ہم میں سے کافی لوگ آئینے کے سامنے کافی وقت گزارتے ہیں اور مختلف پوسچر، کپڑوں کے ڈیزائن اور ہیل والے جوتے آزماتے ہوئے سوچتے ہیں کہ قد کیسے لمبا ہو؟ ایک آئیڈیل قد یا ہائیٹ ایک ایسی پسندیدہ خصوصیت ہوتی ہے جسے سب پسند کرتے ہیں اور چاہتے کہ ہمارے پاس بھی ہوں۔ اسی طرح والدین کی بھی خواہش ہوتی ہے کہ ان کے بچوں کا قد اچھا ہو کیونکہ یہ ایک قابل ذکر جسمانی صفت ہے۔
چھوٹے قد کے لوگ اپنی جینیات کو مورد الزام ٹھراتے ہیں لیکن کیا آپ جانتے ہیں کہ یہ ایک واحد عنصر نہیں ہے۔ بہت سے دوسرے عوامل بھی ہوتے ہیں جیسے آپ کا پوسچر، سونے کے معمولات، اور غذائی انتخاب جو ذمہ داری کا ایک ہی بوجھ بانٹتے ہیں۔ اس لیے قدرتی طور پر قد بڑھانے کے طریقے تلاش کرسکتے ہیں۔
آج ہم آپ کے ساتھ کچھ ایسے طریقے شیئر کریں گے جو واقعی کام کرتے ہیں اگر آپ دہائیوں پرانے سوال کے بارے میں اکثر سوچتے ہیں کہ قد کیسے بڑھایا جاسکتا ہے تو آپ بھی یہ طریقے ضرور آزمائیں۔ مزید معلومات آپ مرہم پہ تجربہ کار بچوں کے ڈاکٹر سےکنسلٹیشن حاصل کریں یا 03111222398 پہ براہ راست بات کریں۔
کیا بچپن کے بعد بھی قد بڑھایا جاسکتا ہے؟
اس سوال کے جواب کے لئے آپ کو یہاں انسانی جسم کی کچھ بنیادی علامات کو سمجھنے کی ضرورت ہوتی ہے۔ گروتھ پلیٹیں، کارٹلیج کے آس پاس کے وہ حصے ہوتے ہیں جو ہڈیوں کو بڑھنے دیتے ہیں۔ وہ بچپن میں بہت زیادہ ایکٹو ہوتے ہیں۔ عمر کے سال گزرتے ہی یہ پلیٹیں سخت ہونا شروع ہو جاتی ہیں۔ بلوغت کو پہنچنے کے بعد، گروتھ پلیٹس کا سخت ہونا شروع ہو جاتا ہے۔ یہی وجہ ہے کہ نوعمری کے بعد انسان لمبا نہیں ہو پاتا۔
کیا لٹکنے سے قد بڑھتا ہے؟
یہ وہ چیز ہے جو ہم سب نے اپنے آباؤ اجداد سے سنی ہے اور اب میڈیکل سائنس نے بھی ثابت کر دی ہے۔ لٹکنے سے ریڑھ کی ہڈی کو لمبا کرنے میں مدد ملتی ہے۔ ریڑھ کی ہڈی لمبا ہونے میں اہم کردار ادا کرتی ہے۔ محققین کے مطابق لٹکنا ریڑھ کی ہڈی کے لیے ایک فائدہ مند ورزش ہے۔ یہ جسم کے پوسچر کو بہتر بناتا ہے جو کہ اچھے قد کے لیے ایک اہم عنصر ہوتا ہے۔
قد لمبا کیسے کریں؟ اس کے بارے میں کچھ نکات
اس میں شک کا کوئی عنصر نہیں ہے کہ لمبا قد ایک متاثر کن جسمانی خصوصیت ہوتی ہے۔ یہی وجہ ہے کہ لوگ ہمیشہ اس بات کی تلاش میں رہتے ہیں کہ قد کیسے بڑھایا جائے۔ لہذا آپ کا قیمتی وقت بچانے کے لیے، ہم نے قد بڑھانے کے کچھ بنیادی طریقے مرتب کیے ہیں۔
اچھی نیند انتہائی مؤثر ہوتی ہے
