اگر آپ 40 کی دہائی کے وسط میں ہیں اور آپ کے پیریڈ بے قاعدگی کا شکار ہو رہے ہیں تو ، آپ “پیریمینوپاز” میں ہوسکتی ہیں۔ یہ قدرتی مرحلہ ہے جب آپ کے پیریڈ ختم ہونے کے قریب پہنچتے ہیں۔ تویہ مرحلہ شروع ہوسکتا ہے
یہ مرحلہ اوسطا تقریبا چار سال تک رہتا ہے ، حالانکہ کچھ خواتین صرف چند ماہ اور کچھ کئی سالوں کی علامات کا تجربہ کر سکتی ہیں۔ اس کی وجہ سے ہارمونز میں اتار چڑھاؤ بھی ہوسکتا ہے کیونکہ آپ کی بیضہ دانی میں انڈوں کی تعدیاد تقریباختم ہوچکی ہوتی ہیں۔ آپ کے ایسٹروجن کی سطح کم ہو جاتی ہے اور آپ کو واضح طور پر ماہواری کی بے قاعدگی ہو سکتی ہے۔
ارریگولر پیریڈ یا پیریڈ کی بے قاعدگی ہارمونل تبدیلیوں، وزن میں اضافہ ، سونے میں دشواری ، اندام نہانی کی خشکی ، موڈ میں تبدیلی کی وجہ سے بلاوجہ کی افسردگی کا باعث بن سکتی ہیں۔
Table of Content
آپ پیریمینوپاز کی کب توقع کر سکتے ہیں؟
امکانات ہیں ، اگر آپ کی عمر 45-50 سال کے درمیان ہے ، آپ کے ارریگولر پیريڈ پیریمینوپاز کی علامت ہوسکتے ہیں۔ اس کی شروع ہونے کی اوسط عمر 47 ہے۔
اگرچہ ہم یہ نہیں بتا سکتے کہ یہ آپ کے لیے کب ہوگا ، آپ کی والدہ نے جس عمر میں اس کی علامات کا تجربہ کرنا شروع کیاہوگا وہ ایک اچھا اشارہ ہو سکتا ہے۔اور کافی چانس ہے کہ آپ کو بھی اسی عمر میں اس کی علامات شروع ہوجائیں تمباکو نوشی کرنے والی عورتوں کو تمباکو نوشی نہ کرنے والوں عورتوں کے مقابلے میں پہلے پیریمینوپاز کی علامات کا سامنا کرنا پڑسکتا ہے۔
کیا آپ کو پیریمینوپاز کے لیے ٹیسٹ کرانا چاہیے؟
مختصر جواب ہے نہیں۔
ایسےٹیسٹ جو آپ کے اووری کی پیمائش کرتے ہیں وہ پیریمینوپاز کے دوران شاذ و نادر ہی درست ہوتے ہیں۔ ہارمون اور ایسٹروجن دن بھر بدلتے رہتے ہیں اس لئے وہ عام طور پراس کی تشخیص میں مددگار ثابت نہیں ہوتے
اگر آپ کی عمر 45 سال سے کم ہے اور آپ پیریمینوپاز کی علامات کا تجربہ کرتے ہیں تو پھر ان ہارمونز کی وجہ کو جانچنے کے ڈاکٹر کچھ ٹیسٹ کرتے ہیں۔
ماہواری کی تاریخ کی ڈائری رکھنا عام طور پر بہترین “ٹیسٹ” ہے جو آپ کر سکتے ہیں۔ اس سے آپ کو اور آپ کی گائنی کو یہ جاننّے میں مدد ملے گی کہ آپ کےجسم کا سسٹم صحیح چل رہا ہے یا نہیں ابھی کسی اچھی گائنی سے اپائمنٹ لینے کے لئے مرہم کی سائٹ وزٹ کریں یا 03111222398 پر رابطہ کریں
جب بھی آپ غیر معمولی پیریڈ یعنی معمول سے کم یا زیادہ فلو کا تجربہ کرتے ہیں (یعنی ، خون کی مقدار میں تبدیلی ، خون کی فریکوئنسی ، اور ماہواری کے دنوں میں کمی یا زیادتی ) ، اپنے ڈاکٹر سے چیک اپ کرنا ایک اچھا خیال ہے تاکہ یہ یقینی بنایا جاسکے کہ یہ نارمل ہے اور کوئی دوسرا مسئلہ نہیں ہے۔ .
