Table of Content
فائبر ، جو بنیادی طور پر پھلوں، سبزیوں، سارا اناج اور پھلوں میں پایا جاتا ہے ,قبض کو روکنے یا اس سے نجات دلانے کی صلاحیت کے لیے مشہور ہے۔ لیکن فائبر پر مشتمل غذائیں صحت کے دیگر فوائد بھی فراہم کر سکتی ہیں، جیسے کہ صحت مند وزن کو برقرار رکھنے میں اور ذیابیطس، دل کی بیماری اور کینسر کی کچھ اقسام کے خطرے کو کم کرسکتی ہیں۔
ایسی غذائیں جن میں فائبر کی مقدار زیادہ ہوتی ہے کھانے سے دائمی بیماری کا خطرہ کم ہوسکتا ہے اور آپ کو زیادہ دیر تک پیٹ بھرنے کا احساس ہوسکتا ہے، جس سے آپ کو صحت مند وزن میں رہنے میں مدد مل سکتی ہے۔
نئی تحقیق سے پتہ چلتا ہے کہ جو خواتین فائبر والی غذا کھاتی ہیں وہ ان خواتین کے مقابلے میں کم ڈپریشن کا شکار ہوتی ہیں جو کم فائبر استعمال کرتی ہیں۔
فائبر یا غذائی ریشہ کیا ہے؟
غذائی ریشہ، جسے روگیج یا بلک بھی کہا جاتا ہے،اس میں پودوں کی خوراک کے وہ حصے شامل ہیں جو آپ کا جسم ہضم یا جذب نہیں کر سکتا۔ غذائی ریشہ کاربوہائیڈریٹ کی ایک قسم ہے جو چینی کے مالیکیولز پر مشتمل ہے جو آپس میں جڑے ہوئے ہیں۔ اس کی ترکیب دیگر کاربوہائیڈریٹس کے مقابلے میں اسے ہضم کرنا مشکل بناتی ہے۔کھانے کے دیگر اجزاء کے برعکس، جیسے چکنائی، پروٹین یا کاربوہائیڈریٹ جنہیں ، آپ کا جسم توڑ کر جذب کرتا ہے، فائبر آپ کے جسم سے ہضم نہیں ہوتا ہے۔ اس کے بجائے، یہ آپ کے معدے، چھوٹی آنت اور بڑی آنت کے ذریعے اور آپ کے جسم میں برقرار رہتا ہے اور فاضل نکل جاتا ہے۔
فائبر کی اقسام
فائبر کی دو اقسام ہیں، ذیل میں بیان کیا جارہا ہے کہ فائبر کی یہ اقسام کن غذائی اجزاء سے حاصل ہوسکتی اور ان کے کیا فوائد ہیں۔
حل پذیر فائبر
اس قسم کا غذائی ریشہ پانی میں گھل کر جیل جیسا مواد بناتا ہے۔ یہ خون میں کولیسٹرول اور گلوکوز کی سطح کو کم کرنے میں مدد کر سکتا ہے۔ حل پذیر ریشہ گیہوں، مٹر، پھلیاں، سیب، گاجر، جو اور سائیلیم میں پایا جاتا ہے۔ خون میں کولیسٹرول اور گلوکوز کی سطح معلوم کرنے کے لیۓ بہترین لیب کا انتخاب کریں۔
ناقابل حل فائبر
اس قسم کا غذائی ریشہ آپ کے نظام انہضام کے ذریعے مواد کی نقل و حرکت کو فروغ دیتا ہے اور پاخانہ کی مقدار کو بڑھاتا ہے، اس لیے یہ ان لوگوں کے لیے فائدہ مند ہو سکتا ہے جن کو قبض یا بے قاعدہ پاخانہ کے مسائل کا سامنا ہے۔ پوری گندم کا آٹا، گندم کی چوکر، گری دار میوے، پھلیاں اور سبزیاں، جیسے گوبھی، سبز پھلیاں اور آلو، ناقابل حل غذائی ریشے کے اچھے ذرائع ہیں۔حل پذیر اور ناقابل حل فائبر کی مقدار مختلف پودوں کے کھانے میں مختلف ہوتی ہے۔ صحت کا سب سے بڑا فائدہ حاصل کرنے کے لیے، بہت سی اعلیٰ قسم کی فائبر والی غذائیں کھائیں۔
زیادہ فائبر والی غذا کے فوائد
زیادہ پھل، سبزیاں اور سارا اناج کھا کر غذائی ریشے کی مقدار میں اضافہ کرنا آپ کے لیے اچھا ہے۔ یہ دل کی بیماری، ذیابیطس، اور چھاتی کے کینسر کے خطرے کو کم کرنے کے لیےمفید ہے، اور یہ معدے کی صحت کے لیے اچھی غذا ہے۔ غذائی ریشے والی غذاؤں کے فوائد درج ذیل ہیں۔
زیادہ فائبر والی خوراک
یہ خوراک آنتوں کی حرکت کو معمول بناتی ہے۔ غذائی ریشہ آپ کے پاخانے کا وزن اور سائز بڑھاتا ہے اور اسے نرم کرتا ہے۔ پاخانہ گزرنا آسان ہوجاتا ہے، جس سے قبض کا امکان کم ہو جاتا ہے۔ اگر آپ کا پاخانہ ڈھیلا، پانی دار پاخانہ ہے، تو ریشہ پاخانہ کو ٹھوس بنانے میں مدد کر سکتا ہے کیونکہ یہ پانی جذب کرتا ہے اور پاخانہ میں بڑی مقدار میں اضافہ کرتا ہے۔
