پریگننسی جسے حالتِ حمل بھی کہتے ہیں۔ اس حالت میں شروع کے دنوں میں اپنا خیال کرنا بہت ضروری ہوتا ہے۔ اکثر گھر کی بڑی بوڑھیاں حمل ٹھرنے کے بعد شروع کے دنوں میں بہت احتیاط کرنے کی ہدایت کرتی ہیں۔ اس لیے کہتے ہیں کہ پریگننسی کے شروع کے 3 مہینوں میں اپنی صحت کے بارے میں غور کرنا بہت زیادہ اہم ہے۔ اس حالت میں بہت سی تبدیلیاں جسم میں رونما ہوتی ہیں۔
اگر آپ بھی شادی کے بعد ماں بننے کا خوبصورت احساس محسوس کرنا چاہتی ہیں تو آپ کو ان دنوں اپنا بہت خیال کرنا ہوگا۔ آپ کیسے شروع کے مہنیوں میں اپنا خیال رکھ سکتی ہیں اگر آپ جاننا چاہتی ہیں تو یہ بلاگ آپ کی مدد کرے گا۔
پریگننسی کے شروع والے دنوں میں دیکھ بھال۔
حمل یا پریگننسی کے شروع کے دنوں میں عورت کا جسم بہت سی تبدیلیوں کا شکار ہوتا ہے۔ اس کی وجوہات ہر لڑکی کی سمجھ میں نہیں آتی کہ۔۔۔۔۔
اس حالت میں کیا کرنا چاہیئے؟
کیا کھانا چاہیئے؟
اور کون سے ٹیسٹ کروانے چاہیئے؟
یہ سب سوالات ہوتے ہیں ذہن میں جن کا بہترین جواب صرف ماہرانہ گائناکالوجسٹ ہی دے سکتی ہیں۔ اس لیے جب آپ کو پتہ لگتا ہے کہ آپ ماں بننے والی ہیں تو سب سے پہلے آپ کو اچھی ڈاکٹر سے کنسلٹ کرنا چاہیئے تاکہ وہ بتا سکے کہ۔۔۔۔
بچے کی صحت کو کیسے یقینی بنایا جائے؟
اس کے علاوہ ماں کو کتنا وزن رکھنا چاہیئے؟
اس لئے ان چیزوں کی جانچ پڑتال اور کنسلٹیشن کے لئے آپ مرہم ڈاٹ پی کے کی ویب سائٹ سے ایک ماہر ڈاکٹر سے رابطہ کرسکتے ہیں یا 03111222398 پہ کال کرسکتے ہیں۔
پہلے مہینے کیا ہوتا ہے؟
آپ کو پہلے مہینے بہت سی تبدیلیوں سے گزرنا پڑ سکتا ہے۔ کیونکہ ہارمونز تبدیل ہوتے ہیں۔ سب سے پہلے تو یہ تبدیلی آتی ہے کہ آپ کو ماہواری آنا بند ہوجاتی ہے۔اس کے علاوہ بہت سی خواتین میں یہ تبدیلیاں بھی ہوتیں ہیں جیسے؛
تھکاوٹ
الٹیاں
مزاج میں تبدیلی
وزن کا بڑھنا
سردرد
بعض کھانوں سے نفرت
قبض
معدے اور سینے میں جلن
پریگننسی کے پہلے 3 ماہ میں آپ کو بہت زیادہ آرام کی ضرورت پڑ سکتی ہے۔
شروع کے مہینوں میں کیسے صحت مند رہا جائے؟
ایک عورت کے لئے یہ بہت ضروری ہے کہ وہ پریگننسی کے شروع کے دنوں میں اپنی صحت کا بہت خیال رکھے تاکہ وہ اپنی اور اپنے بچے کی صحت کی اچھی دیکھ بھال کرسکے۔ ایک ماں کو ان چیزوں کا خیال کرنا چاہیئے۔
قبل از وقت وٹامن لیں۔
جب ایک لڑکی ماں بنتی ہے تو اس میں جو تبدیلیاں رونما ہوتی ہیں۔ اس سے آپ کے جسم میں بہت سے وٹامن کی کمی بھی ہوسکتی ہے۔ اس کے علاوہ وہ خواتین جن کو حمل حاصل کرنے میں تاخیر آتی ہے وہ بھی اپنی ڈاکٹر سے رجوع کرکے ان وٹامنز کا استعمال کریں تاکہ آسانی کے ساتھ حمل حاصل کرسکیں۔ آپ کو بھی چاہیے کہ اپنی ڈاکٹر کی مدد سے جانیں کہ آپ کے جسم کو کس وٹامن کی ضرورت ہے اور آپ اس کا استعمال کریں تاکہ آپ کی اور بچے کی اچھی صحت برقرار رہ سکے۔
پانی کا زیادہ استعمال۔
