بلڈ شوگر کو کنٹرول کرنا بہت ضروری ہے۔ چاہے آپ کو ٹائپ 1 شوگر ہو یا ٹائپ 2 کے لیے احتیاط بہت اہم ہے، یہ 9 سے 5 کی جاب نہیں ہے، جو دن ڈھلتے ہی ختم ہو جاتی ہے، بلکہ آپ کو اپنی شوگر کو منظم رکھنے کے لئے دن رات ایکٹو رہنا پڑے گا۔ اس کے لئے آپ کو سارا دن بلڈ شوگر کی جانچ، ادویات، ورزش اور کھانے پینے کی عادات کو برقرار رکھنا بہت ضروری ہے۔
درحقیقت آپ کو صبح جاگنے سے لیکر رات کو سونے تک اپنی ذیابیطس کے بارے میں ہر وقت خیال رکھنے کی ضرورت ہے۔ جس طرح ہر رات، صبح اٹھنے کے لیے آپ الارم لگانے کو اہم سمجھتے ہیں ایسے ہی کچھ اقدامات ہیں جنہیں سونے سے قبل اپنی روٹین کا حصہ بنا کر آپ اپنی ذیابیطس کو کنٹرول کرنے اور اچھی نیند کا مزہ اٹھانے میں مدد حاصل کر سکتے ہیں۔
شوگر کے مریض اپنی صحت کا خیال خود اچھے طریقے سے رکھنے کے لیے مرہم کی سائٹ پہ ذیابیطس کے ڈاکٹر سے مشورہ حاصل کرسکتے ہیں یا 03111222398 پہ کال کرسکتے ہیں۔
شوگر کے مریضوں کے لئے سونے سے قبل کئے جانے والے کچھ اہم اقدامات۔
اگر آپ چاہتے ہیں کہ آپ کی بلڈ شوگر کنٹرول میں رہے تو اس کے لئے آپ کو تھوڑا سا محتاط بننے کی ضرورت ہے، دن بھر تو آپ اپنے شوگر لیول کو کنٹرول کرنے لئے کوشش کرتے ہی ہیں لیکن اگر آپ کچھ کام رات کو بستر پر جانے سے قبل کریں تو آپ بہتر طریقے سے ذیابیطس پر قابو پا سکتے ہیں۔
سونے سے قبل اپنے بلڈ شوگر لیول کو چیک کریں۔
بلڈ شوگر کی معمول کی جانچ آپ کی ذیابیطس کو منظم کرنا ایک اہم حصہ ہے اور رات کو سوتے وقت اس کی جانچ سے آپ کو اور آپ کے ڈاکٹر کو یہ جاننے میں مدد ملے گی کہ آیا آپ کی دوائیں رات بھر آپ کے خون میں شکر کی سطح کو مناسب طریقے سے کنٹرول کر رہی ہیں۔ سونے سے قبل آپ کے خون میں شکر کی مقدار کا ہدف 90 سے 130 دیسی لیٹر ہونا چاہیئے۔
سوتے وقت کھانا ضرور کھائیں۔
جب آپ ٹائپ 1 یا ٹائپ 2 ذیابیطس کا شکار ہوتے ہیں تو آپ نے اکثر دیکھا ہوگ کہ آپ کی بلڈ شوگر صبح کے اوقات میں زیادہ ہوتی ہے اسے ڈاکٹری اصطلاح میں ڈاؤن فینومینن یا ڈان ایفیکٹ کہا جاتا ہے۔ اکثر صبح 2 سے 8 بجے کے درمیان میں آپ کی بلڈ شوگر میں اضافہ ہو سکتا ہے، یہ مختلف عوامل کا نتیجہ ہو سکتا ہے، جیسے کہ ۔۔۔۔
صبح سویرے ہارمونز کا اخراج جو انسولین کے خلاف مزاحمت کو بڑھاتا ہے۔
انسولین کی ناکافی مقدار۔
سونے سے پہلے دوائیوں کا استعمال۔
سوتے وقت کاربوہائیڈریٹ سے بھرپور کھانا۔
جگر کا رات بھر گلوکوز خارج کرنا۔
اس سے بچنے کے لئے رات کو سونے سے قبل ۔۔۔
زیادہ فائبر اور کم چکنائی والا کھانا کھائیں۔
پوری گندم کے کریکر کھائیں۔
