کیا آپ کو زیادہ سردی لگتی ہے جانیں اس کی 5 بڑی وجوہات اور اس سے بچنے کی تدابیر

سردی کے موسم میں سردی کا لگنا ایک عام سی بات ہے اور جس کا سامنا ہر نارمل انسان کو کرنا پڑتا ہے مگر بعض افراد کو سردی اتنی زيادہ لگتی ہے کہ اس ٹھنڈک کے سبب وہ اپنے روز مرہ کے کام انجام دینے کے قابل بھی نہین رہتے ہیں اور کچھ بھی نہیں کر سکتے ہیں

زیادہ سردی لگنے کی وجوہات

آپ کے ارد گرد کے افراد اگر آپ کو یہ یقین دلا رہے ہیں کہ ٹھنڈک قابل برداشت ہے مگر اس کے باوجود آپ اپنے روز مرہ کے افعال انجام دینے کے قابل نہ ہوں اور موسم کی شدت کے سبب ہاتھ پاؤں ٹھنڈے پڑ رہے ہوں تو درحقیقت آپ حد سے زيادہ سردی محسوس کرنے کے مسلے سے دوچار ہیں

انسانی دماغ کا ایک حصہ ہائپوتھیلمس جسم کے درجہ حرارت کو محسوس کرنے کے احساسات کو کنٹرول کرتا ہے یہ حصہ جسم کے تمام حصوں کو بیرونی درجہ حرارت کے مطابق پیغام بھیجتا ہے اور جسم میں گرمی یا ٹھنڈک کے احساسات پیدا کرتا ہے

ہمارا خون جسم کے مختلف حصوں اور جمع شدہ چربی تک پیغام پہنچاتا ہے اور گرمی فراہم کرتا ہے حد سے زيادہ سردی محسوس کرنے کا مطلب ہے کہ جسم کے اس نظام میں کسی حد تک خرابی پیدا ہو رہی ہے

حد سے زيادہ ٹھنڈک کو محسوس کرنے والے افراد کن خطرناک بیماریوں کا شکار ہو سکتے ہیں اس کے بارے میں ہم آپ کو آج بتائيں گے

انیمیا

اگر جسم میں خون میں سرخ ذرات کی کمی لاحق ہو اور یہ مقدار مقررہ مقدار سے کم ہو تو اس صورت میں بھی انسان شدید سردی کا شکار ہو سکتا ہے

خون کی کمی بہت سارے دیگر امراض کا سبب بھی بن سکتا ہے جس کا علاج بہت ضروری ہے اس صورتحال میں گرفتار ہونے کی صورت میں فوری طور پر ماہر ڈاکٹر سے رابطہ ضروری ہوتا ہے

اینوریکسیا

اس صورت میں انسان غذائي بے اعتدالی کا شکار ہو سکتا ہے جس کی وجہ سے جسم کی چربی تیزی سے گھلنا شروع ہو جاتی ہے

اس کے علاج کے لیۓ ماہر غذائيت کی رہنمائی کی ضروروت ہوتی ہے جو کہ علامات کی بنیاد پر اس مرض کا علاج کرتے ہیں

ہائپو تھائيرائيڈزم

اگر تھائي رائڈ گلینڈ مناسب مقدار میں تھائي رائڈ نہ بنا رہا ہو تو اس صورت میں بھی انسانی جسم ایسی صورتحال کا شکار ہو سکتا ہے

عام طور پر اس کے علاج کے لیۓ ماہر اینڈو کرائن ڈاکٹر کی ضرورت ہوتی ہے جس کے مشوروں کی بنیاد پر اس بیماری کا علاج کروایا جا سکتا ہے

ہائپو تھیلمس کی بے اعتدالی

اس صورت میں دماغ ایسے ہارمون پیدا نہیں کر سکتا ہے جو کہ جسم کو گرم ہونے کا بتاۓ

فائبرو مائلگیا

یہ ایک شدید حالت ہوتی ہے جس میں جسم میں شدید درد اور بے چینی بھی سردی کے ساتھ محسوس ہوتی ہے

