سینڈیٹری لائف سٹائل یعنی سست طرز زندگی گزارنا صحت کے لیے ایک بہت اہم مسائل پیدا کررہا ہے۔ صحت کی شدید صورتحال کی خرابی کی ذمہ دار بہت سی قوموں میں سست طرز زندگی ہے جو تیزی سے پھیلتی ہوئی نظر آرہی ہے۔
سست طرز زندگی گزارنے والے زیادہ تر لوگوں میں زیادہ جسمانی سرگرمی نہیں ہوتی ہے، اور نہ ہی ان میں صلاحیت ہوتی ہے وہ ہر کام سرانجام دے سکیں۔
آپ نے کئی بار سنا ہوگا کہ تمباکو نوشی اور نشہ آور مشروبات صحت کے لئے نقصان دہ ہے۔لیکن، ایک اور خاموش قاتل ہے جو جسمانی طور پر بہت سی خرابیاں پیدا کرتی ہے۔زیادہ بیٹھنا تمباکو نوشی کی ہی طرح ہے۔یہ ایک نئی تشویش بن گئی ہے، کیونکہ طویل بیٹھنے والے سست طرز زندگی کے صحت کے مہلک اثرات میں مبتلا ہو سکتے ہیں۔اس پہلے کہ آپ کی سست طرز زندگی صحت کے لیے پریشانی کا باعث بن جائے اپنی بہتر کاؤنسلنگ کے لیے آپ مرہم کی سائٹ پہ تجربہ کار ڈاکٹرز سے رابطہ کرسکتے ہیں یا 03111222398 پہ کال کرسکتے ہیں۔
سینڈیٹری لائف سٹائل یعنی سست طرز زندگی کیا ہے؟
ایک آرام دہ صوفہ ،کوئی جسمانی ورزش نہیں،ایک سست طرز زندگی،آپ نے شاید ان تمام فقروں کے بارے میں سنا ہوگا، اور ان کا مطلب ایک ہی چیز ہے: ایک طرز زندگی جس میں بہت زیادہ بیٹھنا اور لیٹنا ہے، جس میں کوئی ورزش شامل نہیں ہے۔
امریکہ اور دنیا بھر میں لوگ زیادہ سے زیادہ وقت سست سرگرمیوں میں صرف کر رہے ہیں۔اپنے فرصت کے وقت، ہم اکثر بیٹھے رہتے ہیں،کمپیوٹر یا دیگر ڈیوائس استعمال کرتے ہوئے، ٹی وی دیکھتے ہوئے، یا ویڈیو گیمز کھیلتے ہوئے۔ہماری بہت سی ملازمتیں زیادہ سست ہو گئی ہیں، طویل دن ایک ڈیسک پر بیٹھے ہوئے ہوتے ہیں۔اور جس طرح ہم میں سے زیادہ تر لوگوں کا آفس آنے اور
جانے میں گاڑیوں، بسوں اور ٹرینوں میں بیٹھنا بھی شامل ہے۔
ایک اور پہلو جو اکثر سینڈیٹری لائف سٹائل سے وابستہ ہوتا ہے وہ کھانے کی بری عادات ہیں: چپس، پیزا، دکان سے خریدے گئے چینی سے بنے مشروبات اور ہر طرح کے غیر صحت بخش کھانے شامل ہیں۔ 
سینڈیٹری لائف سٹائل آپ کے جسم کو کس طرح متاثر کرتا ہے؟
:جب آپ کا طرز زندگی سست ہوتو
آپ کم کیلوری جلاتے ہیں۔
اس سے آپ کا وزن بڑھنے کا امکان زیادہ ہوتا ہے۔
آپ پٹھوں کی طاقت اور برداشت کو کھو سکتے ہیں، کیونکہ آپ اپنے پٹھوں کو اتنا استعمال نہیں کر رہے ہوتے ہیں جس سے آپ کی ہڈیاں کمزور ہو سکتی ہیں اور کچھ معدنی مواد بھی کھو سکتی ہیں۔
آپ کا میٹابولزم متاثر ہوسکتا ہے۔
آپ کے جسم میں چربی اکھٹا ہورہی ہوتی ہے اور شکر کی بڑھتی ہوئی زیادہ مقدار پریشانی کا باعث ہوسکتی ہے۔
