Table of Content
لیموں کا شمار ایک ایسی سبزی کے طور پر ہمارے گھروں میں کیا جاتا ہے جس کے بغیر کسی بھی باورچی خانے کا تصور محال ہے ۔ لیموں کا استعمال سردی گرمی ہر موسم میں مفید ہے اس کے ساتھ ساتھ اس کا رس مختلف مشروبات کا حصہ بنتا ہے اور اس کا استعمال مختلف قسم کے کھانوں میں کیا جاتا ہے
لیموں کا انسانی صحت کے ساتھ ساتھ اس کی خوبصورتی میں اضافے میں بھی اہم کردار ہوتا ہے اس کے اندر موجود وٹامن سی انسانی صحت کے لیۓ ایک لازم جز ہے ۔ اس کے علاوہ اس میں کاربوہائيڈریٹ ، کیلشیم ، آئرن ، میگنیشیم جیسے اہم معدنیات بھی موجود ہوتے ہیں ۔
مختصرا یہ کہا جا سکتا ہے کہ لیموں کھانے کے ساتھ ساتھ خوبصورتی میں اضافے اور صفائی کے لیۓ بھی اپنے اندر بہت فوائد رکھتا ہے ۔
لیموں کے صحت اور خوبصورتی کے لیۓ فوائد
لیموں کینسر سے بچاتا ہے
دوسرے رس دار پھلوں کی طرح لیموں کے اجزا کے اندر بھی کینسر کے خلاف لڑنے کی طاقت ہوتی ہے ۔ ایک جدید تحقیق کے مطابق سٹرس کی موجود گی کے سبب لیموں کے رس خلیات کو ٹوٹ پھوٹ سے روکتے ہیں۔
لیموں کے رس کے ساتھ ساتھ اسکا چھلکا بھی وٹامن سی ، کیلشیم ، آئرن ،میگنیشیم ، پوٹاشیم اور فائبر سے بھر پور ہوتا ہے ۔ جو کہ جگر ، پھپھڑوں ، میمری اور جسم کے دوسرے حصوں میں بننے والے کینسر سے بچاتا ہے ۔
چہرے کی جھریوں کا خاتمہ کرتا ہے
بڑھتی ہوئي عمر اور گزرتے ہوۓ وقت کو روکنا ہمارے بس میں نہیں ہے مگر اس کے اثرات کو کم کیا جا سکتا ہے جس میں سب سے پہلا اثر چہرے پر پڑنے والی جھریاں ہیں جن کو لیموں کے ذریعے بننے سے روکا جا سکتا ہے ۔
تحقیق کے مطابق لیموں کا تیل چہرے کی جلد کے ٹوٹ پھوٹ کے عمل کو اپنے اینٹی آکسیڈیٹو اثرات کی وجہ سے سست کر دیتا ہے ۔ اس کے علاوہ لیموں میں موجود وٹامن سی کولیگن کے عمل کو سست کر تا ہے ۔ لیموں میں موجود قدرتی انزائم جلد کے کھلے پوروں کو بند کرنے میں اہم کردار ادا کرتے ہیں ۔
امریکن اکیڈمی آف ڈرماٹولوجی کے مطابق روزانہ چہرے پر لیموں کے استعمال سے ایک ماہ میں جھریوں میں نہ صرف واضح کمی واقع ہوتی ہے بلکہ اس کے ساتھ ساتھ چہرے کی جلد داغ دھبوں سے صاف اور کھلی کھلی نظر آتی ہے
جاپانی خواتین کی حسین جلد کا راز جاننے کے لیۓ یہاں کلک کریں
وزن کی کمی کے لیۓ لیموں کا رس
وٹامن سی کے اندر یہ خاصیت موجود ہوتی ہے کہ وہ خون میں کارٹی سول کے لیول کو کم کرتا ہے
کارٹی سول ایک ایسا ہارمون ہے جو کہ انسان کی بھوک کو بڑھاتا ہے ۔ اس کے ساتھ ساتھ جسم میں جمع شدہ چکنائی کو پگھلانے میں بھی لیموں کا رس اہم کردار ادا کرتا ہے ۔ اس وجہ سے کھانا کھانے کے بعد ایک گلاس پانی میں لیموں کا رس ملا کر پینے سے ایک جانب تو ہاضمہ درست ہوتا ہے جب کہ دوسری جانب اس میں زیرو کیلوریز ہوتی ہیں جو کہ وزن میں اضافے کے مسلے کا بھی خاتمہ کرتا ہے
