روزے رکھنے کے ناقابل یقین صحت بخش فائدے

 روزے ہمارے لیے کئی طرح سے صحت بخش فوائد کا حامل ہے، لیکن جیسا کہ ہم ہر چیز کے پیچھے سائنسی تحقیق تلاش کرتے ہیں، بہت سے مطالعات اور تحقیقوں سے بھی اس بات کی تصدیق ہوئی ہے کہ روزے آپ کی صحت پہ کیا اثر ڈالتے ہیں۔

پورا مہینہ مسلسل روزے رکھنے سے انسانی صحت پر خصوصی فائدے حاصل ہوتے ہیں۔ اس بلاگ میں آپ جانیں گے کہ رمضان المبارک کے دوران روزہ رکھنے کے صحت کے فوائد کے پیچھے کیا سائنسی ثبوت ہیں۔

رمضان کے مہینے کے دوران، پوری دنیا کے مسلمان ایک مذہبی فریضہ کے طور پر روزے رکھتے ہیں، ہر روز فجر سے لے کر مغرب تک۔ اس مدت کے دوران، کچھ کھاتے یا پیتے نہیں ہیں. اور بعض چیزوں سے پرہیز کرنے کے پابند ہوتے ہیں جو دماغ اور جسمانی جسم کو پاک کرتی ہیں۔ کچھ لوگ سوچ سکتے ہیں کہ اتنے لمبے عرصے تک روزہ رکھنا صحت کے لیے اچھا نہیں ہے۔ لیکن یہ سچ نہیں ہے۔

۔ 1 رمضان المبارک میں روزے رکھنے کے صحت کے فوائد

رمضان کے دوران روزہ رکھنے کے چند اہم ترین صحت کے فوائد یہ ہیں۔

۔ 1 آپ کے دماغ کو صاف کرتا ہے

جب آپ روزے میں ہوتے ہیں تو غیبت، حسد اور بہت سی دوسری منفی باتوں اور برے کاموں سے پرہیز کرتے ہیں تو آپ کا دماغ خود بخود پاک ہوجاتا ہے۔ سائنس نے آپ کے دماغ پر ان احساسات کے منفی اثرات کو ثابت کیا ہے۔ لہذا، جب آپ پورے دل سے روزہ رکھتے ہیں اور اپنے آپ کو کسی برے کام سے روکتے ہیں، تو اس کا آپ پر روحانی اثر پڑتا ہے اور آپ صحت مند رہتے ہیں۔

اہم بات

اسی طرح آپ روزے کی حالت میں سگریٹ نوشی جیسی لت کو بھی چھوڑ سکتے ہیں۔ اس سے آپ کو صحت مند رہنے میں بھی مدد ملتی ہے۔

۔ 2 بلڈ شوگر کنٹرول کرنے میں مدد کرتا ہے

بہت سے مطالعات سے پتا چلا ہے کہ روزہ رکھنے سے خون میں شوگر کے کنٹرول کو بہتر بنایا جا سکتا ہے، جو خاص طور پر ان لوگوں کے لیے مفید ہو سکتا ہے جو ذیابیطس کے مرض میں مبتلہ ہیں۔

 ٹائپ 2 ذیابیطس والے 10 لوگوں میں ایک تحقیق سے پتہ چلتا ہے کہ مختصر مدت کے وقفے وقفے سے روزہ رکھنے سے خون میں شکر کی سطح میں نمایاں کمی واقع ہوتی ہے۔

۔ 3 آپ کے جسم کو  اندر سے صاف کرتا ہے

 آپ روزے کے دوران کچھ نہیں کھاتے اور نہ پیتے ہیں، اس لیے آپ کا جسم خود کو صحیح طریقے سے ڈیٹاکس کرتا ہے۔ اس طرح جسم کے اندرونی نظام سے زہریلے مادوں کو نکالنے اور میٹابولزم کو متوازن کرنے کے لیے کافی وقت ملتا ہے۔

سال کے دوسرے مہینوں میں، جس میں ہم مناسب طریقے سے کھاتے ہیں، تو ہمارا جسم بہت زیادہ چربی کے ذخائر بناتا ہے، جس میں زہریلے مادے بھی موجود ہوتے ہیں۔ روزے رکھنے سے جسم میں چھپے زہریلے مادے ختم ہوتے جاتے ہیں۔ اس طرح اس مہینے میں آپ کا جسم زہریلے مادوں سے پاک ہو جاتا ہے۔

۔ 4 کولیسٹرول کی سطح کو کنٹرول کرتا ہے

سائنسدانوں کے مطابق روزہ خون میں کولیسٹرول کی سطح کو کم کرنے اور صحت کو کئی طریقوں سے متاثر کرنے میں مدد کرتا ہے۔ روزہ ہائی کولیسٹرول کے مسائل والے مریضوں کے لپڈ پروفائلز کو کنٹرول کرتا ہے۔ اس لیے رمضان کے دوران روزہ رکھنے سے آپ کو کولیسٹرول کو کنٹرول کرنے میں مدد ملتی ہے، جو آپ کی دل کی صحت کو بھی بہتر بناتا ہے، اور دل کی بیماریوں کے امکانات کو بھی کم کرتا ہے۔

۔ 5 بھوک کو کنٹرول کرنے میں مدد کرتا ہے

ہر کوئی چاہتا ہے کہ اس کا وزن کم رہے۔ آپ اپنے وزن کو کنٹرول کرنے کے لیے مختلف طریقے اپناتے ہیں اور صحت مند وزن کو کنٹرول کرنے کا بہترین آپشن اپنی بھوک کو کنٹرول کرنا ہے۔ روزہ آپ کو اپنی بھوک کو کنٹرول کرنے میں مدد کرتا ہے۔

اگر آپ صحت مند کھانے کا طرز زندگی شروع کرنا چاہتے ہیں تو اس پر عمل کرنے کے لیے رمضان میں روزہ رکھنا بہترین آپشن ہے۔ پورے مہینے کے روزے آپ کے معدے کو سکڑنے میں مدد دیتے ہیں، جس سے آپ کا معدہ کم کھانے کا عادی ہو جاتا ہے اور کم کھانے سے پیٹ بھرا ہوا محسوس ہوتا ہے۔

مرہم کی ایپ ڈاؤن لوڈ کرنے کے لیے یہاں پہ کلک کریں

Android	IOS