آڑو کے حیرت انگیز صحت کے حوالے سے فوائد

آڑو شمال مغربی چین سے تعلق رکھتے ہیں۔ اس کے صحت کے بہت سے فوائد موجود ہیں۔ یہ جلد کی صحت کو بڑھا سکتا ہے۔ قوت مدافعت کو بڑھا سکتا ہے اور آپ کی بینائی کی صلاحیت کو بڑھاسکتا ہے۔یہ پھل خوبصورت، خوشبودار اور لذیذ ہونے کے علاوہ، اس میں اچھی صحت کے لیے بہترین غذائی اجزاء بھی موجود ہوتے ہیں۔

آڑو کے اندر سے رنگ سفید سے پیلے یا نارنجی بھی ہوتا ہے۔اس کی دو مختلف قسمیں ہیں: فری اسٹون اور کلنگ اسٹون۔ یہ نام بتاتے ہیں کہ ایک اندرونی بیج سے چپک جاتا ہے اور ایک  آسانی سے اس سے الگ ہوجاتا ہے۔ ہم اس کے صحت سے متعلق فوائد، ان کے غذائیت سے متعلق پروفائل، اور اس پھل کو زیادہ اپنی خوراک میں شامل کرنے کا طریقہ بیان کریں گے۔

: آڑو کی غذائی پروفائل

ایک کپ کٹے ہوئے آڑو، یا 168 گرام، فراہم کرتا ہے۔۔۔

65.5 کیلوری
g1.53 پروٹین
g0.42  چربی
g0  کولیسٹرول اور سوڈیم
g16  کاربوہائیڈریٹ
چینی 10۔14
g2.52  فائبر
آڑو میں وٹامن اے،ای اور  کے ساتھ ساتھ میگنیشیم اور فاسفورس کی مقدار بھی فراہم کرتا ہے۔غذائیت کے بارے میں مزید معلومات حاصل کرنے کے لیے آپ مرہم پہ بہترین ڈائیٹیشن سے رجوع کریں یا 03111222398 پہ کال کریں۔

آڑو کے صحت سے متعلق فوائد۔

اس کے تازگی ذائقہ اور خوشبو کے علاوہ، یہ بہت سے ضروری غذائی اجزاء سے مالا مال ہوتا ہے جو کہ مختلف قسم کے صحت کے فوائد پیش کرتے ہیں۔ یہاں اس کے کچھ بہترین فوائد موجود ہیں۔

آڑو کسی بھی بیماری کو جلد شفا دے سکتا ہے۔

اس کے چھوٹے سائز اور نازک جلد سے دھوکہ نہ کھائیں۔ صرف ایک درمیانے آڑو میں وٹامن سی کا 13.2% تک ہوتا ہے جس کی آپ کو روزانہ ضرورت ہوتی ہے۔ یہ غذائیت آپ کے جسم کے زخموں کو بھرنے میں مدد کرتا ہے اور آپ کے مدافعتی نظام کو مضبوط رکھتا ہے۔ یہ “فری ریڈیکلز” سے چھٹکارا پانے میں بھی مدد کرتا ہے ۔ کیمیکل جو کینسر سے منسلک ہوتے ہیں، وہ آپ کے خلیات کو نقصان پہنچا سکتے ہیں۔یہ پھل آپ کو بیماری سے جلد شفاء دے سکتا ہے۔

آپ کی بینائی کی صلاحیت کو بڑھانے میں مدد کرسکتا ہے۔

بیٹا کیروٹین نامی ایک اینٹی آکسیڈینٹ آڑو کو ان کا خوبصورت سنہری نارنجی رنگ دیتا ہے۔ جب آپ اسے کھاتے ہیں، تو آپ کا جسم اسے وٹامن اے میں بدل دیتا ہے، جو صحت مند نظر کے لیے بہت اہم ہے۔ یہ آپ کے جسم کے دیگر حصوں، جیسے کہ آپ کا مدافعتی نظام کے بہتر طریقے سے کام کرنے میں بھی مدد کرتا ہے۔

نظام ہضم کو بہتر بناسکتا ہے۔

ایک درمیانی آڑو آپ کو 6% سے 9% تک فائبر فراہم کر سکتا ہے، جس کی آپ کے جسم کو روزانہ ضرورت ہوتی ہے۔ زیادہ فائبر والی غذائیں آپ کو صحت کے مسائل جیسے ذیابیطس، دل کی بیماری اور کولوریکٹل کینسر سے بچا سکتی ہیں۔ لیکن جو فائدہ آپ سوچیں تو وہ سب سے زیادہ پیٹ سے منسلک ہوتا ہے۔کافی فائبر حاصل کرنے سے قبض کو دور کرنے میں مدد مل سکتی ہے۔جس سے آپ کا نظام ہضم ٹھیک رہ سکتا ہے۔