شدید سردی کا محسوس ہونا درحقیقت بہت ساری بیماریوں کے سبب ہو سکتا ہے اس حالت میں ڈاکٹر کے پاس جانا مشکل لگتا ہے اس وجہ سے ماہر ڈاکٹروں سے آن لائن مشاورت اور علاج کے لیۓ مرہم کی ایپ اپنے فون پر ڈاون لوڈ کریں یا پھر مرہم ڈاٹ پی کے کی یوب سائٹ وزٹ کریں ۔ اس کے علاوہ 03111222398 پر بھی براہ راست کال کر کے اپائنٹمنٹ لی جا سکتی ہے 

شدید ٹھنڈ لگنے کی بیماری کی تشخیص

اگر آپ اسی سال اس مسلے سے دو چار ہیں تو اس صورت میں آپ کو ڈاکٹر سے فوری طور پر رابطہ کرنا چاہیۓ جو میڈيکل ہسٹری کو دیکھتے ہوۓ کچھ سوالات پوچھے گا جو اس طرح سے ہو سکتے ہیں

کیا یہ صورتحال اس سے پہلے بھی تھی

کیا آپ کچھ خاص ادویات کا استعمال کر رہے ہیں

کب سے زيادہ ٹھنڈ محسوس ہو رہی ہے

کیا ٹھنڈ کے علاوہ بھی کچھ علامات کا سامنا کرنا پڑ رہا ہے

کیا بھوک ٹھیک لگ رہی ہے

اس کے ساتھ ساتھ ڈاکٹر کچھ میڈيکل ٹیسٹ بھی دے سکتا ہے جن کی بنا پر وہ فیصلہ کرسکتا ہے

بیماری کا علاج

یہ بزات خود کوئي بیماری نہیں ہے بلکہ دوسری بیماریوں کے سبب ہو سکتی ہے اس وجہ سے اس کے علاج کے لیۓ ان وجوہات کا علاج ضروری ہے جو کہ اس کا سبب بن رہی ہوتی ہیں

انیمیا کی صورت میں ڈاکٹر ایسے سپلیمنٹ تجویز کریں گے جو فولاد پر مشتمل ہوتے ہیں اور خون میں سرخ ذرات کو بڑھانےکا باعث بن سکتے ہیں

اینوریکسیا کا علاج ایک طویل علاج ہوتا ہے جس کے لیے ادویات کے کئي کورسز کرنے ہوتے ہیں جس کے ساتھ ساتھ ماہر غذائیت اور ماہر نفسیات کی مدد بھی درکار ہوتی ہے جو طرز زندگی میں تبدیلی کے ساتھ اس بیماری کا علاج کرتے ہیں

ہائپو تھائيریڈزم کے علاج کے لیۓ بھی ڈاکٹر ایسے مصنوعی تیار شدہ ہارمون تجویز کرتے ہیں جو کہ جسم میں تھائي رائڈ کی شرح کو کنٹرول کرتے ہیں

اس کے علاوہ ہائپو تھیلزم کے علاج کے لیۓ شعاعوں اور لیزر ٹریٹمنٹ کے ذریعے علاج کیا جاتا ہے

شدید ٹھنڈ کی صورت میں کیۓ جانے والے اقدامات

اگر آپ یہ محسوس کر رہے ہیں کہ آپ کو عام حالات سے زيادہ سردی لگ رہی ہے تو اس کے لیۓ سب سے پہلے خود کو گرم کرنے کی کوشش کریں اس کے لیۓ مناسب گرم کپڑے پہنیں اس کے ساتھ ساتھ اگر یہ صورتحال برقرار رہے تو فوری طور پر اپنے ڈاکٹر سے رجوع کریں اور اس کی ہدایات کی روشنی میں عمل کریں