سوپ ایک طاقتور اور ہلکی غذا ہے سوپ پینے سے بہت جلدی توانائی اور طاقت ملتی ہے۔ ویسے تو سوپ گرمیوں میں بھی پیا جاتا ہے مگر سردیوں میں اس کا استعمال 100 گنا بڑھ جاتا ہے۔ اس کی وجہ یہ ہے ک سردیوں میں سوپ پینے سے گرمی اور فوری توانائی ملتی ہے۔ سوپ ایک ہلکی اور جلد ہضم ہونے والی غذا ہے۔
کمزوری میں فوری طاقت پانے کا بہترین ذریعہ بھی ہے۔ اسی وجہ سے بیماری یا نقاہت میں اس کا استعمال فوری فائدہ پہنچاتا ہے۔ یہ ہر دور میں ہر عمر کے افراد کے لئے مفید رہا ہے ہم یہاں جانیں گے مختلف پہلووں سے سوپ کی افادیت کیا ہے؟ فلو نزلہ زکام یا کسی بھی بیماری سے متعلق معلومات کے لئے مرہم ڈاٹ کام پر کلک کریں یا ڈاکٹر سے اس نمبر پر براہ راست رابطہ کریں 03111222398۔
سوپ کے فوائد۔
سوپ ایک ذود ہضم اور مفید غذا ہے ۔ یہ بیماری میں فوری طاقت پہنچاتا ہے اس کے علاوہ سردی میں گرمی پہنچاتا ہے ۔ نزلہ زکام میں بھی آرام دلاتا ہے سینے کو گرمی پہنچاتا ہے اور بلغم کو صاف کرتا ہے۔
جسم کو گرم رکھتا ہے۔
جب باہر کا درجہ حرارت نقطہ انجماد کی سطح پر پہنچ جاتا ہے تو کوئی بھی چیز آپ کے جسم کو سوپ کے پیالے کے علاوہ گرم نہیں کرے گی۔ یہ قدرتی طور پر آپ کو درجہ حرارت بڑھانے میں مدد دیتا ہے۔
وزن کم کرنے میں مدد کرتا ہے۔
تحقیق سے پتہ چلا ہے کہ جو لوگ باقاعدگی سے سوپ پیتے ہیں ان کی غذائی توانائی کی کثافت کم ہوتی ہے اور غذا کا معیار بہتر ہوتا ہے۔ اس میں شامل سبزیوں سے زیادہ پانی اور فائبر آپ کو صحت مند اور ہائیڈریٹ رکھتا ہے اور آپ کو سیر رکھتا ہے جس کی بدولت آپ کو وزن کم کرنے میں مدد ملتی ہے۔
آپ کو سیر رکھتا ہے۔
سوپ کے ایک بھرے پیالے کو کم نہ جانیں یہ آپ کو کم کیلوریز کے ساتھ پیٹ کے بھرے ہونے کا احساس دیتا ہے اور آپ کو بھرپور غذائیت فراہم کرتے ہوئے آپ کی بلڈ شوگر کو بھی کنٹرول میں رکھتا ہے۔یہ ٹھوس غذا کے مقابلے میں زیادہ توانائی پیدا کرتا ہے یہ گیسٹرک پھیلاؤ کے احساسات اور غذائی اجزاء کی تیزی سے رسائی کا باعث بن سکتا ہے جس سے گلیسیمک ردعمل زیادہ ہوتا ہے۔
ہاضمے کے لئے مفید ہے۔
جب تک آپ بھاری کریم والے سوپ کی طرف نہیں جاتے اس کی زیادہ تر ترکیبوں میں ریشے دار گوشت، سبزیاں پھلیاں اور دالیں وغیرہ شامل ہوتی ہیں جن میں فائبر موجود ہوتا ہے جو ہاضمے کو ہموار کرنے میں مدد دیتا ہے اور انسولین کی سطح کو ہموار کرتا ہے۔
غذائی اجزاء سے بھرپور۔
آپ میں سے زیادہ تر لوگ روزانہ کی بنیاد پر سبزیاں کھا نا پسند نہیں کریں گے لیکن سوپ میں شامل سبزیاں بہت شوق سے لئے لیں گے اس طریقے سے سبزیوں میں موجود غذائیت کا بہترین استعمال کر سکتے ہیں اور بچوں کی غذا میں آسانی سے سبزیاں شامل کر سکتے ہیں۔
وٹامنز اور معدنیات سے بھرپور غذا۔
سوپ کے لئے استعمال کیا جانے والا سست پکانے کا طریقہ اس میں شامل سبزیوں، دالوں اور گوشت میں موجود وٹامنز اور منرلز کی افادیت کو ضائع کئے بغیر اسے شوربے میں شامل کر دیتا ہے اور اس کا استعمال آپ کے جسم کو فائدہ پہنچاتا ہے۔
یہ قوت مدافعت بڑھاتا ہے۔