وزن کو صحت مند رکھنے میں آپ کی مددکرسکتا ہے۔

اس میں 60 سے کم کیلوریز ہوتی ہیں۔ اس میں سیر شدہ چکنائی، کولیسٹرول یا سوڈیم نہیں ہوتا ہے۔اور اس پھل میں 85 فیصد سے زیادہ پانی ہوتا ہے۔ اس کے علاوہ، یہ فائبر سے بھرپور غذائیں زیادہ پیٹ بھرتی ہیں۔ جب آپ انہیں کھاتے ہیں، تو آپ کو دوبارہ بھوک محسوس کرنے میں زیادہ وقت لگتا ہے ،اور کھانا کم کھاتے ہیں جس سے آپ کا وزن بڑھتا نہیں ہے۔

 وٹامن ای حاصل کرسکتے ہیں۔

گری دار میوے اور بیج وٹامن ای کے سب سے مشہور اور اہم ذریعہ ہیں، لیکن اس کے ساتھ آڑو بھی اس میں شامل ہوجاتے ہیں۔ یہ اینٹی آکسیڈینٹ آپ کے جسم کے بہت سے خلیوں کے لیےبہت اہم ہے۔ یہ آپ کے مدافعتی نظام کو بھی صحت مند رکھتا ہے اور خون کی نالیوں کو چوڑا کرنے میں مدد کرتا ہے تاکہ خون کو اندر جمنے سے روکا جا سکے۔

آپ کی ہڈیوں کو صحت مند بناسکتا ہے۔

پوٹاشیم زیادہ نمک والی غذا کے اثرات کو جسم میں متوازن کرنے میں مدد کر سکتا ہے۔ یہ آپ کے گردے کی پتھری اور ہڈیوں کے نقصان کے امکانات کے ساتھ ساتھ آپ کے بلڈ پریشر کو بھی کم کر سکتا ہے۔ آپ کو ہر روز تقریباً 4,700 ملی گرام پوٹاشیم کی ضرورت ہوتی ہے، اور اسے کھانے سے حاصل کرنا کسی سپلیمنٹ سے کہیں بہتر ہے۔ ایک چھوٹے آڑو میں 247 ملی گرام پوٹاشیم ہوتا ہے، اور ایک درمیانی آڑو آپ کو 285 ملی گرام پوٹاشیم دے سکتا ہے۔

آپ کی مسکراہٹ کو برقرار رکھ سکتا ہے۔

 آڑو آپ کے دانتوں کو صحت مند رکھنے میں مدد کر سکتے ہیں کیونکہ ان میں فلورائیڈ ہوتا ہے۔ یہ معدنیات، جو آپ کو ٹوتھ پیسٹ میں ملتے ہیں، آڑو سمیت کچھ کھانوں میں بھی ہوتا ہے۔ یہ آپ کے منہ میں موجود جراثیم سے چھٹکارا پانے میں مدد کرتا ہے جو کیویٹی کا سبب بن سکتے ہیں۔

آڑو کھانے کا طریقہ۔۔۔

اس کو آڑو کو اپنی خوراک میں شامل کرنے کے چند طریقے یہ ہیں۔

آپ آڑو کے ٹکڑے گرم یا ٹھنڈے اناج یا دہی میں شامل کر سکتے ہیں۔ یہ ایک آڑو والا ناشتہ بن جائے گا۔
آپ تازہ (یا منجمد) آڑو کو کچھ دودھ کے ساتھ بلینڈر میں ڈال سکتے ہیں۔ آپ کیلے اور برف بھی ڈال سکتے ہیں۔ ایک مزیدار  اسموتھی تیار کرسکتے ہیں۔
اپنے روزمرہ کی صبح کے مشروبات میں آڑو شامل کریں۔
مزیدار ناشتے کے لیے آڑو کے چند سلائسیں تھوڑی سی دار چینی ڈال کر کھائیں۔

 آڑو سپر فوڈ سے بہت دور ہے،لوگ اس کے فوائد سے آگاہ نہیں ہیں۔مجھے یقین ہے کہ اب آپ بھی آڑو کو اپنی لسٹ میں شامل کریں گے۔کیونکہ یہ صحت کو برقرار رکھنے میں اہم کردار ادا کر سکتا ہے۔کسی بھی قسم کی اہم معلومات حاصل کرنے کے لیے آپ متعلقہ ڈاکٹر سے رابطہ کرسکتے ہیں۔

مرہم کی ایپ ڈاؤن لوڈ کرنے کے لیے یہاں پہ کلک کریں۔

Android	IOS