آنتوں کی صحت کو برقرار رکھنے میں مدد کرتا ہے
زیادہ غذائی ریشے والی خوراک آپ کی بڑی آنت میں بواسیرکے پیدا ہونے کے خطرے کو کم کر سکتی ہے۔ مطالعے سے یہ بھی پتہ چلا ہے کہ اعلیٰ غذائی ریشے والی غذا بڑی آنت کے کینسر کے خطرے کو کم کرتی ہے۔ بڑی آنت میں کچھ ریشہ خمیر ہوتا ہے۔ محققین تحقیق کر رہے ہیں کہ یہ بڑی آنت کی بیماریوں کو روکنے میں کس طرح کردار ادا کر سکتا ہے۔ کینسر کیے علاج کے لیۓ بہترین ماہر ڈاکٹر کا انتخاب کریں۔
کولیسٹرول کی سطح کو کم کرتا ہے
پھلیاں، گیہوں کی چوکر میں پایا جانے والا حل پذیرغذائی ریشہ لیپو پروٹین، یا خراب کولیسٹرول کی سطح کو کم کرکے خون میں کولیسٹرول کی سطح کو کم کرنے میں مدد کر سکتا ہے۔ مطالعات سے یہ بھی معلوم ہوا ہے کہ زیادہ غذائی ریشے والی غذائیں دل کی صحت کے لیے دیگر فوائد بھی رکھتی ہیں، جیسے کہ بلڈ پریشر اور سوزش کو کم کرنا۔
بلڈ شوگر لیول کو کنٹرول کرنے میں مدد کرتا ہے
ذیابیطس والے لوگوں میں، غذائی ریشہ، خاص طور پر حل پذیر غذائی ریشہ، شوگر کے جذب کو سست کر سکتا ہے اور خون میں شکر کی سطح کو بہتر بنانے میں مدد کر سکتا ہے۔ ایک صحت مند غذا جس غذا میں ناقابل حل ریشہ شامل ہو ذیابیطس کے خطرے کو بھی کم کر سکتا ہے۔ذیابطیس کے مریض انسولین کے ساتھ ساتھ مستقل اپنے معالج سے رابطے میں رہیں کسی بھی ماہر یا تجربہ کار ڈاکٹر سے رابطے کے لیۓ مرہم ڈاٹ پی کے کی ویب سائٹ وزٹ کریں یا براہ راست ڈاکٹر سے رابطے کے لۓ اس نمبر پر کال کریں03111222398
صحت مند وزن حاصل کرنے میں مدد کرتا ہے
زیادہ غذائی ریشے والی غذائیں کم غذائی ریشے والی غذاؤں کے مقابلے میں زیادہ پیٹ بھرتی ہیں، اس لیے آپ کو کم کھانے اور زیادہ دیر تک مطمئن رہنے کا امکان ہے۔ اور زیادہ فائبر والی غذائیں کھانے میں زیادہ وقت لیتی ہیں ،جس کا مطلب ہے کہ ان میں کھانے کی مقدار کے لیے کم کیلوریز ہوتی ہیں۔ کم کیلوریو اپ کے وزن کو کنٹرول میں رکھتی ہیں۔ ڈائٹ پلان کے لیۓ بہترین نیوٹریشنسٹ کا انتخاب کریں۔
فائبر خواتین میں ڈپریشن کا خطرہ کم کرتا ہے
مجموعی طور پر زیادہ فائبر کا استعمال ڈپریشن کے خطرے میں کمی کے ساتھ منسلک ہے۔ ایک تحقیق کےمطابق ڈپریشن کی شرح پری مینوپاسل خواتین میں تقریبا چھ فیصد نسبتا کم تھی، اور سن یاس کے بعد کی خواتین میں تقریبادوفیصد کم تھی،ماہرین کا کہنا ہے کہ یہ کمی، اگرچہ معمولی ہے، لیکن ہمیں اس بارے میں بتاتی ہے کہ زیادہ فائبر کی مقدار ڈپریشن کے خطرے کو کم کر سکتی ہے، جیسا کہ زیادہ پھل، سبزیاں اور ناقابل حل ریشہ کھانے سے ڈپریشن کی شرح میں کمی واقع ہوئی ہے۔
ایک صحت مند غذا جس میں پھلوں، سبزیوں اور سارا اناج کی زیادہ مقدار شامل ہوتی ہے اس کا تعلق نفسیاتی تحقیق میں جولائی 2017 میں شائع ہونے والے ایک جائزے میں ڈپریشن کے خطرے میں کمی سے تھا۔ فائبر ایک اہم غذائیت ہے جو وزن میں کمی، خون میں شکر کی سطح کو، ذہنی دباؤ اور اسٹریس کو کم کرنے اور قبض سے لڑنے کو فروغ دیتا ہے۔ اپنے فائبر کی مقدار کو بڑھانے کے لیے زیادہ فائبر والےکھانوں کو اپنی غذا میں شامل کرنے کی کوشش کریں۔