آپ کا مدافعتی نظام بھی کام نہیں کر سکتا ہے۔
آپ کے خون کی گردش میں خرابی پیدا ہوسکتی ہے۔
آپ کے جسم میں زیادہ سوزش ہوسکتی ہے۔
آپ میں ہارمونل عدم توازن پیدا ہوسکتا ہے۔
سینڈیٹری لائف سٹائل کے صحت کے خطرات کیا ہیں؟
سست طرز زندگی بہت سی شدید بیماریوں کی وجوہات بن سکتی ہے ۔باقاعدگی سے ورزش نہ کرنے سے،اپنے آپ کو شدید خطرے میں ڈال سکتے ہیں۔۔۔
موٹاپا
دل کی بیماریاں
دل کی شریانوں کی بیماری
اور دل کا دورہ
ہائی بلڈ پریشر
ہائی کولیسٹرول
سٹروک
ٹائپ 2 ذیابیطس
کولون
چھاتی اور یوٹرائن کینسر سمیت کچھ اور سرطان کی قسمیں
آسٹیوپوروسس
ڈپریشن اور بے چینی کے بڑھتے ہوئے احساسات
سینڈیٹری لائف سٹائل سے آپ کی قبل از وقت موت کا خطرہ بھی بڑھ سکتا ہے۔اور آپ جتنا زیادہ سست ہوں گے، آپ کی صحت کے خطرات اتنے ہی زیادہ ہوں گے۔
سینڈیٹری لائف سٹائل میں اضافے کی وجوہات کیا ہیں؟
گزشتہ سالوں کے برعکس آجکل ڈیسک جابز میں زیادہ اضافہ ہورہا ہے اور لیپ ٹاپ اور ڈیسک ٹاپ جیسی ابھرتی ہوئی ٹیکنالوجیز کااستعمال کرتے ہوئے بیٹھنے پہ مجبور ہوجاتے ہیں ۔ آجکل فون اور سوشل میڈیا پر گزارے گئے وقت کا بڑھتا ہوا ٹائم بھی اس کی بڑی وجوہات میں سے ایک ہے۔
کام پر آنے جانے کے وقت بیٹھنے میں گزارے گئے گھنٹے کام کے طویل اوقات صحت کے لیے خرابی کا باعث بنتے ہیں۔ گھر میں بیٹھے بیٹھے آڈر پہ چیزوں کا منگوانا لوگوں کی جسمانی طور پر چل کر دکانوں پہ جانے کی ضرورت کو کم کردیا ہے۔اس طرح کی زندگی خطرے کی گھنٹی ہےجو بج رہی ہوتی ہے مگر ہم اس پہ توجہ نہیں دیتے ہیں جو غلط ہے ۔ہمیں چاہیئے کہ اپنی صحت کی بہتری کے لیے جسمانی سرگرمیوں کو بڑھائیں۔
سینڈیٹری لائف سٹائل کو ختم کرنے کے لیے آپ کس طرح ورزش شروع کرسکتے ہیں؟
اگر آپ بہت سست رہیں ہیں، تو آپ کو اپنی صحت کی بہتری کے لیے آہستہ آہستہ ورزش شروع کرنے کی ضرورت پڑ سکتی ہے۔ پہلے ہلکی پھلکی ورزش سے شروع کریں ،پھر آپ آہستہ آہستہ مزید ورزش شامل کرسکتے ہیں۔ آپ جتنا زیادہ کر سکتے ہیں، اتنا ہی آپ کے لیے بہتر ہوگا۔
لیکن کوشش کریں کہ زیادہ تھکاوٹ محسوس نہ ہو، اور جتنا آپ محنت کرسکتے ہیں اتنی ہی کریں۔کچھ ورزش کرنا مشکل ہوتی ہے مگر اسے احتیاط سے کریں۔ آپ اپنی عمر اور صحت کے مطابق ورزش کرنے کے لیے ڈاکٹر کی ہدایت ضرور حاصل کریں۔
ورزش کرنے کے بہت سے مختلف طریقے ہیں؛جن کی اقسام کو تلاش کرنا بہت ضروری ہے جو آپ کے لئے بہترین ہوسکتے ہیں۔آپ اپنی زندگی میں چھوٹے چھوٹے طریقوں سے سرگرمیوں کو شامل کرکے ایکٹو ہوسکتے ہیں پھر چاہے وہ گھر ہو یا پھر آفس کے کام ہوں۔