پریگننسی کے دوران آپ کو زیادہ ہائیڈریٹ رہنے کی ضرورت ہوگی کیونکہ جنین کی آکسیجن اور غذائیت کی ضروریات کو پورا کرنے کے لیے خون کا لیول زیادہ ہونا چاہیئے۔ اکثر خواتین اس بات کا خیال بالکل نہیں رکھتی ہیں۔ ان کو اس بات کا اندازہ نہیں ہوتا کہ جسم میں اچانک تبدیلیوں سے فلوئیڈ کی مقدار میں اضافہ ہو جاتا ہے۔ اس مہینوں میں آپ کو ہائیڈریٹ رہنے کے لیے بہت سارے پانی، تازہ جوس اور اسموتھیز پر غور کرنا چاہیئے۔
آپ کو اس بات کا خیال رکھنا ہے کہ آپ کے جسم میں پانی کی کمی نہ ہو کیونکہ اس کی کمی کی وجہ سے ڈی ہائیڈریشن کا بھی شکار ہوسکتی ہیں۔ آپ کو اپنی اور بچے کی صحت کے لئے شروع کے دنوں میں زیادہ سے زیادہ پانی کا استعمال کرنا ہوگا۔
پھلوں اور سبزیوں کا استعمال۔
وٹامنز اور منزلز کی کمی کو پورا کرنے کے لئے آپ کو زیادہ سے زیادہ پھلوں اور سبزیوں کا استعمال کرنا چاہیئے، تاکہ آپ کی صحت برقرار رہ سکے۔ آپ پروٹین کی زیادہ مقدار حاصل کریں اور کم چکنائی والے کھانوں کا استعمال کریں۔ اس کے علاوہ زیادہ سے زیادہ فائبر والی غذاؤں کا استعمال کریں، تاکہ قبض کی پریشانی سے دوچار نہ ہوسکیں۔ پریگننسی میں متوازن اور صحت مند غذا کا استعمال بہت ضروری ہے۔
شروع کے مہینوں میں کن چیزوں سے پرہیز کیا جائے؟
جب آپ کو معلوم ہوجائے کہ آپ کی پریگنینسی کنفرم ہے تو آپ کو اپنے بچے کی صحت کے لئے ان چیزوں سے پرہیز کرنا ہوگا؛ اس حالت میں آپ کسی بھی ماہر غذائیت سے مشورہ کر کے اپنا ڈائٹ پلان بھی بنوا سکتی ہیں اور فری مشورہ کے حصول کے لیۓ گائناکالوجسٹ رابطہ ضرور کریں۔
کیفین کا کم استعمال۔
پریگننسی کے دوران اس کے شروع کے مہینوں میں آپ کو کیفین کا کم استعمال کرنا ہے۔ جیسے اگر آپ کافی کا یا چائے کا استعمال کرتی ہیں تو آپ کو دن میں ایک سے زیادہ بار اس کا استعمال نہیں کرنا۔ تمباکو کی طرح الکحل اور کیفین بھی ماں اور جنین کو خطرے میں ڈالتی ہے۔ الکحل معذوری پیدا کرتا اور جنین کے دماغی کام کو متاثر کرتا ہے۔ بہت زیادہ کیفین کا تعلق قبل از وقت لیبر اور پیدائشی معذوری کا باعث بنتا ہے۔
کولا، سوڈا، چاکلیٹ، سبز اور کالی چائے کو محدود کریں، کیونکہ ان میں زیادہ کیفین ہوتی ہے۔ ماہرین کے مطابق، خواتین کو پریگننسی کے دوران اپنی کیفین کی مقدار کو محدود رکھنا چاہیئے۔
روزانہ کی روٹین۔
خود کی دیکھ بھال کرنا اپنی اور اپنے بچے کی صحت کے لیے بہت ضروری ہے۔ جب آپ کی روٹین بےچین اور افراتفری کا شکار ہو تو آپ خود کی دیکھ بھال کے لیے روٹین پر توجہ دیں تاکہ حمل کے دوران اور بعد میں بھی کسی پریشانی کا سامنا نہ کرنا پڑے۔
یاد رکھیں کہ آپ کی صحت اور تندرستی پورے خاندان کو متاثر کرتی ہے۔ اگر آپ اپنے بچے اور خاندان کی دیکھ بھال کرنے کے لیے ٹھیک نہیں ہیں، تو پورے خاندان پریشانی کا شکار ہوجائے گا۔ جب آپ پریگننسی میں خود کی دیکھ بھال کو اپنے معمولات میں شامل کرتی ہیں، تو آپ خوشگوار طریقے سے اس ٹائم کو گزار سکیں گی اور ساتھ ہی ماہر ڈاکٹر کی ہدایات آپ کو ہر چیز کو آسانی سے اور صحیح طریقے سے روٹین میں شامل کرنے میں مدد کرے گی۔
مرہم کی ایپ ڈاون لوڈ کر نے کے لیۓ یہاں کلک کریں۔
| Android | IOS |
|---|---|
 |
 |