پیریمینوپازکے دوران کیا توقع کی جائے
جس طرح ہر عورت کے پیریڈ مختلف ہوتے ہیں ، اسی طرح جس طرح پیریمینوپاز کا تجربہ بھی مختلف ہوگا۔ علامات کی شدت ایک عورت سے دوسری عورت میں مختلف ہوتی ہیں ، لیکن وہ عام طور پر ہوتی ایک جیسی ہیں کی جب تک کہ آپ کے پیریڈ بند نہ ہوجائیں بے
بےقاعدہ پیریڈ
یہ پیریمینوپاز کی سب سے بڑی پہچان ہے۔ غیر متوقع طور پر مہینے سے پہلے ہوجانا یا نہ ہونا ۔ پیریڈآہستہ آہستہ ایک چکر سے دوسرے چکر میں تبدیل ہو سکتے ہیں یعنی 25 کی بجائے 35 یا 40 دن بعد ہونا ، یا آپ کو زیادہ اچانک تبدیلیاں محسوس ہو سکتی ہیں۔
جسم سےگرمائش کا نکلنا اور رات کو سوتے وقت اچانک پسینہ چھوٹنا
جسم سےگرمائش کا نکلنا اور رات کو سوتے وقت اچانک پسینہ چھوٹنا عام علامات ہیں ، 85٪ سے زیادہ خواتین اس کی شکائت کرتی ہیں۔ ہارمون کی تبدیلیاں آپ کے جسم کے “اندرونی ترموسٹیٹ” کو متاثر کرتی ہیں۔جس کی وجہ سے ایک گرم فلیش آپ کے چہرے ، گردن اور سینے میں گرمی کی لہر کا احساس دلاتی ہےیہ کئی منٹ تک جاری رہ سکتا ہے۔ یہ دن میں چند بار ، ہفتے میں چند بار یا اس سے کم بھی ہو سکتی ہے۔
سونے میں دشواری کا سامنا
جب گرمائش کا احساس آپ کو بیدار کرتا ہےتو دوبارہ سو جانا مشکل ہو سکتا ہے۔ آپ بے چینی محسوس کر سکتے ہیں اورآپ کو ایسا لگ سکتا ہے کہ آپ جہاز میں ہیں۔ اس کے علاوہ ، موڈ کی تبدیلی پریشانی کا باعث بن کر اکثر نیند کو مشکل بنا سکتی ہے۔
چڑچڑاپن اور افسردگی
یہ فیز ڈپریشن کا خطرہ تقریبا 30 فیصد تک بڑھاتا ہے۔ ڈپریشن میں اضافہ جسم میں آنے والی تبدیلیوں پر قابو نہ ہونے ، نیند نہ آنے اور زندگی کے دیگر واقعات سے ہوسکتا ہے جو عام طور پر اس وقت ہماری عمر کے ساتھ ساتھ وقوع پزیر ہوتے ہیں۔ ایک اچھی خبر ہے! مطالعات سے پتہ چلتا ہے کہ پیریڈ مکمل بند کے بعد ڈپریشن کا خطرہ کم ہو جاتا ہے۔
پیریمینوپا ز کو خود علاج کی ضرورت نہیں ہے۔ کیونکہ جب آپ اپنی زندگی کے اگلے مرحلے میں جاتے ہیں تو یہ ایک قدرتی عمل کے طور پر آپ کے جسم میں تبدیلیاں لاتا ہے ۔
پیریمینوپاز کی علامات کا علاج
تاہم ، پیریمینوپاز کی علامات کا علاج یقینی طور پر ممکن ہے۔ اپنی گائنی سے اس بارے میں مشورہ آپ کو اپنے لیے بہترین راستے کا تعین کرنے میں مدد دے گا۔
پیدائش کو روکنےوالی گولیوں میں ایسٹروجن کی کم مقدار ہوتی ہے جس کی وجہ سے ان کا استعمال ہارمونز کو ریگولیٹ کر کے پیریمینوپاز کی غیر آرام دہ علامات کو کنٹرول کرنے میں مدد کر سکتا ہے۔
ڈپریشن کو کم کرنے کے لیے اینٹی ڈپریسنٹس تجویز کی جا سکتی ہیں۔ وہ گرمائش کے احساس کے علاج میں بھی مدد کرسکتی ہیں۔
سپلیمنٹس ، جیسے ملٹی وٹامنز ، کا استعمال آپ کی مجموعی صحت کو بہتر کرنے میں مدد کرتاہے۔مشاورت یا کونسلنگ آپ کو یہ جاننے میں مدد دے سکتی ہے کہ آپ کے جسم اور زندگی میں جو تبدیلیاں آرہی ہیں ان سے کیسے نمٹنا ہے۔
ورزش جیسے یوگا پورے پیریمونپوز کے دوران فائدہ مند ہے کیونکہ یہ آپ کو صحت مند وزن برقرار رکھنے ، اپنے مزاج کو بہتر بنانے ، ہڈیوں کو مضبوط بنانے اور قلبی اور دیگر بیماریوں کے خطرے کو کم کرنے میں مدد فراہم کرتی ہے۔