گھر میں سینڈیٹری لائف سٹائل کو کس طرح تبدیل کرسکتے ہیں؟
کچھ طریقے ہیں جو آپ کو اپنے گھر کے ارد گرد مصروف کرسکتے ہیں۔
گھر کا کام،باغبانی اور یارڈ کا کام یہ سب جسمانی کام ہیں.شدت بڑھانے کے لئے، آپ کام کو زیادہ رفتار سے کرنے کی کوشش کرسکتے ہیں۔
ہاتھ کا وزن اٹھائیں، کچھ نرم یوگا اسٹریچ کریں، یا ورزش والی سائیکل پیڈل کریں۔ٹی وی ریموٹ استعمال کرنے کے بجائے اٹھیں اور چینلز کو خود تبدیل کریں۔ورزش والی ویڈیو دیکھ کر گھر پر ورزش کریں۔
پارک میں سیر کے لئے جائیں،اپنے بچوں کو اسکول پیدل چھوڑنے اور لینے جائیں، یا کسی دوست کے ساتھ چلتے ہیں تو اس میں زیادہ مزہ آسکتا ہے۔فون پر بات کرتے وقت کھڑے ہوں یا واک کریں۔
اپنے گھر کے لئے کچھ ورزش کا سامان خرید لیں،ٹریڈملز وغیرہ ، لیکن اگر کسی کے پاس اس کے لیے پیسہ یا جگہ نہیں ہےتو کم مہنگے آلات جیسے یوگا گیندیں، ورزش کی چٹائیاں، اسٹریچ بینڈ، اور ہاتھ کے وزن آپ کو گھر پر ورزش حاصل کرنے میں بھی مدد کر سکتے ہیں۔
آفس میں کام کے دوران کیسے سینڈیٹری لائف سٹائل کو تبدیل کرسکتے ہیں؟
ہم میں سے زیادہ تر لوگ اس وقت تک بیٹھتے ہیں جب ہم کام کر رہے ہوتے ہیں، اکثر کمپیوٹر کے سامنے بیٹھتے ہیں۔درحقیقت بہت کم لوگوں کے پاس جسمانی طور پر ایکٹو رہنے کی ملازمتیں ہوتی ہیں۔اپنے مصروف دن کے کام میں جسمانی سرگرمی کو فٹ کرنا مشکل ہوسکتا ہے۔
یہاں آپ کو ایکٹو رہنے میں مدد کرنے کے لئے کچھ تجاویز موجود ہیں۔
اپنی کرسی سے اٹھیں اور ایک گھنٹے میں کم از کم ایک بار گھومیں جب آپ فون پر بات کر رہے ہوں تو کھڑے ہوں واک کریں۔
آپ لفٹ کی بجائے سیڑھیاں استعمال کریں۔ عمارت کے ارد گرد چلنے کے لئے اپنے وقفے یا دوپہر کے کھانے کے گھنٹے کا کچھ حصہ استعمال کریں۔
کھڑے ہو کر ای میل بھیجنے کے بجائے ساتھی کے دفتر چلیں کانفرنس روم میں بیٹھنے کے بجائے ساتھیوں کے ساتھ “چلنا” یا کھڑے ہو کر ملاقاتیں کریں۔
تحقیق نےسینڈیٹری لائف سٹائل کو صحت کی شدید صورتحال قرار دیا ہے۔بہت سے لوگ کم سے کم جسمانی کام کرتے ہیں، اور بہت زیادہ وقت بیٹھنے میں گزارتے ہیں ،اس سے صحت کے مسائل پیدا ہونے کا خطرہ ہوتا ہے۔لوگ جسمانی سرگرمی کی مقدار میں اضافہ کرکے اور بیٹھنے میں گزارے گئے وقت کو کم کرنے کے لئے اوپر دی گئی تکنیکوں کا استعمال کرکےسینڈیٹری لائف سٹائل کے خطرات کو کم کرسکتے ہیں۔
مرہم کی ایپ ڈاؤن لوڈ کرنے کے لیے یہاں پہ کلک کریں۔
| Android | IOS |
|---|---|
 |  |