جگر کی صفائی کے لیۓ
لیموں کے رس کے استعمال سے جسم مین موجود زہریلے مادے خاص طور پر جگر اور ہاضمے کے نظام میں موجود فاضل مادوں کی صفائی میں بہت مدد ملتی ہے ۔ لیموں میں موجود پیکٹن نامی مادہ جسم میں موجود چربی اور چکنائی کی صفائی کرتا ہے
جب کہ اس کے ساتھ ساتھ وہ معدے کی صفائی بھی کرتا ہے ۔ زہریلے مادوں کے خاتمے سے جگر کے افعال میں بہتری آتی ہے اور وہ تیزی سے اپنا کام کرنا شروع کر دیتا ہے ۔
گلے کی خرابی کے لیۓ
عام طور پر جب گلا خراب ہوتا ہے تو لوگ کھٹی چیزوں سے پرہیز کا مشورہ دیتے ہیں ۔ مگر لیموں کا معاملہ اس حوالے سے مختلف ہوتا ہے کیوں کہ وہ وٹامن اور منرل سے بھر پور ہوتا ہے اس وجہ سے جسم کو توانائی فراہم کرتا ہے جس سے قوت مدافعت مضبوط ہوتی ہے ۔ اور بیماریوں سے لڑنے کی طاقت ملتی ہے ۔
گلے کی خرابی کو دور کرنے کے لیۓ لیموں کے رس کو شہد اور ایک گلاس نیم گرم پانی میں ملا لیں ۔جس سے ایک جانب تو بلغم کے بننے کے عمل میں کمی واقع ہوتی ہے جب کہ شہد گلے کے ساتھ چپک کر اس کے انفیکشن کا خاتمہ کرتا ہے اور آرام پہنچاتا ہے ۔ اور لیموں کی موجودگی گلے میں انفیکشن کا باعث بننے والے بیکٹیریا اور وائرس کا بھی خاتمہ کرتا ہے
ذہنی دباؤ کو کم کرتا ہے
لیموں کے اندر پوٹاشیم کی بڑی مقدار موجود ہوتی ہے جو کہ دماغ کے افعال کو بہتر بناتا ہے۔ اگر آپ روزانہ کی بنیاد پر لیموں کے رس کو استعمال کرنے کی عادت بنائيں گے تو اس سے دماغ چاک و چوبند رہے گا اور اکثر دوپہر میں ہونے والی سستی کا بھی خاتمہ ہو گا
ایک تحقیق کے مطابق لیموں کا استعمال خوشی کا سبب بننے والے نیورون کو ایکٹو کرتا ہے ۔ جس سے انسان کا موڈ بہتر ہوتا ہے اور وہ خود کو پر سکون محسوس کرتا ہے
چہرے پر سے ایکنی کے نشانات دور کرتا ہے
لیموں میں بڑی مقدار میں سٹرک ایسڈ اور وٹامن سی موجود ہوتا ہے ۔ وٹامن سی کی موجودگی کولیگن نامی ایک مادے کی تیاری میں اہم کردار ادا کرتا ہے ۔ جس کی موجودگی جلد کو صاف شفاف اور پر رونق بناتی ہے ۔
لیموں کے رس میں بلیچنگ خصوصیات کی موجودگی کے سبب اس کے استعمال سے جلد پر موجود داغ دھبے صاف ہوتے ہیں ۔ یہ جلد کے اوپر موجود میل اور گند کو صاف کرتا ہے اور اس کےساتھ ساتھ جلد پر موجود ان بیکٹیریا کا بھی خاتمہ کرتا ہے جو کہ ایکنی کا سبب بنتے ہیں
صحت مند جلد صحت مند جسم کی عکاس ہوتی ہے جلد کے حوالے سےکسی بھی مسلے کے حل کے لیۓ ماہر جلد سے آن لائن رابطےکے لیۓ مرہم ڈاٹ پی کے کی ایپ داون لوڈ کریں یاپھر 03111222398پر رابطہ کریں
