھ جلد پر پڑنے والے اثرات کو ان اقدامات سے کم کیا جا سکتا ہے ۔ یہ تو ایک حقیقت ہے کہ وقت کو روکنا تو ممکن نہیں ہوتاہے مگر اس کے نقصانات کو کچھ طریقوں سے کم یا سست ضرور کیا جا سکتا ہے

جلد کو سورج کی شعاعوں سے بچائيں

جلد کی سب سے بڑی دشمن سورج سے نکلنے والی الٹرا وائلٹ شعاعیں ہوتی ہیں اس وجہ سے جلد کو اس سے بچانا بہت ضروری ہے ۔ سورج کی روشنی میں باہر نکلتے ہوۓ چہرے کو کسی کپڑے سے ڈھک لیں کہ جلد کے اوپر براہ راست یہ شعاعیں اثر انداز نہ ہو سکیں ۔ اس کے علاوہ اچھی کوالٹی کے سن اسکرین یا سن بلاک کا استعمال کرنا بھی مفید ثابت ہوتا ہے

صحت مند طرز زندگی کو اختیار کریں

چہرے کی جلد
Image Credit: North Central Sudjical center

تمباکو نوشی یا ديگر بری عادات بھی ہمارے چہرے کی جلد پر اپنے اثرات چھوڑ جاتی ہیں لہذا ایک عمر کو پہنچنے کے بعد اس بات کا فیصلہ کرنا ضروری ہے کہ اچھی صحت درکار ہے یا پھر اپنی غیر صحت مند سرگرمیوں کے ساتھ چلنا ہے

اس موقع پر چہرے کی جلد کی حفاظت کے لیۓ متوازن غذا کا استعمال بھی بہت ضروری ہے جس میں تازہ سبزیاں ، پھل کا لازمی استعمال ضروری ہے ۔ ایسی غذا جو کہ فائبر ، وٹامن اور منرل سے بھر پور ہو وہ جسم کی صحت کے ساتھ ساتھ چہرے کی جلد پر بھی مثبت اثرات مرتب کرتی ہے

چہرے کی جلد کی صفائی کا خاص خیال رکھیں

پچیس سال کی عمر کے بعد جسم میں ہونے والی تبدیلیوں کے سبب جلد کی خود سے ری کور کرنے کی صلاحیت سستی کا شکار ہو جاتی ہے اس وجہ سے جلد کو محفوظ رکھنے کے لیۓ اس کی صفائی کی ذمہ داری اب آپ کو خود سے نبھانی ہو گی ۔

جس کے لیۓ اس بات کا اہتمام ضروری ہے کہ دن میں کم از کم دو بار چہرے کو کسی اچھے فیس واش کی مدد سے دھویا جاۓ ۔ اس کے علاوہ پسینہ آنے کےبعد جلد کو لازمی طور پر دھونا ضروری ہوتا ہے ورنہ وہ جلد پر انفیکشن کا سبب بن سکتا ہے

چہرے کی جلد کی نمی کا خاص خیال رکھیں

چہرے کی جلد
Image Credit: Prevention.com

اس عمر کے بعد چہرے کو کسی بھی صابن سے دھونے میں احتیاط کرنی چاہیۓ کیوں کہ عام صابن جلد کی قدرتی نمی کو بھی دھو ڈالتا ہے جس سے چہرے کی جلد خشک ہو جاتی ہے اور جھریاں پڑنے کا عمل تیز ہو جاتا ہے

اس وجہ سے چہرے کی کلینزنگ کے ساتھ ساتھ اس کی نمی کو بر قراررکھنے کی کوشش کرنی چاہیے ۔ خاص طور پر اچھی کوالٹی کا موسچرائزر ضرور استعمال کرنا چاہیے تاکہ چہرے کی قدرتی نمی بر قرار رہ سکے اور جھریاں بننے کا عمل روکا جا سکے

چلد پر عمر کے اثرات کم کرنے والی اشیا کے استعمال میں احتیاط کریں

اکثر لوگ بڑھتی عمر کے اثرات کو روکنے کے لیۓ مختلف اقسام کی کریموں اور اینٹی ایجنگ مصنوعات کا استعمال کرتے ہیں جو کہ چہرے پر مثبت اثرات مرتب کرنے کے بجاۓ جلد کی حساسیت کو بڑھا دیتی ہیں جو کہ خطرناک بھی ثابت ہو سکتا ہے

چہرے کی جلد کی رونق کو برقرار رکھنے کےلیۓ ماہر جلد کا مشورہ

چہرہ انسان کی شخصیت کا آئينہ دار ہوتا ہے اس وجہ سے اس کے حوالے سے بہت خیال رکھنا بہت ضروری ہوتا ہے ۔ جلد کی حفاظت کے لیۓ استعمال کی جانے والی مصنوعات کے استعمال سے قبل ماہر جلد ڈاکٹر سے مشورہ بہت ضروری ہے جو کہ آپ کی جلد کی نوعیت کو دیکھتے ہوۓ اس بات کا فیصلہ کرتے  ہیں کہ کیا استعمال کرنا چاہیے

ماہر جلد سے آن لائن مشورے کے لیۓ مرہم ڈاٹ پی کے کی ویب سائٹ وزٹ کریں یا پھر 03111222398 پر رابطہ کریں