نیند مجموعی نشو ونما کے لیے ضروری ہوتی ہے۔ یہ وہ چیز ہے جس پر عالمی سطح پر یقین کیا جاتا ہے۔ اس حقیقت کی وجہ یہ ہے کہ نیند کے دوران گروتھ ہارمونز وافر مقدار میں پیدا ہوتے ہیں۔ یہ نمو کے ہارمونز مؤثر نشوونما کو ایکٹو کرتے ہیں جس میں قد کی اونچائی کی متاثر کن نشوونما بھی شامل ہوسکتی ہے۔ لہذا اگر آپ سوچ رہے ہیں کہ لمبا قد کیسے حاصل کیا جائے، تو آپ کو صرف ایک اچھی نیند سے آغاز کرسکتے ہیں۔
عمر کے لحاظ سے نیند کی مقدار
۔1 بہت چھوٹے بچوں کو 11-14 گھنٹے کی نیند لینا چاہیئے۔
۔2 بچوں کو 11 گھنٹے تک سونا چاہیئے۔
۔3 نوعمروں کو 8-10 گھنٹے کی پاور نیپ کی ضرورت ہوتی ہے۔
۔4 بالغوں کو 7-9 گھنٹے تک سونے کی ضرورت ہوتی ہے۔
یوگا
یوگا پورے جسم کی مشق ہے۔ آپ کے جسم کو سیدھ میں لانے سے لے کر آپ کے پٹھوں کو مضبوط بنانے تک، یوگا ایک ایسی سرگرمی ہے جو یہ سب کرسکتی ہے۔ اس صحت مند ورزش کو اپنے گھر کے آرام دہ اور پرسکون ماحول میں کسی یوٹیوب چینل کی مدد سے شروع کریں، یا آپ اس مقصد کے لیے کسی جم میں بھی جا سکتے ہیں۔
صحت مند کھانے کی اہمیت
جسم کی مجموعی دیکھ بھال کے لیے مناسب صحت بخش کھانے کی اہمیت سے کوئی انکار کرنے کی ہمت نہیں کر سکتا ہے۔ کیلشیم اور وٹامن ڈی ہڈیوں کی صحت اور کثافت کے لیے ضروری ہوتے ہیں۔ اپنے کھانے کی روٹین میں پھلوں اور سبزیوں کو شامل کریں۔ پھلوں کے علاوہ آپ کو پتوں والی سبزیوں جیسے پالک اور بند گوبھی بھی کھانی چاہیئے۔
ورزش کریں
قدرتی طور پر قد بڑھانے کے لیے ذیل میں ورزش کی چند بہترین تجاویز ہیں۔
اسٹریچنگ
یہ قد بڑھانے کے آسان اور بہترین طریقوں میں سے ایک ہے۔ ایک دیوار سے ٹیک لگائیں اور پھر اپنے ہاتھوں کو اپنے سر کے اوپر جتنا ہو سکے پھیلائیں۔ پھر جھکنے اور اپنی انگلیوں تک پہنچنے کی کوشش کریں۔ ان مشقوں کو پانچ بار دہرانا ہے، یاد رکھیں یہ آپ کے جسم کو بالکل سیدھ میں رکھتا ہے۔
رسی کودنا
یہ ایک تفریحی جسمانی سرگرمی ہوتی ہے۔ آپ اسے اکیلے یا اپنے دوستوں کے ساتھ مشق کر سکتے ہیں۔ یہ ریڑھ کی ہڈی کو لمبا کرنے کے لیے بھی کارآمد ہوتی ہے۔
پیر کو چھونے کی ورزش
یہ ان لوگوں کے لیے بہترین مشق ہے جو ہمیشہ سوچتے رہتے ہیں کہ گھر میں قدرتی طور پر قد کیسے بڑھایا جائے۔ اس مشق کے فوائد مختلف ہوتے ہیں۔ یہ نہ صرف پٹھوں کی لچک کے لیے اہم ہے بلکہ قد کی پیداوار کو بھی بڑھاتا ہے۔
مختلف فیشن کے ذریعے
آپ خود کو لمبا ظاہر کرنے کے لیے مختلف فیشن بھی استعمال کر سکتے ہیں۔ کپڑوں کے صحیح رنگوں کا انتخاب کرکے اور صحیح شرٹ کو جینز کے ساتھ جوڑ بناکر اپنے آپ کو کافی بہتر محسوس کراسکتے ہیں۔