مونگ پھلی کے مکھن (پی نٹ بٹر) کے ساتھ ایک یا دو سیب کی قاشیں لیں۔
یہ غذائیں آپ کے خون میں شکر کی مقدار کو مستحکم رکھیں گی، اور آپ کے جگر کو بہت زیادہ گلوکوز خارج کرنےسے روکیں گی۔
محرکات سے دور رہیں۔
سونے سے چند گھنٹے پہلے کیفین یعنی چاکلیٹ اور سوڈا وغیرہ سے پرہیز کریں ۔ یہ کیفین والی غذائیں آپ کے دماغ کو ایکٹو کرتی ہیں اور آپ کی نیند میں خلل ڈال سکتی ہیں، اس کے علاوہ الکحل کی مقدار کو محدود کریں۔ خاص طور پر اگر آپ کو لگتا ہے کہ یہ آپ کی نیند میں خلل ڈال رہا ہے اور آپ کی شوگر کو متاثر کر رہا ہے۔
واک ضرور کریں۔
ورزش انسولین کو زیادہ مؤثر طریقے سے کام کرنے میں مدد دیتی ہے۔ رات کے کھانے کے فورا بعد یا سونے سے قبل چہل قدمی کرنے سے آپ کے بلڈ شوگر کو اگلی صبح تک کنٹرول رکھنے میں مدد مل سکتی ہے۔
نیشنل سلیپ فاؤنڈیشن کے مطابق ، سونے سے بہت زیادہ قبل ورزش کرنا آپ کی نیند کو متاثر کر سکتا ہے، لیکن ایسا سب کے ساتھ نہیں ہوتا اکثر لوگ سونے سے قبل ورزش کرنے کے بعد اچھے سے سوتے ہیں۔ آپ کو اپنے جسم کے مطابق اقدامات کرنے کی ضرورت ہے۔
سونے سے پہلے کمرے کو تیار کریں۔
پرسکون نیند آنے اور رات بھر پرسکون نیند حاصل کرنے کے لئے کمرے کو پرسکون، ٹھنڈا یا گرم آرام دہ اور اندھیرے والا ہونا چاہیئے۔
لائٹس کو مدھم کریں۔
شیڈز اور پردے بند کریں تاکہ طلوع آفتاب آپ کی نیند میں خلل نہ ہو۔
کمرے میں روشنی نہ آئے۔ اس کے لئے کمرے کو تاریک کرنے والے پردے لگائیں۔
اپنے سیل فون کو دوسرے کمرے میں یا دراز میں رکھیں، تاکہ رات میں آنے والے میسیجز یا کالز آپ کی نیند خراب نہ کریں۔
اگر شور سے آپ کی نیند میں خلل ہوتا ہے تو ایئر پلگز کا استعمال کریں۔
یہ تمام اقدامات نیند کے ہارمونز کو تیار کرسکتے ہیں اور آپ کو بہتر نیند لانے میں مدد دے سکتے ہیں۔
سونے سے پہلے کے معمولات۔
ذیابیطس کے 40 سے 50 فیصد لوگوں کو نیند آنے یا بھرپور نیند لینے میں مسائل کا سامنا کرنا پڑتا ہے۔ اعصابی درد، بار بار پیاس، پیشاب کرنے کی ضرورت اور بھوک آپ کو بیدار رکھ سکتی ہے۔ ان مسائل پر قابو پانے کے لئے آپ اپنے ڈاکٹر کی مدد حاصل کر سکتے ہیں۔ اس کے علاوہ کچھ معمولات کو اپنا کر آپ اپنے نیند کے اوقات کو بہتر بنا سکتے ہیں۔
سونے سے پہلے اپنے جسم کو آرام دینے کے لئے کچھ اقدامات کریں اور دماغ کو پرسکون کرکے اسے سونے کے لئے تیار کریں۔ غسل کریں، ہلکا سا یوگا کریں، مطالعہ کریں، لائٹس ہلکی کریں، کمپیوٹر، موبائلز یا ٹیبلیٹس بند کریں۔
مرہم کی ایپ ڈاؤن لوڈ کرنے کے لئے یہاں پہ کلک کریں۔
Android | IOS |
---|---|