چہرے کی خوبصورتی ہر ایک کو بھاتی ہے۔ اس لئے اس کی حفاظت بھی اتنی ہی ضروری ہوتی ہے۔ ہمارا چہرہ ہی ہمیں خود اعتماد بناتا ہے۔ دن بھر کی آلودگی کو برداشت کرنے کے بعد چہرے کی صفائی لازمی ہوتی ہے۔ کیمکلز پر مشتمل مصنوعات کا استعمال ہمارے چہرے کے لئے نقصان دہ بھی ہوسکتا ہے۔
اس لئے اپنی جلد کو دھونے کے لئے ایسے قدرتی طریقے اپنانے چاہیےجو ہمارے چہرہ کی خوبصورتی کو برقرار رکھنے کے ساتھ ساتھ چمک بھی برقرار رکھے۔ گھر پر ہم قدرتی طریقوں سے صابن کے بغیر اپنے چہرے کی چمک کو برقرار رکھ سکتے ہیں۔ وہ قدرتی طریقے کونسے ہیں یہ جاننے کے لئے یہ بلاگ پڑھیں۔
ہم کیمکلز کی مصنوعات کا استعمال کئے بغیر اپنی جلد کی حفاظت ان طریقوں سے کرسکتے ہیں۔ لیکن اگر آپ کو جلد پہ کوئی الرجی یا انفیکشن ہے تو اس صورت میں ڈاکٹر سے رابطہ لازمی کریں۔ اس کے لئے آپ گھر بیٹھے مرہم ڈاٹ پی کے کی ویب سائٹ سے ایک مستند ڈاکٹر کی اپائنمنٹ لے سکتے ہیں۔ اس کے علاوہ وڈیو کنسلٹیشن یا اس نمبر پر 03111222398 آن لائن کنسلٹیشن لے سکتے ہیں۔
چہرے کو صاف رکھنے کے قدرتی طریقے
جلد کو صاف رکھنے کے قدرتی طریقے مندرجہ ذیل ہیں؛
شہد کا استعمال
شہد اینٹی آکسیڈنٹ سے بھرپور ہوتا ہے۔ یہ قدرتی طور پر موئسچرائزر کے طور پر کام کرتا ہے۔ اس میں اینٹی بیکٹریل خصوصیات موجود ہوتی ہیں۔یہ کیل مہاسوں سے چھٹکارا حاصل کرنے میں مدد کرتا ہے۔ آدھا چمچ شہد لیں اس سے اپنے چہرے پر مساج کریں۔یہ آپ کے چہرے سے قدرتی تیل کو ختم کیے بغیر آپ کے چہرے کی چمک برقرار رکھتا ہے۔ مساج کے بعد آپ اپنی جلدکو پانی سے دھولیں۔
کھیرا کا استعمال
کھیرا یا اس کا جوس آپ کی جلد کے لئے فائدہ مند ہوتا ہے۔ اس سے آپ کی جلد کو نمی اور ٹھنڈک ملتی ہے۔ اس میں موجود نمی کی خصوصیات آپ کے چہرے کی چمک کو بڑھادے گی۔ مہاسوں والی جلد پر یہ زیادہ بہتر طریقے سے کام کرتا ہے۔ جہاں دانے یا مہاسے ہوں اس جگہ پر 15 سے 20 منٹ تک کھیرے کے ٹکڑے اپنی جلد پر رکھیں اسکے بعد پانی سے دھولیں۔
چینی کا استعمال
یہ آپ کے کچن میں پائی جانے والی عام سی چیز ہے اور یہ آسانی سے گھروں میں دستیاب بھی ہوتی ہے۔ چینی ہماری جلد کو صاف کرنے والا بہترین کلینزر ہے۔ یہ ہماری جلد پر اسکرب کے طور پر بھی کام کرتا ہے۔ یہ ہماری جلد سے آلودگی نکالنے کے لئے بہترین ہے۔
دودھ کا استعمال
دودھ نہ صرف ہڈیوں کو مضبوط بنانے کے لئے اچھا کیلشیم کا ذریعہ ہے۔ بلکہ یہ جلد کو صاف کرنے کے لئے حیرت انگیز طور پر کام کرتا ہے۔ یہ جلد کے مردہ خلیوں کو دور کرنے میں مدد کرتا ہے۔ دودھ میں موجود پروٹین ہماری جلد کو نمی بخشتی ہے۔دودھ کا روز مساج آپ کے چہرے کی چمک کو برقرار رکھتا ہے۔
ناریل کے تیل کا استعمال
ناریل کا تیل بہت ساری مصنوعات میں استعمال ہوتا ہے۔ اس میں اینٹی فنگل اور اینٹی بیکٹریل خصوصیات موجود ہوتی ہیں۔ اگر آپ ناریل کے تیل کا ٹھیک طریقے سے استعمال کرتے ہیں تویہ جلد پر حیرت انگیز طریقے سے کام کرتا ہے اور جلد کی نمی کو برقرار رکھتا ہے۔
عرق گلاب کا استعمال
گلاب کا عرق ہماری جلد کے لئے بہت اچھا ہوتا ہے۔اس کے استعمال سے ہماری جلد ہائیڈریٹ رہتی ہے۔ یہ چہرے سے داغ کو بھی دور کرتا ہے۔ یہ آپ کے چہرے پر گلابی رنگ بھی چھوڑتا ہے۔ اس کا استعمال لاززمی کریں۔ یہ چہرے کا قدرتی رنگ برقرار رکھتا ہے اور جلد کو تازگی بخشتا ہے۔
بیسن کا استعمال
اگر فیس واش ختم ہوگیا ہے اور آپ کو لانا یاد ہی نہیں رہا تو پریشان مت ہوں۔ صرف تھوڑے سے بیسن کا لیپ چہرے پر کریں اور سادے پانی سے دھو لیں۔ نتائج دیکھ کر آپ فیس واش لانے کا ارادہ ہی ترک کردیں گے لیکن خیال رہے کہ یہ جلد کو خشک کرے گا اس لیے منہ دھونے کے بعد جلد کو خشکی سے بچانے کے لیے موئسچرائزر ضرور لگائیں۔
اکثر صبح تیار ہوتے ہوئے ہمیں پتا چلتا ہے کہ فلاں چیز ختم ہوچکی۔ ایسے میں بھاگ کر لانے کا تو وقت نہیں ہوتا اور مجبوری میں ہی باہر جانا پڑتا ہے۔ اس آرٹیکل میں آپ کو ایسی چیزوں کے بارے میں بتایا گیا جو آپ کی بڑی مشکلوں کو آسان کردے گی۔