سوپ بناتے وقت ہڈیوں کو بھی شوربے میں شامل کرنے سی نہ صرف ذائقے میں اضافہ ہوتا ہے بلکہ اس کی افادیت بھی بڑھ جاتی ہے جس میں جیلیٹن، کولیجن اور گلائسن کی مقدار زیادہ ہوتی ہے،جو کہ قدرتی طور پر اینٹی انفلیمیٹری ہوتا ہے ۔ آنتوں کی حرکت کو بہتر بناتا ہے گٹ کی سوزش کا مقابلہ کرتا ہےاس کے علاوہ قوت مدافعت بڑھانے میں مدد کرتا ہے۔
یہ فلو ۔ نزلہ اور زکام میں مفید ہے۔
جب بھی آپ فلو ، نزلہ یا زکام سے لڑ رہے ہوں تو سوپ کا استعمال ایک بہترین انتخاب ہو سکتا ہے۔مطالعات سے پتہ چلا ہے کہ اوپری سانس کی نالی کے انفیکشن میں گرم سوپ دیگر ٹھنڈے ، گرم مائعات کے مقابلے میں بہتر ہے۔ غذائیت سے بھرپور شوربہ وٹامنز اور معدنیات کے ساتھ قوت مدافعت بڑھاتا ہے اور آپ کے جسم کو ری ہائیڈریٹ کرتا ہےاس کے علاوہ اسے نگلنا اور ہضم کرنا بھی آسان ہے جو گلے کی سوزش میں مفید ہے ۔ اس کے گرم بخارات آپ کو گرم کرتے ہیں اور ناک کی نالی کو صاف کرتے ہیں۔
سوپ بوڑھوں کے لئے مفید۔
بوڑھے مردوں اور عورتوں کے لئے سوپ ایک بہترین کھانا ہے کیونکہ یہ صحت مند ہوتا ہے اور غذائی اجزء سے بھرپور ہوتا ہے اور تازہ اجزاء سے تیار کیا جا سکتا ہے۔ اگرچہ یہ سردی کی غذا کے طور پر جانا جاتا ہے پر اسے ہر موسم میں کھایا جا سکتا ہے ۔ اس کے علاوہ یہ بزرگ افراد کے لئے ایک بھرپور غذا ہونے کے ساتھ ساتھ فوری طاقت پانے کا ایک بہترین ذریعہ ہے۔ یہ افادیت سے بھرپور جلد ہضم ہونے والی غذا ہے ۔ اس میں موجود وٹانز ، منرلز کمزور بزرگ افراد کو فوری توانائی فراہم کرتے ہیں۔ لیکن احتیاط کی جائے کہ کم سوڈیم والے اور کم شوگر والے اجزاء کا استعمال کیا جائے۔
بچوں کے لئے مفید۔
ہماری دادی نانییاں سوپ کی افادیت سے ہمیشہ سے واقف تھیں وہ جانتی تھی اس کی اہمیت کو، یہ صحت اور ہڈیوں کی مضبوطی کے حوالے سے بہت مفید ہوتا ہے۔ جبھی چھوٹی سی عمر سے ہی بچے کی غذا میں سوپ(یخنی) کو شامل کر دیا جاتا تھا۔ اس میں خاص طور پر گوشت اور ہڈیوں سے بنا سوپ بچوں کو دیا جاتا تھا۔ اس کی بھی اپنی ہی افادیت ہے۔
سوپ حاملہ خواتین کے لئے۔
کسی بھی حاملہ حاملہ خاتون کے لئے بہترین اور بھرپور غذا سے اہم کچھ بھی نہیں ہے ۔ حاملہ خاتون جو کچھ بھی کھاتی ہے اس کا سیدھا اثر اس کے بچے کی صحت پر پڑتا ہے لہذا ڈاکٹر بھی حاملہ خاتون کو صحت بخش خوراک کے استعمال کا مشورہ دیتے ہیں۔
اس معاملے میں سوپ کا استعمال حاملہ خواتین کو ذائقہ دینے کے ساتھ ساتھ ضروری توانائی بھی فراہم کرتا ہے۔ سوپ میں شامل سبزیاں اسے وٹامن اے، سی، فولیٹ فراہم کرتی ہیں جو حمل کے دوران اس کے بلڈ پریشر کو کنٹرول میں رکھنے میں مدد کرتے ہیں۔ اس میں شامل گوشت ، چکن سے بہتر مقدار میں پروٹین، کیلشیم اور آئرن حاصل کیا جاسکتا ہے۔
ہڈیوں اور گوشت کا سوپ پروٹین کا بہترین ذریعہ ہے ۔ آج کل بہت سے بچے پروٹین کی کمی کا شکار ہیں ۔ یہ سوپ اس معاملے میں بچوں اور نوجوان طبقے کے لئے ذائقے کے ساتھ ساتھ ایک بہترین ٹانک بھی ہے۔اس کے علاوہ اس میں وٹا منز، منرلز، انٹی آکسیڈینٹ موجود ہوتے ہیں یہ وہ چیزیں ہیں جن کی کمی کو پورا کرنے کے لئے ہمیں ادویات کا سہارا لینا پڑتا ہے جب کہ سوپ کے ذریعے ہم قدرتی طور پر یہ تمام اجزاء بآسانی اپنے بچوں کی غذا میں شامل کر سکتے ہیں۔
مرہم کی ایپ ڈاؤن لوڈ کرنے کے لیے یہاں پہ کلک کریں۔
Android | IOS |
---|---|